| e-texts navigator |
| Wylie |
260b1 རྣམ་པ་གཉིས་སུ་གསུངས། །བསམ་གཏན་ཕ་རོལ་ཕྱིན་པ་ནི། །དྲི་ཆེན་དྲི་ཆུ་དེ་བཞིན་ཤ་།ཁྲག་དང་ཁུ་བར་ཡང་དག་འབྱུང་། །འདི་རྣམས་བརྩོན་འགྲུས་ལྔ་པོ་ནི། །དམ་ཚིག་སྒྲ་ཡིས་བརྗོད་པའོ། །ཚིག་རྩུབ
260b2 བརྫུན་དང་ངག་འཁྱལ་དང་། །ཆགས་སྡང་ཞེ་སྡང་ཕྲག་དོག་དང་། །ང་རྒྱལ་ཁྲོ་དང་དེ་བཞིན་དབྱེན། །འདི་བཅུ་རྣམ་པར་བཤད་པ་ནི། །རྡོ་རྗེ་ཅན་ནི་བཟོད་བཅས་འགྱུར། །ཡང་དག་ལྟ་བ་ཡང་དག་རྟོག་།ཡང་དག
260b3 ངག་དང་ཡང་དག་ལས། །ཡང་དག་འཚོ་དང་ཡང་དག་རྩོལ། །བདག་གིས་མདོ་རུ་བསྡུས་ནས་ནི། །ཤེས་རབ་རྣམ་པ་དྲུག་དུ་བརྗོད། །དག་པའི་སྟོབས་དང་དྲན་པའི་སྟོབས། །ཏིང་འཛིན་སྟོབས་དང་ཤེས་རབ
260b4 སྟོབས། །ལུས་ཀྱི་སྟོབས་དང་ངག་གི་སྟོབས། །ཡེ་ཤེས་སྟོབས་དང་སྨོན་ལམ་སྟོབས། །བརྩོན་འགྲུས་ཀྱི་ནི་སྟོབས་རྣམས་ཏེ། །འདི་རྣམས་སྟོབས་ནི་བཅུ་པའོ། །མ་སྐྱེས་པ་ཡི་དགེ་བ་བསྐྱེད། །སྐྱེས
260b5 པའི་མི་དགེ་ཡང་དག་སྤོང་། །མི་དགེ་མ་སྐྱེས་མི་བསྐྱེད་དང་། །དགེ་བ་སྐྱེས་པ་འཕེལ་བ་སྟེ། །བཞི་པོ་ཐམས་ཅད་ཆོས་རྣམས་ཀྱི། །དགེ་བའི་ཆོས་རྣམས་གསུངས་པ་ནི། །རྫོགས་པར་བྱེད་པ་ཉིད་དག་གོ། །
260b6 སྨོན་ལམ་རྣམ་པ་གཉིས་སུ་གནས། །མེ་ལོང་མཉམ་ཉིད་སོ་སོར་རྟོག་།བྱ་གྲུབ་ཆོས་དབྱིངས་རྣམ་པར་དག་།ཡེ་ཤེས་རྣམ་པ་ལྔ་རུ་འགྱུར། །འདི་རྣམས་བཅུ་བཞི་པོ་དག་ནི། །ཕ་རོལ་ཕྱིན་པ་མདོར
260b7 བསྡུས་པ། །བདག་གིས་དེ་ཉིད་བརྗོད་པ་སྟེ། །རྡོར་ཅན་ཉོན་ཅིག་གཏན་ལ་དབབ། །བཅུ་གཉིས་མཐའ་དང་དགུ་ཡི་མཐའ། །མགོ་ནས་རྐང་པའི་མཐིལ་བར་དུ། །དེ་ཡི་དབུས་སུ་ངེས་འགྱུར་བ། །ལྟེ
260b8 བའི་དབུས་སུ་རྣམ་པར་གནས། །རྟག་ཏུ་ཤར་བར་འགྱུར་བ་སྟེ། །འདི་རུ་རྡོ་རྗེ་ཅན་གྱིས་མཐོང་། །ལུས་ངག་སེམས་ཀྱི་དབུས་དག་ཏུ། །འབར་བའི་ཕྲེང་བ་འབར་བའོ། །སྟེང་གི་སྒོ་རུ་རྟག་གནས་པའོ། །
iiif viewer powered by OpenSeadragon
