| e-texts navigator |
| Wylie |
161a1 རྗེ་སེམས་དཔའ་ལས་གཞན་མིན། །ཚངས་པ་ལ་སོགས་ལྷ་རྣམས་ས་སྟེངས་དམྱལ་བའི་དམྱལ་བས་འདིར་ནི་ཞི་བ་ལ་སོགས་ཀྱི། །སངས་རྒྱས་རྣམས་ཀྱིས་མ་ལུས་ཚེ་ཡི་ཚད་རྣམས་རང་རང་གྲུབ
161a2 མཐའི་ཆོས་སུ་གསལ་བར་བྱས། །ཚངས་པ་ལ་སོགས་བསོད་ནམས་ལོངས་སྤྱོད་མཐར་ནི་ལྷ་ཡུལ་ས་སྟེངས་དག་ནས་ལྷུང་བར་འགྱུར། །སྲིན་པོས་བྱིན་བརླབས་རྣམས་ཀྱིས་དེ་ལ་ཐར་པ་འདོད་པ་དེ་ནི་ནམ
161a3 མཁའི་ཤིང་འབྲས་བཞིན། །བྱིས་པ་རྣམས་ལ་རང་རང་མ་ཡིས་བརྫུན་ཚིག་འཇམ་པ་སྙན་པས་བདག་ཉིད་དྲུང་དུ་ཁྲིད་པར་བྱེད། །ཆང་བ་སྟོང་པ་སྟོན་ཅིང་བདག་གི་ལག་ལ་རིལ་བུ་ཡོད་པ་ལོང་ཞིག་བུ་ཞེས་བརྗོད། །
161a4 རྫོགས་སངས་རྒྱས་ཀྱིས་བདུད་ཀྱི་ལག་ནས་ཤིན་ཏུ་སྙན་པའི་ཚིག་གིས་བདག་ཉིད་དྲུང་དུ་ཁྲིད། །ནམ་མཁའ་ཙམ་ཞིག་སྟོན་ཅིག་བདག་གི་རིགས་ཀྱི་མྱ་ངན་འདས་པ་ལོང་ཞིག་བུ་ཞེས་གསུང་། །སེམས
161a5 ཅན་རྣམས་ཀྱི་བསམ་པའི་དབང་ལས་རྒྱལ་བས་སྲིན་པོ་རྣམས་ལ་གསོ་སྦྱོང་གསལ་བར་མཛད། །དེ་རྣམས་དེ་ཡིས་སངས་རྒྱས་ཉིད་ན་ཐུབ་པའི་བཀའ་ཡི་གསང་སྔགས་ཐེག་པ་བདེན་མ་ཡིན། །གང་ཞིག་བསྐལ
161a6 པ་དཔག་མེད་བྱམས་དང་དགེ་བཅུའི་ལམ་དང་སྦྱིན་དང་ཚུལ་ཁྲིམས་རབ་རྫོགས་པས། །རྫོགས་སངས་རྒྱས་དང་བྱང་ཆུབ་སེམས་དཔའ་སྟོབས་བཅུ་ལྡན་པས་སངས་རྒྱས་བྱང་ཆུབ་ལུང་བསྟན་ཏོ། །མོ་ཤམ་བུ་ནི
161a7 ལུས་མེད་མ་ལུས་ཡོན་ཏན་རང་བཞིན་གང་ཞིག་རྡུལ་ཕྲན་འདུས་པ་རྣམས། །སྲོག་ནི་ནམ་མཁའི་མེ་ཏོག་མིན་ཏེ་གོང་དུ་རགས་པའི་ལུས་ལ་ཞུགས་ནས་ཀློག་ཅིང་དགོད། །སྲོག་ཆགས་བྱ་རོག་རྭ་མིན་བསོད
161a8 ནམས་སྡིག་པའི་དབང་གིས་གང་ཞིག་འགྲོ་བ་རྣམས་སུ་འཁོར། །སྲོག་ཆགས་གང་ཞིག་རྡུལ་ཕྲན་ཕུང་པོའི་ལུས་ནི་ས་སྟེངས་འཆི་བའི་ཚེ་ན་མི་ལྟུང་མེད། །རྒྱུད་ཀྱི་རྒྱལ་པོར་སྟོབས་བཅུའི་སྟོབས་དང་ལྡན་པས
iiif viewer powered by OpenSeadragon
