| e-texts navigator |
| Wylie |
100b1 མགོན་པོའི་ཁྱད་པར་མངོན་དུ་འབྱུང་། །གདགས་པ་ཐ་སྙད་ཁྱབ་པ་པོ། །ཐུན་མོང་བར་ནི་བསྟན་པ་ཡིན། །འདི་དག་ལས་དང་སྐྱེ་བོ་ལས། །སྒྲིབ་པ་ཐུན་མོང་ལྷ་ཡི་ཆ། །དངོས་དང་བརྒྱུད་པས་ལུང་བསྟན་པ། །སྲོག་དང་སྲོག་མ་ཡིན་པ་སྟེ། །
100b2 རྒྱུ་དང་རྐྱེན་དང་བསྐུལ་བ་ཡིས། །གསང་སྔགས་བཟླས་པ་མངོན་པར་ཕྱེ། །འདི་ནི་མངོན་དུ་འབྱུང་བའོ། །དཔལ་མགོན་པོ་ཆེན་པོ་དངོས་གྲུབ་འབྱུང་བའི་རྒྱུད་ལས་གསང་བ་མངོན་པར་འབྱུང་བའི་ལེའུ་སྟེ་བཞི་པའོ།། །།
100b3 དེ་ནས་ཡང་དག་བཤད་བྱ་བ། །ཧེ་རུ་ཀ་དཔལ་མགོན་ཉིད་ཀྱི། །གསང་བའི་སྤྲུལ་པ་ནག་པོ་ཆེ། །འདི་ཡི་སྒྲུབ་རིམ་བཤད་པར་བྱ། །གསང་བའི་སྒྲུབ་པའི་ཐབས་མཆོག་སྟེ། །སྐལ་བ་ཅན་ལ་སྦྱིན་པར་བྱ། །གང་དུ་སྒྲུབ་པའི་ས་ཕྱོགས་སུ། །མི
100b4 མཐུན་གཡེང་བ་སྤང་བྱས་ནས། །དེ་ནས་ནག་པོ་བསྒྲུབ་པར་བྱ། །འགྲོ་བ་ཀུན་ལ་རབ་བལྟས་ནས། །ཚད་མེད་བྱང་ཆུབ་སེམས་ཀྱི་བློས། །སྙིང་རྗེ་ཆེན་པོ་བསྐྱེད་བྱས་ནས། །བདེ་བའི་སྟན་ལ་འདུག་ནས་ནི། །ལྷོར་བལྟས
100b5 སྐྲ་གྲོལ་གཅེར་བུ་ཡིས། །དང་པོར་སྐད་ཅིག་ཙམ་གྱིས་ནི། །རང་ལྷར་བསྐྱེད་པའི་སྙིང་ག་རུ། ། ལས་ཟླ་བའི་དཀྱིལ་འཁོར་ཡང་། །བསིལ་ཞིང་འོད་དང་བཅས་པ་བསམ། །དེའི་སྟེང་ར~ཾ་ལས་ཉི་དཀྱིལ་འཁོར། །
100b6 རྟ་བདུན་འོད་ཟེར་ཚ་བ་དང་། །མེ་ཡི་རང་བཞིན་འཕྲོ་བ་བསམ། །དེ་དབུས་ཡི་གེ་ཧཱུ~ཾ་ནག་པོ། །ཡེ་ཤེས་ལྔ་ཡི་རང་བཞིན་ཅན། །དེ་ཡི་འོད་ཀྱིས་སྣང་བ་ལས། །དཔག་མེད་ཁ་དོག་བཞི་བཅས་བསམ། །
100b7 རང་བཞིན་གནས་སུ་འཕྲོས་པ་ལས། །བླ་མ་དང་ནི་ལྷག་པའི་ལྷ། །དཀྱིལ་འཁོར་འཁོར་ལོ་བཅས་པ་དང་། །ནག་པོ་ཆེན་པོ་འཁོར་དང་བཅས། །མདུན་གྱི་ནམ་མཁར་བཞུགས་པ་ལ། །སྐྱབས
100b8 སུ་འགྲོ་དང་མཆོད་པ་དབུལ། །སྡིག་པ་བཤགས་པ་ལ་སོགས་བྱ། །བཟོད་པར་གསོལ་ནས་གཤེགས་སུ་གསོལ། །དེ་རྗེས་དངོས་པོ་ཐམས་ཅད་ཀུན། །མ་ལུས་སྟོང་པ་ཉིད་གཞུག་ཅིང་། །ོཾ་སྭ་བྷཱ་བ་ཤུདྡྷཱཿ
iiif viewer powered by OpenSeadragon
