| e-texts navigator |
| Wylie |
160a1 རྟ་དང་གླང་པོ་ཁྲུས་བྱ་འོ། །ཡི་དགས་ལ་སོགས་གཏོར་མ་སྲན་ཆན་ཤ་དང་ཆང་རྣམས་ཉིན་མཚན་དུས་སུ་སྦྱིན་པར་འགྱུར། །སྲིན་པོ་ལ་སོགས་ཡུངས་ཀར་དང་ནི་རྡོ་རྗེ་ཕུར་བུས་ཕྱོགས་མཚམས་གཏོགས
160a2 པར་ཕུར་བུས་གདག་། སློབ་དཔོན་གྱིས་ནི་བསྲུང་བ་ལྔ་ཡི་ཆོ་གས་རྒྱལ་པོ་འཁོར་དང་བཅས་པ་བསྲུང་བར་བྱ། །གང་དང་གང་གིས་ཡུལ་མཐའི་བར་གྱི་སྐྱེ་དགུ་ཉིན་དང་མཚན་དུ་ཞི་དང་རྒྱས་འགྱུར་བ། །ཐོག་མར
160a3 དབུས་སུ་བསྒྲུབ་བྱའི་མིང་དག་རང་བཞིན་ཡོན་ཏན་དབང་ལས་པད་མ་ལྔ་ཡིས་བསྐོར། །གང་ཞིག་རང་བཞིན་ཡོན་ཏན་དབང་ལས་ས་དག་ཁ་སྦྱར་ཟུར་བརྒྱད་དེ་བཞིན་ཕྱི་རོལ་ཏུ། །གང་ཞིག་ཟུར་རྣམས་དར
160a4 དཔྱངས་བཅིང་བ་ཕྱོགས་དང་ཕྱོགས་མཚམས་དེ་ལས་རྡོ་རྗེ་ཕྲེང་བར་འགྱུར། །རྒྱལ་ཆེན་ཕྱོགས་ཀྱི་ཟུར་ལ་མ་ལུས་ཡོན་ཏན་རང་བཞིན་རི་ཡི་རྒྱལ་པོ་ཕྱོགས་དང་མཚམས་རྣམས་སུ། །དེ་ནང་ཟླུམ་པོའི་སྣམ་བུ་ཕྱོགས
160a5 དང་མཚམས་སུ་དེ་ལ་སྣོད་དང་རྩེ་མོའི་ཕྱེད་དུ་འགྱུར། །པད་མའི་གེ་སར་ཆ་ལ་འདིར་ནི་དགྲ་སྟ་ལྕགས་ཀྱུ་ཞགས་པ་དང་ནི་དུང་ཉིད་དོ། །ཆུ་སྐྱེས་འདབ་མར་བསྲུང་འཁོར་གང་ཞིག་སྙིང་པོ་ཡང་ནི་དེ་བཞིན་གཉིས་པ་གསུམ
160a6 པར་དེ། །དེ་ལྟར་པད་མ་གཉིས་ལ་གྱུར་ཏེ་ཉེ་བའི་སྙིང་པོ་ཆུ་སྐྱེས་འདབ་མ་ཆེན་པོར་རྣམ་གཉིས་དེར། །ཀླུ་རྣམས་ཟུང་གི་བར་དུ་ཕྱོགས་དང་མཚམས་ཀྱི་འདབ་མར་བར་དུ་དེ་བཞིན་ལྷ་དང་ལྷ་མིན་དང་། །གནོད་སྦྱིན་རྣམས
160a7 དང་གཟའ་དང་མ་ལུས་འཇིགས་པ་འཇོམས་པའི་མ་མོ་རྡོ་རྗེ་མཁའ་འགྲོ་རྣམས། །བསྲུང་འཁོར་འདིས་ནི་ཐམས་ཅད་བསྲུང་བར་འགྱུར་ཏེ་ཁྲག་དང་གི་ཝང་ལ་སོགས་རྣམས་ཀྱིས་བྲི། །རྫོགས་སངས་རྒྱས་དང
160a8 མ་ལུས་རྒྱལ་སྲས་རྣམས་ཀྱིས་བསྲུང་བ་ལྔ་སོགས་བསྲུང་འཁོར་གསུངས་པ་ཡིན། །བུད་མེད་བུ་འདོད་པ་ལས་བུ་དང་རྒྱལ་པོ་དགྲ་དང་གཡུལ་འགྱེད་པ་རྣམས་རྒྱལ་བར་འགྱུར། །ནད་པ་ནད་ལས་གྲོལ་བར་འགྱུར་ཏེ
iiif viewer powered by OpenSeadragon
