| e-texts navigator |
| Wylie |
101b1 བཀུག་ནས་གཉིས་མེད་བཞུགས་པར་བསམ། །དེ་ལས་གསང་སྔགས་བརྗོད་ཙམ་གྱིས། །ཕུར་བུས་གདབ་དང་བརྡུང་བར་བྱ། །དེས་ནི་བླ་མེད་མཆོག་དག་འགྱུར། །ཁྲོ་བོ་དེ་དག་རེ་རེ་ཞིང་། །བརྟན་པར་བྱ་ཕྱིར་གསང་སྔགས་བརྗོད། །
101b2 ཨོཾ་དཀར་འཁོར་ལོ་དང་བཅས་པ། །འོད་ལྡན་དེ་ལས་སྤྲོས་བསྡུས་པས། །བཅོམ་ལྡན་རང་བཞིན་ཡངས་ཤིང་ཁྱབ། །འོད་དུ་ཞུ་ནས་གཞལ་ཡས་ཁང་། །རིན་ཆེན་སྣ་ཚོགས་ལས་གྲུབ་པ། །གྲུ་བཞི་སྒོ་དང་རྟ་བབས
101b3 བཅས། །རྡོ་རྗེ་དང་ནི་ནོར་བུ་ཡི། །འོད་ཟེར་འཁྲུགས་པའི་རྣམ་པའོ། །ཕོ་བྲང་ནང་མ་ཟླུམ་པོ་ལ། །རེ་མིག་དགུ་པ་རྡོ་རྗེས་བསྐོར། །ཕྱི་ནི་པད་མ་མུ་ཁྱུད་བཅས། །དེ་ཡི་ནང་ན་ཨེ་ཡི་དབྱིབས། །དྲག་པོའི
101b4 གནས་སུ་བསམ་པར་བྱ། །དབུས་མའི་ནང་དུ་པ~ཾ་ལས་ནི། །པད་མ་ཉི་ཟླར་བཅས་པ་བསམ། །ཱ་ལི་ཀཱ་ལི་འདུས་པ་ལས། །དེ་ལས་ནམ་མཁའི་ས་བོན་ཏེ། །ནམ་མཁའ་ལས་ནི་ཧཱུ~ཾ་བྱུང་སྟེ། །གཉིས
101b5 མེད་ཞུགས་ལས་འོད་དུ་ཞུ། །དེ་ལ་རྡོ་རྗེ་གྲི་གུག་བསམ། །འོད་ཀྱི་སྣང་བས་ཁྱབ་པ་ལས། །སྐད་ཅིག་གིས་ནི་སྐུ་རྫོགས་པ། །ནག་པོ་ཆེན་པོ་བསམ་པར་བྱ། །ཞལ་གཅིག་ཕྱག་བཞི་འཇིགས་པའི
101b6 གཟུགས། །དཔའ་བོ་ཆེན་པོ་རོལ་པས་བཞུགས། །ཡབ་ཡུམ་གཉིས་སུ་མེད་པར་བསམ། །དེ་ལྟར་ཡབ་ཡུམ་རྫོགས་བསྐྱེད་ནས། །མཁའ་གསང་བྱིན་གྱིས་བརླབ་བྱ་སྟེ། །སྔགས་བརྗོད་པས་ནི་དགྱེས
101b7 པ་བསྐྱེད། །དེ་ལས་དཀྱིལ་འཁོར་ལྷ་ཚོགས་རྣམས། །ཡབ་ཡུམ་སྙོམས་པར་ཞུགས་པ་ལས། །ཡུམ་གྱི་མཁའ་དབྱིངས་བདེ་ཆེན་དུ། །སོ་སོར་ཆོ་གས་བསྐྱེད་བྱས་ལ། །ཕྱི་རོལ་དུ་ནི་རིམས་ཀྱིས་འབྱུང་། །དང་པོར་གཙོ་བོའི་རྒྱན
101b8 དང་བཅས། །རྫོགས་པར་ཕྱུང་སྟེ་དྷཱུ་ཏཱི་ནས། །གྱེན་དུ་ཐུགས་ཀའི་པད་མ་ལས། །འཐོན་ཏེ་འགྲོ་བའི་དོན་བྱས་ལ། །སླར་འདུས་རང་ལ་ཐིམ་གྱུར་པ། །དཔལ་ལྡན་སྙིང་རྗེའི་སྟོབས་སུ་གནས། །དེ་ལས་རིམ་པ་ཇི་བཞིན་དུ། །
iiif viewer powered by OpenSeadragon
