| e-texts navigator |
| Wylie |
258a1 རྣམས་ཡང་དག་བཤད་པ་ནི། །ལྷ་མོ་བདེན་པར་བདག་ལ་གསུངས། །ཇི་ལྟར་དེ་བཞིན་རྡོ་རྗེ་ཉོན། །སེམས་ཅན་ཀུན་གྱི་བསྐྱེད་པ་དག་།འཁོར་བར་ཡང་དག་བསྲུབས་པ་ལས། །དིང་འདིར
258a2 ཐབས་ཀྱིས་འདི་འགྱུར་རོ། །ཐོག་མ་ཐ་མ་མེད་དུས་སུ། །སེམས་ཅན་ཐམས་ཅད་ཡང་དག་འབྱུང་། །རྒྱ་མཚོ་འཁྲུགས་སོགས་གཏིང་གི་བར། །བློ་གྲོས་ཆེན་པོ་བསྲུབས་པ་ཡིན། །དེ་ལས་དེ་དག་སྐྱེ
258a3 བར་འགྱུར། །ས་ཡི་ཁམས་དང་ཡང་དག་ལྡན། །མེ་ཡིས་མཉམ་པར་ངེས་པར་བསྲུབས། །ཆུ་དང་རླུང་གི་བྱེ་བྲག་གོ། །ཡིད་ཀྱིས་དེ་རུ་རབ་ཞེན་པ། །མངལ་ནི་གཟུང་ཞིང་བླངས་པ་སྟེ། །དེ་ནི་འཁོར་བར
258a4 འཁོར་བར་འགྱུར། །དགའ་བ་མྱ་ངན་ལྡན་པ་སྟེ། །དེ་ལས་འབྱུང་བར་འགྱུར་བ་ནི། །སོ་སོར་སྐྱེ་བ་སྨྲ་བ་སྟེ། །དེ་བཞིན་ཆོས་དག་ཟབ་མོ་ཉིད། །སངས་རྒྱས་རྣམས་ཀྱིས་སངས་རྒྱས་བརྗོད། །དེ་ཉིད་འདི
258a5 རྣམས་མཉམ་བཤད་པ། །སུམ་བཅུ་པ་སྟེ་རྙེད་པར་དཀའ། །རྣལ་འབྱོར་མ་བཞིའི་ཁ་སྦྱོར་ལས་དེ་ཁོ་ན་ཉིད་ཀྱི་མན་ངག་སྦྱོར་བ་བཞིའི་ཆ་ཞེས་བྱ་བ་སྟེ་བརྟག་པ་བཞི་པའོ།། །། དེ་ནས་ཡང་དག་བཤད
258a6 བྱ་བ། །སྦྱིན་སྲེག་ལས་ནི་རབ་ཏུ་བསྒྲུབ། །སྦྱིན་སྲེག་རྣམ་པ་གཉིས་སུ་གསུངས། །ཕྱི་དང་ནང་དུ་ཡང་དག་གནས། །ཕྱི་རུ་ཇི་ལྟར་གསུངས་པ་ལགས། །ནང་དུ་ཡང་ནི་དེ་ལྟར་འགྱུར། །ཉོན་ཅིག་རྡོ་རྗེ
258a7 ནང་གི་ནི། །ཇི་བཞིན་སྦྱིན་སྲེག་རབ་བསྒྲུབ་བྱ། །མེ་ཆེན་པོ་དག་རབ་ཏུ་སྦར། །རྣམ་རྟོག་མེད་པའི་སྦྱིན་སྲེག་བྱ། །བཟའ་བ་བཏུང་བ་གང་ཡང་རུང་། །དེ་རུ་ཐམས་ཅད་སྦྱིན་སྲེག་བྱ། །བསྲེག་རྫས་རང
258a8 བཞིན་གསུངས་པ་དག་། གཟུགས་ཕུང་ལ་སོགས་ལྔ་པོ་དག་།རྣམ་རྟོག་མེད་པའི་སྦྱིན་སྲེག་བྱ། །དེ་དག་ཐམས་ཅད་སེམས་ལས་བྱུང་། །ཁྲག་དང་ཁུ་བ་དེ་བཞིན་ཤ་།དྲི་ཆེན་དྲི་ཆུ་ལྔ་པོ་དག་།རྣམ་རྟོག
iiif viewer powered by OpenSeadragon
