| e-texts navigator |
| Wylie |
101a1 སརྦ་དྷརྨྨཱཿསྭ་བྷཱ་བ་ཤུདྡྷོུ྅ཧ~ཾ། ཨོཾ་བཛྲ་ཤུདྡྷཱཿསརྦ་དྷརྨཱཿསྭ་བྷཱ་བ་ཤུདྡྷོུ྅ཧ~ཾ། ཨོཾ་ཡོ་ག་ཤུདྡྷཱཿ་སརྦ་དྷརྨྨཱཿསྭ་བྷཱ་བ་ཤུདྡྷོུ྅ཧ~ཾ། ཞེས་བརྗོད་པར་བྱའོ། །ཕྱི་དང་ནང་གི་དངོས་པོ་ཀུན། །གདོད་ནས་དག་པའི་ངང་དུ་བསམ། །
101a2 དེ་ཉིད་ཧཱུ~ཾ་དང་བཅས་པ་ཡང་། །ནཱ་ད་ཙམ་དུ་གནས་པ་ལས། །ནམ་མཁའ་ལྟ་བུའི་ངང་ལས་ནི། །ཚངས་པའི་གནས་བཞི་ཁྱབ་པར་བྱ། །དེ་ལས་ས་བོན་འདི་དག་ནི། །འཆད་བཞིན་པ་ལས་རིམ་པས་བསམ། །ཡ~ཾ་ལས་རླུང
101a3 གི་དཀྱིལ་འཁོར་དང་། །ར~ཾ་ལས་མེ་ཡི་དཀྱིལ་འཁོར་དང་། །བ~ཾ་དཀར་ཆུ་ཡི་དཀྱིལ་འཁོར་ཏེ། །ལ~ཾ་ལས་གསེར་གྱི་ས་གཞི་ཉིད། །དེ་སྟེང་བྷྲུ~ཾ་ལས་རི་རབ་འབྱུང་། །དེ་དག་ཕྱི་ནང་ངོ་བོ་ཉིད། །དེ་དག་སྟེང་གི་ཆ
101a4 ལ་ཡང་། །དབུས་སུ་པ~ཾ་ལས་པད་མ་ནི། །སྣ་ཚོགས་པད་མ་རྒྱ་ཆེ་བ། །ལྟེ་བ་གེ་སར་བཅས་དབུས་སུ། །ཧ་ལས་སྣ་ཚོགས་རྡོ་རྗེ་ནི། །ཁ་དོག་ལྔ་དང་ལྡན་པར་བསམ། །དེ་དབུས་ར~ཾ་ལས་ཉི་མ་ཡི། །ཧཱུ~ཾ་ཡིག་ས
101a5 བོན་ལས་བྱུང་བ། །ས་གཞི་མ་ལུས་རྡོ་རྗེར་གྱུར། །སྟེང་འོག་ཕྱོགས་མཚམས་རྡོ་རྗེ་དང་། །རལ་གྲི་འཁོར་ལོ་མདའ་དང་ནི། །ཕུར་བུ་གྲི་གུག་ཁ་ཊྭཱ~ཾ་ག་།རྡོ་རྗེ་རྩེ་གཅིག་པ་དང་ནི། །རྩེ་གསུམ་ཉི་ཤུ་རྩ་ལྔའི་བར། །
101a6 དུ་མ་རྣམ་པར་འཕྲོས་ནས་ནི། །ཤིན་དུ་རྒྱ་ཆེ་བསམ་པར་བྱ། །བླ་རེ་ར་བ་ལོག་དང་ནི། །གུར་གྱི་རྣམ་པར་མཚམས་བཅིང་བྱ། །མེ་འོད་འབར་བ་ཁྱབ་པར་འགྱུར། །འདི་དག་བསྲུང་བའི་ཁྱད་པར་རོ། །
101a7 བྷྲུ~ཾ་ལས་བྱུང་བའི་འཁོར་ལོ་ནི། །རྩིབས་བཅུ་པ་ནི་ཡོངས་སུ་འཁོར། །དེ་སྟེངས་ར~ཾ་ལས་ཉི་དཀྱིལ་འཁོར། །དེ་ཡི་དབུས་སུ་ཧཱུ~ཾ་མཛད་དོ། །ཞལ་གསུམ་ཕྱག་ནི་དྲུག་པ་སྟེ། །རིན་ཆེན་ཀླུ་དབང་རྒྱན་དང་ལྡན། །རོལ་པས་རྣམ་པར་སྒེག
101a8 པར་བསམ། །ར~ཾ་ལས་ཉི་མའི་དཀྱིལ་འཁོར་དབུས། །དེ་སྟེངས་ཧཱུ~ཾ་བཅུ་རྣམ་པར་བསམ། །དེ་ལས་ཁྲོ་བོའི་རྒྱལ་པོ་བཅུ། །ཞལ་ཕྱིར་གཟིགས་པ་རྣམ་པར་བསམ། །ཁྲོ་བོ་དེ་དག་རེ་རེ་ཞིང་། །ཕྱོགས་སྐྱོང་བཅུ་པོ་གདན་ལ་ནི། །
iiif viewer powered by OpenSeadragon
