| e-texts navigator |
| Wylie |
160b1 ས་ཡི་སྟེང་དུ་དབུལ་པོ་རྣམས་ཀྱིས་ནོར་རྙེད་འགྱུར། །སྐྱེས་པ་བུད་མེད་རྣམས་ཀྱིས་འབྲས་བུ་སྟེར་བར་གྱུར་པ་སྔོན་གྱི་བསོད་ནམས་མཐུས་ཡིས་སོ། །བསོད་ནམས་སེམས་ཅན་རྣམས་ལ་ཕན་བཏགས་དགེ་བཅུའི་ལམ་གྱིས
160b2 མཆོད་ལས་ནམ་མཁའ་སོགས་ལས་མིན། །བྲམ་ཟེ་གང་ཞིག་ཆང་འཐུང་འགྱུར་དང་གཅེར་བུ་པ་འམ་རལ་པ་ཅན་ནམ་དབྱུག་གུ་ཅན། །དགེ་ཚུལ་དང་ནི་ཚོགས་དཔོན་དགེ་སློང་དགེ་བ་རྣམ་པར་བྲལ་བ་གྲུབ་མཐའི་སྤྱོད་པ
160b3 ཉམས། །སུམ་བཅུའི་དམ་ཚིག་ཅན་གྱི་མི་ཡི་དབང་པོས་དེ་རྣམས་ཡུལ་ནས་བསྐྲད་པར་བྱ། །གང་ཕྱིར་དེ་དག་རྣམས་ཀྱིས་དགེ་དང་མི་དགེའི་ལས་བྱས་དྲུག་བཅུའི་ཆ་ཤས་རྒྱལ་པོ་ཡིན། །ཡུགས་ས་མོ་རྣམས་གང་ཞིག
160b4 འཁྲིག་པ་སྤྱད་ནས་ངན་པ་དམྱལ་བའི་འབྲས་སྟེར་མེ་ལ་བཙོ་བར་བྱེད། །གང་དུ་ཡུལ་ན་བདུད་རིས་དེ་ཡོད་མི་གདུག་དཔུང་བཅས་དེར་ནི་ནམ་ཡང་གྲུབ་མ་ཡིན། །རྒྱལ་པོ་ས་ཡི་སྟེང་དུ་རྒྱལ་སྲིད་དང་ནི་དགྲ་དག་འཇོམས་དང
160b5 ནོར་རྙེད་བསོད་ནམས་ཀྱིས། །བསྐལ་པ་བཟང་དང་ཚེ་དང་གྲགས་པ་དཔལ་ལྡན་ལྷ་ཡུལ་ས་སྟེང་གྲུབ་པའི་རིག་པ་འཛིན། །ས་སྟེངས་མ་ལུས་མི་ཡི་རྒྱལ་པོ་སྦྱིན་ལས་བྱུང་བ་ཚུལ་ཁྲིམས་དང་བཅས་ལྷ་རྒྱལ་པོ། །
160b6 བཟོད་པ་ཚུལ་ཁྲིམས་སྐྱོང་ལ་ཉིན་དང་མཚན་དུ་རྩོད་པ་ལས་ནི་སྦྱིན་པ་འཕེལ་བར་འགྱུར། །སྐྱེས་བུ་བསམ་གཏན་ལ་གནས་མཆོག་ཏུ་རང་བཞིན་རྣམ་པར་བྲལ་བ་ཤེས་རབ་ཀྱིས་ཐབས་འཕེལ། །ཤེས་རབ་ཐབས
160b7 ཀྱི་མཐུ་ལས་སྨོན་ལམ་དང་ཡང་སྟོབས་དང་སྟོང་ཉིད་ཡེ་ཤེས་རྡོ་རྗེའོ། །ཆོས་ཀྱི་དབྱིངས་སུ་གཤེགས་པའི་སངས་རྒྱས་རྣམས་དང་གལ་ཏེ་འཁོར་བར་བྱོན་པ་མ་ཡིན་ནོ། །རྫོགས་སངས་རྒྱས་དང་བྱང་ཆུབ་སེམས་དཔའ
160b8 ཡུལ་དང་ཡུལ་ཅན་ལྷན་ཅིག་ནམ་མཁའི་ཁམས་རྣམས་སུ། །དེ་ནི་བརྫུན་གྱི་ཚིག་ལ་དེ་བཞིན་བཅོམ་ལྡན་རྡོ་རྗེ་བཙུན་མོའི་བྷ་གར་བཞུགས་ཞེས་པ། །འདོད་ཆགས་ལ་སོགས་སྐྱོན་སྤངས་དྲི་མ་གསུམ་དང་རྣམ་བྲལ་རྡོ
iiif viewer powered by OpenSeadragon
