| e-texts navigator |
| Wylie |
266a1 རྡོ་རྗེ་དང་པདྨ་བྱིན་གྱིས་བརླབ་པའི་སྔགས་ཞ། ཨོཾ་པདྨ་སུ་ཁཱ་དྷཱ་ར་མ་ཧཱ་རཱ་ག་སུ་ཁཾ་ད་ད་ཙ་ཏུ་རཱ་ནནྡ་བྷཱ་ག་བི་ཤྭ་ཧཱུ~ཾ་ཧཱུ~ཾ་ཧཱུ~ཾ་ཀཨཱརྱཾ་ཀུ་རུ་ཥྭ་མེ། ཨོཾ་བཛྲ་མ་ཧཱ་དྭེ་ཥ་ཙ་ཏུ་རཱ་ནནྡ་དཱ་ཡ་ཀ་།ཁ་ག་མུ་ཁཻ་ཀ་ར་སོ་ནཱ་ཐ་ཧཱུ~ཾ་ཧཱུ~ཾ་ཧཱུ~ཾ་ཀཨཱརྱཾ་ཀུ་རུ་ཥྭ
266a2 མེ། སྤྱི་བོར་ནི་ཨོཾ་གྱི་རྣམ་པ། སྙིང་གར་ནི་ཧཱུ~ཾ་གི་རྣམ་པ། ཟེ་འབྲུ་ལ་ནི་ཨཱཿའི་རྣམ་པའོ། །རྒྱུད་ཀྱི་རྒྱལ་པོ་ཆེན་པོ་སྒྱུ་མའི་བརྟག་པ་ཞེས་བྱ་བ་བརྟག་པ་སུམ་བཅུ་རྩ་གཉིས་ལས་ཕྱུང་བ་བརྟག་པ་གཉིས་ཀྱི་བདག་ཉིད་ཀྱེའི་རྡོ་རྗེ་མཁའ
266a3 འགྲོ་མ་དྲ་བའི་སྡོམ་པའི་རྒྱུད་ཀྱི་རྒྱལ་པོ་རྫོགས་སྷོ། ། །།རྒྱ་གར་གྱི་མཁན་པོ་ག་ཡ་དྷ་རའི་ཞལ་སྔ་ནས་དང་། བོད་ཀྱི་ལོ་ཙྪ་བ་དགེ་སློང་ཤཱཀྱ་ཡེ་ཤེས་ཀྱིས་བསྒྱུར་ཅིང་ཞུས་ཏེ་གཏན་ལ་ཕབ་པ། སླར་ཡངལོ་ཙྪ་བ་གཞོན་ནུ་དཔལ་གྱིས་འགྱུར་ཆད
266a4 བསབས་ཤིང་དག་པར་བགྱིས་པའོ། ། @#། །རྒྱ་གར་སྐད་དུ། ཨཱརྱ་ཌཱ་ཀཱི་ནཱི་བཛྲ་པཉྫར་མ་ཧཱ་ཏནྟྲ་རཱ་ཛཱ་ཀལྤ་ནཱ་མ། བོད་སྐད་དུ། འཕགས་པ་མཁའ་འགྲོ་མ་རྡོ་རྗེ་གུར་ཞེས་བྱ་བའི་རྒྱུད་ཀྱི་རྒྱལ་པོ་ཆེན་པོའི་བརྟགས་པ། ཀྱེ་རྡོ་རྗེ་ལ་ཕྱག
266a5 འཚལ་ལོ། །ནམ་མཁའ་བེམས་བཅས་དང་བ་དང་། །གོ་སྐབས་མེད་དང་འབྱེད་པ་དང་། །སྣ་ཚོགས་རྡོ་རྗེའི་གཞི་གནས་ཁང་། །སེམས་ཅན་ཁམས་དང་ཡིད་འོང་དང་། །སེམས་ཅན་སྣོད་དང་འཇིག་རྟེན་དང་། །ས་དང་ས་འོག་བར་སྣང་དང་། །
266a6 ཡིད་དང་ལུས་དང་ངག་དང་ནི། །གཅིག་ལ་གཉིས་དང་མཁའ་བདེ་དང་། །དྲུག་དང་ལྔ་དང་དྲུག་གཉིས་དང་། །སྐྱེ་འགྲོ་རྣམས་ནི་བཞི་པོ་དང་། །གཅིག་གིས་ཉི་ཤུར་འཚང་བ་དང་། །ཁམས་གསུམ་མ་ལུས་པ་དང་ནི། །ཕ་དང་བུ་དང་མ་མོ་དང་། །ཕྱི་རོལ་དང་ནི་ནང
266a7 དང་ངམ། །བཙུན་མོ་ཀུན་དང་ཆོས་དང་ནི། །ཐམས་ཅད་ལས་དང་བདག་མེད་དང་། །འབྲས་བུ་རྒྱུ་དང་བྱ་བ་ཞེས། །བསྒྲུབ་བྱ་སྒྲུབ་ཐབས་རྡོ་རྗེ་དང་། །དེ་བཞིན་ཀུན་གཞི་རྣམ་ཤེས་དང་། །ཆོས་ཀྱི་དབྱིངས་དང་མ་བྱུང་དང་། །མཁའ་ཡི་ཁམས་དང་རང
266a8 དབྱིངས་དང་། །བདག་མེད་པ་དང་བདག་ཅེས་དང་། །དངོས་པོ་མེད་དང་དངོས་མེད་མིན། །བདེ་བ་ཅན་དང་གྲུ་གསུམ་དང་། ། སྐྱེས་དང་ནི་སྐྱོན་བྲལ་དང་། །རྡུལ་བྲལ་དང་ནི་སྡིག་བཅོམ་དང་། །དབའ་རླབས་མེད་པའི་རང་བཞིན་དང་། །
iiif viewer powered by OpenSeadragon
