| e-texts navigator |
| Wylie |
165b1 ཉི་ཤུའི་ལོ་ཡི་འོག་མའི་ཕྱག་རྒྱ་རྣམས་ནི་མཆོག་ཏུ་འཇིགས་བྱེད་ཁྲོ་བོ་འབྱུང་པོ་ལྷ་མིན་རིགས། །དབང་གི་དོན་དུ་དྲུག་དང་གསུམ་གྱིས་བདེ་མཉམ་འབྲས་སྟེར་བ་དང་གཞན་ནི་བསྒོམ་པའི་དོན་དུའོ། །གང་ཞིག་དང་པོར་ཡང
165b2 ཡང་ནི་དཔལ་ལྡན་ཤེས་རབ་ནུ་མར་རེག་པ་དེ་ཉིད་བུམ་པའི་དབང་དུ་བརྗོད། །རི་བོང་འཛིན་པ་མྱངས་དང་གསང་བ་མཐོང་བར་བྱས་པས་གསང་བའི་དབང་དུ་རབ་ཏུ་འགྱུར་བའོ། །མཐའ་དག་རྒྱལ་བའི་རིགས་ཀྱིས་ཡན་ལག་ཁ
165b3 རྣམས་སྦྱང་བར་བྱ་སྟེ་ཤེས་རབ་ཡེ་ཤེས་དབང་སྦྱིན་བྱ། །རྒྱལ་བ་དཔང་པོར་བྱས་ཏེ་སློབ་མའི་དོན་དུ་ཕྱག་རྒྱ་སྦྱིན་དང་གཞན་ཡང་བླ་མ་ལ་ཡང་འདིར། །རྒྱན་རྣམས་ཐམས་ཅད་ལྡན་པའི་གསེར་ཞུན་དང་ནི་མཚུངས་པའི་ལོ་ཉིད
165b4 བཅུ་གཉིས་མ་སྟེ་བུ་མོ་མཛེས། །ཐབས་དང་ཤེས་རབ་བདག་ཉིད་ལྡན་པས་རང་གི་རྡོ་རྗེ་ནོར་བུས་སྤྱད་བྱ་ཉིད་ནི་ཆགས་བཅས་ལ། །སློབ་མ་དག་པ་ཤེས་ནས་རྡོ་རྗེ་ས་བོན་བཅས་པ་ཁར་ནི་ཡང་དག་གཞུགས་པར་བྱ་བ་ཉིད། །
165b5 ཕྱིས་ནི་རང་གི་ཕྱག་རྒྱ་བུ་ལ་བྱིན་ནས་དེ་ནས་གཞན་ཡང་དུ་བའི་ལམ་ལ་སོགས་ལྡན་ཡང་། །སྐྲག་དང་འཁྲུལ་པའི་སེམས་དང་གཡོ་དང་གཞན་གྱི་དབང་དུ་འགྲོ་བ་དང་ནི་ནང་ལྡན་བུ་བཙས་དང་། །ཁྲོ་ལྡན་ཁེངས་ཤིང་འདོད་ལ
165b6 ཆགས་དང་བརྫུན་དང་རྩོད་པ་ལ་དགའ་ཡན་ལག་ཉམས་དང་མ་དག་པ། །དེ་ལྟ་བུ་རྣམས་ཤེས་རབ་ཡེ་ཤེས་དབང་དུ་ཤིན་ཏུ་འབད་དེ་བླ་མས་སྤང་བྱ་མི་དབང་པོ། །སླར་གསུངས་སངས་རྒྱས་བླ་མ་དག་ལ་གུས་ལྡན་དམ་ཚིག་འཛིན་ལ
165b7 ཕྱག་འཚལ་བ་དང་མཆོད་པར་བྱ། །འགྲོ་བ་རྣམས་ཀྱི་རང་གི་ཡིད་ཉིད་འདོད་ཆགས་ཀྱིས་ནི་འཁྲུགས་པར་བྱེད་དང་གང་བར་འགྱུར་བ་ཉིད། །ཡན་ལག་མཆོག་ལ་གང་བ་ལས་ནི་འབར་བས་རི་བོང་འཛིན་པ་ཞུ་ནས་ཡང་དག་འཛག
165b8 པ་ཉིད། །ོཌྜ་དགུག་པར་རབ་ཏུ་བྱས་པས་མཆོག་གི་བདེ་བ་སྟེར་བ་ཐིག་ལེ་ཐར་པ་གསུམ་གྱི་ཐར། །སྣང་རེག་འདུས་དང་འགྱུར་དང་བདེ་བ་རྣམས་ཏེ་དགའ་བའི་དབྱེ་བ་ལ་སོགས་པ་ཡིས་དེ་ལྟར་རོ། །དང་པོར་ཡང་ནི་མི་རྣམས
iiif viewer powered by OpenSeadragon
