| e-texts navigator |
| Wylie |
165a1 བའི་དབང་གིས་ས་བདུན་དབང་ཕྱུག་ཉིད་དུ་འགྱུར་བའོ། །ཕྱིས་ནི་ཕྱིར་མི་ལྡོག་ལ་སོགས་པ་ངེས་པར་རབ་ཏུ་འཇུག་པ་བུམ་པ་དང་ནི་གསང་བའི་དབང་། །ཤེས་རབ་ཡེ་ཤེས་དབང་རྣམས་བསྐུར་བས་སྲིད
165a2 པའི་འཇིགས་པ་འཇོམས་པའི་འཇམ་དབྱངས་ཉིད་དུ་འགྱུར་བའོ། །འགྲོ་བ་གཡོ་སྒྱུའི་དབང་གིས་རྩ་བའི་ལྟུང་བ་བྱུང་ན་འདི་ཉིད་ལ་ཡང་དམྱལ་བའི་སྡུག་བསྔལ་འགྱུར། །རྩ་བའི་ལྟུང་བ་བྱུང་ན་དབང་བདུན་ལ་གནས་ཡོན
165a3 ཏན་ཅན་གྱིས་བཟླས་པས་རྣམ་པར་དག་པར་འགྱུར། །གལ་ཏེ་བུམ་པ་དང་ནི་གསང་བར་བརྟུལ་ཞུགས་ངེས་པའི་དབང་སྟེ་གོང་མར་དག་པ་ཡོད་མ་ཡིན། །གང་ཞིག་ལ་ནི་རྩ་བའི་ལྟུང་བ་བྱུང་ན་དག་པར་བྱ་བའི་དོན་དུ་དཀྱིལ་འཁོར
165a4 འདིར་འཇུག་བྱ། །རྗེས་གནང་ཐོབ་ནས་ཚོགས་ཀྱི་རིགས་སུ་འགྲོ་ན་རྒན་པ་ཞེས་པ་ལས་ནི་གཞོན་པའོ། །རྩ་བའི་ལྟུང་བ་བུ་རྣམས་ཀྱིས་ཏེ་དཔལ་ལྡན་བླ་མའི་ཐུགས་སུན་ཕྱུང་བ་རི་བོང་འཛིན་པར་འགྱུར། །དེ་ཡི་བཀའ
165a5 ལས་འདས་པ་གཞན་ཏེ་དེ་བཞིན་དུ་ནི་སྤུན་ལ་ཁྲོ་བ་གསུམ་པར་ངེས་པར་འགྱུར། །བྱམས་པ་སྤངས་པས་བཞི་པར་འགྱུར་ཏེ་གཞན་ཡང་བྱང་ཆུབ་སེམས་ཉིད་རབ་ཏུ་སྤངས་པ་ལས་ནི་མདའ། །གྲུབ་མཐའ་སྨོད་པ་དྲུག་པ་ཉིད
165a6 དེ་གཞན་ཡང་མ་ཡིན་སྐྱེ་བོ་རྣམས་ལ་གསང་བ་བྱིན་པ་རི། །ཕུང་པོ་ཉོན་མོངས་པ་ལས་ཀླུ་རུ་འགྱུར་ཏེ་གཞན་ཡང་དག་པའི་ཆོས་ལ་མ་དད་དགུ་པའོ། །སྒྱུ་ཡི་བྱམས་པ་ཕྱོགས་ཏེ་མིང་སོགས་བྲལ་བ་བདེ་བ་སྟེར་ལ
165a7 རྟོག་པ་གང་ཡིན་དྲག་པོའོ། །དག་པའི་སེམས་ཅན་རྣམས་ལ་རབ་ཏུ་སྐྱོན་བརྗོད་ཉི་མར་འགྱུར་ཏེ་དམ་ཚིག་རྙེད་པ་སྤངས་ན་གཞན། །བུད་མེད་ཐམས་ཅད་ལ་སྨོད་ངེས་པར་མ་ནུར་འགྱུར་ཏེ་རྡོ་རྗེ་ཐེག་པ་ལ
165a8 གནས་རྣམས་ཀྱིའོ། །ཕྱོགས་ནི་ལོ་ནི་གཅིག་ནས་རྣམ་པ་བཅུ་ཡི་བར་དུ་ལྟ་དང་རིག་པར་བྱ་བ་ཡིན་པ་སྟེ། །དེ་ནས་འཁྱུད་བྱ་རྣམས་ནི་རྒྱ་མཚོ་རྣམས་དང་རོ་བཅས་བསྟན་པར་བྱ་བ་གཡོ་བ་ལ་སོགས་པ། །
iiif viewer powered by OpenSeadragon
