| e-texts navigator |
| Wylie |
107a1 གཡུལ་སྤྲད་ས། །གྲོག་མཁར་ས་ལ་སོགས་པ་རྣམས། །བསྡུད་ཆད་ས་ལ་བོང་བུའི་ཆུས། །སྦྲུས་ཏེ་ལིང་ག་སྟ་གོན་བྱ། །དེ་ནས་དབེན་པར་སོང་ནས་ནི། །མར་ངོ་ཡི་ནི་ཚེས་བརྒྱད་དམ། །བཅུ་བཞི་ལ་སོགས
107a2 སྒྲུབ་དུས་ལ། །གཟའ་སྐར་ཤིན་དུ་དྲག་པོ་ལ། །དེ་ནས་འཁོར་ལོ་བྲི་བར་བྱ། །རྒྱུ་ནི་རོ་རས་ཤིང་ཤུན་དང་། །ཞིང་ལྤགས་དག་ལ་དུག་སྣ་དང་། །ཁྲག་དང་དུག་གི་མེ་ཏོག་གི། །དུ་བ་མཚན་ངན་ཐོད་ཆགས་ལ། །མཆོག
107a3 ཕུར་བསྟོད་པའི་སྣག་ཚས་བྲི། །རྒྱ་སྐྱེགས་དག་གིས་བསྲེས་ལ་བྲི། །ཚད་དང་ལྡན་པའི་མུ་ཁྱུད་ནི། །རིམ་པ་བཞི་དང་ལྡན་པ་ལ། །ནང་དུ་ལིང་ཚེ་དགུ་པ་བྱ། །ཕྱོགས་བཞི་དབུས་དང་ལྔ་པོར་ནི། །གྲུ་གསུམ་ནག་པོ
107a4 ས་བོན་བཅས། །ལས་རྣམས་བྱེད་པ་རླུང་ཡིག་དང་། །མ་ཧཱ་ཀཱ་ལ་འབྲུ་བཞི་དང་། །སྟེང་ནོན་ཨོཾ་དང་བཛྲ་སྟེ། །དེ་ཡི་ཕྱིར་མི་རྩིབས་བརྒྱད་ལ། ། མུ་ཀ~ཾ་དང་བ་ཡི་ནི། །ཡི་གེ་བཅུ་གསུམ་གཉིས་གཉིས་པ། །
107a5 གཡས་སྐོར་དག་ཏུ་དགོད་པར་བྱ། །དེ་ཡི་ཕྱི་རིམ་པད་འདབ་བརྒྱད། །སྒོ་མཚམས་ལྷ་མོའི་འཁོར་ལོའི་སྔགས། །མིང་སྤེལ་བཅས་པ་དགོད་པར་བྱ། །དེ་ཡི་ནང་གི་གྲུ་ཆད་བཞིར། །ཧཱུ~ཾ་གཉིས་ཕཊ་དང་བཅས་པ
107a6 ལ། །མིང་སྤེལ་བཅུག་ལ་བྲི་བར་བྱ། །ཁྱད་པར་སྦས་པའི་འཁོར་ལོ་ནི། །དབུས་སུ་རླུང་གི་ས་བོན་ཉིད། །ཕྱོགས་བཞིར་མཁའ་འགྲོ་མ་བཞི་གནས། །ཕྱོགས་བཞིར་སྔགས་ཀྱི་ཕྲེང་བ་ལས། །ཕྱི་རོལ་རྩིབས
107a7 ལ་གཅོད་པའི་སྔགས། །འདབ་བརྒྱད་ཆ་ལ་ཙཎ་ཌི་ཀ་།མཐའ་རྟེན་སྔ་མ་དག་དང་མཚུངས། །ཡང་ན་རིམ་པ་གསུམ་པ་ཡི། །གསང་སྔགས་མ་ཧཱ་ཀཱ་ལ་ཡི། །ཕྲིན་ལས་ཁྱད་པར་དགོད་པར་བྱ། །འདིས་ནི་ཤིན་དུ་མངོན
107a8 སྤྱོད་མྱུར། །ཐབས་དང་ཤེས་རབ་ཁྱད་པར་དང་། །སྟེང་འོག་བར་གྱི་དབྱེ་བ་ཡིས། །ཟངས་དང་ལྕགས་ཀྱི་གྲི་གུག་གིས། །བླ་དང་ཚེ་སྲོག་དོན་སྙིང་ལ། །མྱུར་དུ་འཁོར་བས་གཅོད་པར་བྱེད། །སྡུད་བྱེད་འཕྲོག་ཅིང་ལེན་པའི་སྲོག་།བསྒྲལ
iiif viewer powered by OpenSeadragon
