| e-texts navigator |
| Wylie |
100a1 འཁོར་ཞིང་རྣམས་སྐྱོང་བར་བྱེད། །དུར་ཁྲོད་གནས་ཀྱིས་ཡོངས་སུ་བསྐོར། །མ་མོའི་གནས་སོགས་ཁྱབ་པར་བྱེད། །ཀླུ་ཡིས་མཆོད་པའི་ཞིང་སྐྱོང་བ། །མེ་ཡི་ཕྱེ་མས་ཡོངས་སུ་བསྐོར། །སྒོ་དང་མིག་གིས་ཁྱད
100a2 པར་འགྱུར། །གཙོ་བོའི་སྔགས་ཀྱིས་ལུས་ཅན་ཏེ། །སྒྲུབ་པ་པོ་ཡི་ལུས་ལ་གནས། །དེ་དག་རིམ་པར་དུས་བསྟན་པ། །དམ་ཚིག་ལྡན་པའི་སྔགས་པ་ཡིས། །སྒྲུབ་པའི་རྫས་རྣམས་ཁྱད་པར་ལས། །འབྲུ་ནག་གཏོར་མ
100a3 རབ་ཏུ་ཤིས། །ཤ་ཆེན་གྱིས་ནི་བརྒྱན་པ་ཡི། །ཚོགས་རྫས་པཱུ་ཛ་གུས་པས་དབུལ། །ཕྱི་ནང་གསང་བ་ཁྱད་པར་ལས། །བསྟན་པའི་ཚུལ་གྱིས་ཕྲིན་ལས་ལས། །བྱེ་བྲག་རྒྱུན་དང་གནས་སྐབས་པྲ། །གྲུབ་དང་སྒྲུབ
100a4 པས་མངོན་དུ་འགྱུར། །དུས་རྣམས་ཀུན་དུ་ཞེ་སྡང་གིས། །རྣམ་པ་ཀུན་དུ་གཞོམ་མི་བྱ། །ཡུལ་མིན་པ་ལ་གསད་བྱ་ན། །རྣལ་འབྱོར་དམ་ཚིག་ལས་ཉམས་ཕྱིར། །གྲུབ་པ་ནམ་ཡང་ཡོད་མི་སྲིད། །ཁྱད་པར་ཡེ་ཤེས་བླ་མེད་པ། །
100a5 དམ་ཚིག་མགོན་པོ་སྒྲུབ་པ་ཡི། །དམ་ཚིག་འདི་ནི་རྨད་པོ་ཆེ། །བདེ་བར་གཤེགས་པའི་ལམ་སྦྱོར་མཛད། །བྱང་ཆུབ་སེམས་ཀྱི་ཟླ་བ་འདི། །ཡར་ངོ་མར་ངོ་རབ་ཏུ་གནས། །ཡར་ངོ་ཡིས་ནི་སྐྱེད་བྱེད་ལ། །མར་ངོ་ལ་ནི་འགྲིབ་པར
100a6 བྱེད། །ཡར་ངོ་ཡི་ནི་བཅཝ་ལྔ་ལ། །བྱང་ཆུབ་སེམས་ཀྱི་མཁའ་འགྲོ་ཡང་། །བདེ་བ་ཆེན་པོར་འདུ་བར་མཛད། །འདི་ནི་ངེས་པའི་དོན་དུ་གསུངས། །དཀྱིལ་འཁོར་ལྷ་ཉིད་ལུས་ཉིད་ཡིན། །གཞན་དུ་ལྷ་དང་དཀྱིལ་འཁོར་ནི། །བཙལ་ཡང
100a7 རྙེད་པར་མི་འགྱུར་ཞེས། །འདྲེན་པ་དཔའ་བོས་རྟག་ཏུ་གསུངས། །སྐུ་གསུང་ཐུགས་ཀྱི་གསང་བ་ལ། །དྲག་པོ་ཀུན་གྱི་སྲོག་གྱུར་པ། །ཡོན་ཏན་ཕྲིན་ལས་དབང་ཕྱུག་གི། །ཕྱི་ནང་གསང་བའི་བདག་པོ་ཡིན། །སྟོན་པ་གནས་པའི་རང་བཞིན
100a8 ལས། །འཁོར་ལོ་དགུག་བྱ་གཉིས་མེད་བསྟིམ། །དངས་སྙིགས་ལས་ནི་རྒྱུ་འབྲས་དང་། །གནས་པ་ཁྱད་པར་རྟེན་འབྲེལ་ཏེ། །འཁྲུལ་དང་འཁྲུལ་པ་མ་ཡིན་པ། །ཁམས་གསུམ་ཀུན་ལ་དབང་བྱེད་པས། །འཇིག་རྟེན་ལས་དང་ཡེ་ཤེས་ཀྱི། །
iiif viewer powered by OpenSeadragon
