| e-texts navigator |
| Wylie |
258b1 མེད་པར་བཟའ་བར་བྱ། །བློ་ལྡན་རང་བཞིན་མེད་པས་སོ། །གཏི་མུག་ང་རྒྱལ་དེ་བཞིན་ཆགས། །ཞེ་སྡང་དེ་བཞིན་འདོད་ཆགས་ཉིད། །ཕྲག་དོག་སེར་སྣ་ཕྲ་མ་དག་།དམ་ཚིག་དེ་ཉིད་དྲི་མ་མེད། །ཇི་ལྟར་ཉི་མ
258b2 འབར་བ་བཞིན། །དེ་ལྟར་དྲི་མ་མེད་པར་འགྱུར། །ཇི་ལྟར་སྟོན་གྱི་ཟླ་གསལ་བ། །དེ་ལྟར་འདི་ཡི་དབུས་གསལ་ཡིན། །འདོད་ཆགས་ཆེན་པོར་འགྱུར་བ་ཡིན། །རྡོ་རྗེ་སྣང་བྱེད་སྒྲོན་མ་བཞིན། །དེ་ཉིད་ཐར་པར
258b3 གསུངས་པ་སྟེ། །བླ་མེད་གོ་འཕང་ཐོབ་པར་འགྱུར། །སྦྱིན་སྲེག་འདི་ལ་རབ་གནས་ན། །ལྷ་རྣམས་དགའ་བས་ཚིམ་པ་ཡིན། །སྦྱིན་སྲེག་ལས་ནི་རབ་གསུངས་ནས། །རབ་གནས་དག་ནི་བརྗོད་པར་བྱ། །
258b4 སྔོན་གྱི་རྣལ་འབྱོར་ལ་གནས་ནས། །དེ་ནས་རབ་གནས་བྱ་བ་སྟེ། །རབ་གནས་སྐུ་སོགས་ཐང་ཀ་དང་། །རྣལ་འབྱོར་ཅན་གྱིས་གླེགས་བ~ཾ་སྟེ། །དཔལ་ལྡན་གཡོན་གྱིས་དྲིལ་བུ་འཛིན། །གཡས་ཀྱིས་རྡོ་རྗེ
258b5 ཡོངས་སུ་གཟུང་། །དོན་ཀུན་རྣལ་འབྱོར་ཀུན་གྱིས་ནི། །མཛེས་པར་སྐུ་གཟུགས་མཆོད་པར་བྱ། །ཤ་དང་ཆང་དག་རབ་ཏུ་བཀང་། །རོ་ཡི་སྟེང་དུ་ཡང་དག་གནས། །པར་པ་ཊི་ཀཱ་ཤ~ཾ་ཀུ་ལི། །མཆོད་པ་ཀུན
258b6 གྱིས་དགྱས་པར་བྱ། །མེ་ཏོག་སྤོས་དང་མར་མེ་དང་། །དྲི་ཉིད་དང་ནི་རྣམ་པ་བཞི། །གླུ་དབྱངས་དེ་བཞིན་གར་དག་དང་། །སྒྲུབ་པོས་པ་ཊ་ཧ་སོགས་ཏེ། །སྐུ་ལ་སོགས་པ་འདི་རྣམས་ལ། །རབ་གནས
258b7 ཆེན་པོ་བྱ་བ་ཡིན། །ཡ་ཨིཾ་ཨཾ་ཧིཾ་ཡ་ཨི་ཨ~ཾ། །ཛེ་ཨིཛྫ་ཨི་མཱ་ཨ་ཨུ~ཾ། །མཱ་ཨ་ཨུ~ཾ་མཱ་ཨ་དྷ་མྨུ་པཱ། །བིཛྫ་ཨི་ཙིཏྟ་ཡ~ཾ་མུ། །ཙིཎྚི་ཛྫ་ཨཻ་ས་ཨེ་ལ། །སཏྟྲཱ་ཏྠུ་ཀི་རི་ཛྫ་ཨི། །གླུ་འདི་དག་ནི་བླངས་པ་ཡིས། །དབང་རྣམས
258b8 ཀུན་ཀྱང་བླང་བ་སྟེ། །ཆོས་རྣམས་ཐམས་ཅད་ཡང་དག་རྫོགས། །དེ་བཞིན་གཤེགས་པ་ཀུན་གྱི་གཞི། །མཆོད་པ་ཀུན་གྱི་སྤྲིན་ཆེན་མོ། །སྤྲོ་ཞིང་བསྡུ་བར་བརྗོད་པའོ། །ང་ཡིས་རབ་གནས་བཤད་པ
iiif viewer powered by OpenSeadragon
