| e-texts navigator |
| Wylie |
267a1 རྡོ་རྗེ་ཉི་མ་རྒྱལ་པོ་ཆེ། །རྣམ་པར་རྟོག་པའི་རབ་རིབ་འཕྲོག་།རྟ་མགྲིན་འདོད་པ་ཆེན་པོ་ནི། །འདོད་ཆགས་ཅན་གྱི་བྱང་ཆུབ་སྟེར། །རྡོ་རྗེ་འགྱོགས་འགྲོ་ཕྲག་དོག་ཆེ། །ཐེག་པ་གཞན་ནི་རྣམ་པར་སྤངས། །
267a2 རྡོ་རྗེ་སེམས་དཔའ་རྒྱལ་པོ་ཆེ། །མི་སྐྱོད་ཡེ་ཤེས་འབྱུང་བའི་གནས། །སྐྱེ་འགྲོ་མི་བཟད་མགྲོན་གཉེར་ཕྱིར། །སྒྲིབ་པ་ལྔ་ནི་འཇོམས་པ་པོ། །དེ་བཞིན་གཤེགས་པའི་རྣམ་པར་དག་པའི་རྡོ་རྗེ་ཞེས་བྱ་བའི་ཏིང་ངེ་འཛིན་ཏོ། །
267a3 ཞེ་སྡང་གཏི་མུག་ང་རྒྱལ་དང་། །འདོད་ཆགས་སེར་སྣ་སྐྱེ་བོ་རྣམས། །བསྡུ་ཕྱིར་རང་གི་འཁོར་ལོ་ལ། །རྡོ་རྗེ་གཟུགས་ནི་དུ་མ་འཛིན། །ཤིན་ཏུ་སྡུག་པ་དྲག་པོ་ལ། །ཞི་བ་ཉེ་བར་མི་སྦྱར་ཏེ། །འདི་མཁྱེན་རྡོ་རྗེ་ཅན་ཆེན་ནི། །
267a4 རང་གིས་ཀྱེའི་རྡོ་རྗེར་འགྱུར། །ཤིན་ཏུ་སྟོང་པར་ཞེན་རྣམས་ཀྱི། །ཡོད་མིན་བརྟུལ་ཞུགས་འཛིན་རྣམས་ཀྱི། །སངས་རྒྱས་གཏི་མུག་སྤྱོད་དོན་དུ། །རྡོ་རྗེ་རྫོགས་པའི་སངས་རྒྱས་འགྱུར། །ཤིན་ཏུ་ང་རྒྱལ་གདུག་རྣམས་ཀྱི། །
267a5 སྐྱེ་འགྲོའི་ང་རྒྱལ་ཟད་པར་མཛད། །རྡོ་རྗེ་ཉི་མ་བདག་ཉིད་རྒྱལ། །ང་རྒྱལ་ཆེན་པོའི་མུན་པ་འཇོམས། །བྱང་ཆུབ་ཆགས་བྲལ་ལས་སྐྱེས་སྤངས། །སེམས་ཅན་གང་ཞིག་བདེ་བྱེད་པ། །ཆགས་པས་བྱང་ཆུབ་རབ་གྲུབ་ཕྱིར། །
267a6 པདྨ་གར་གྱི་དབང་ཕྱུག་གྱུར། །ཐམས་ཅད་མཁྱེན་པའི་ལམ་གནས་ཤིང་། །གང་ཞིག་ལམ་གཞན་ནས་འགྲོ་བ། །དེ་རྣམས་བྱང་ཆུབ་རབ་སྦྱིན་ཕྱིར། །རྡོ་རྗེ་མགྱོགས་འགྲོ་རང་གཙོ་བོ། །དབང་པོ་གང་དང་གང་ལམ་ཉིད། །
267a7 དེ་དང་དེ་ཡི་ངོ་བོར་འགྲོ། །མཆོག་ཏུ་ཕན་པའི་རྣལ་འབྱོར་གྱིས། །སངས་རྒྱས་ཀུན་གྱི་བདག་ཉིད་འགྱུར། །གང་དང་གང་གི་དངོས་པོ་ཡིས། །སྐྱེས་པ་རྣམས་ཀྱིས་ཡིད་སྦྱོར་ལ། །དེས་ན་དེ་ཡི་རང་བཞིན་འགྱུར། །
267a8 སྣ་ཚོགས་གཟུགས་ནོར་ཇི་བཞིན་ནོ། །གང་དང་གང་གིས་འདུལ་བ་ཡི། །སེམས་ཅན་འདུལ་བར་འགྱུར་བ་སྟེ། །དེ་དང་དེ་ཡི་རྣམ་པ་ཡིས། །ཆོས་ཀྱི་བཤད་པ་བྱ་བའོ། །སེམས་ཀྱི་རྡོ་རྗེ་ལས་བྱུང་བའི། །སེམས
iiif viewer powered by OpenSeadragon
