| e-texts navigator |
| Wylie |
159b1 ནམ་མཁའ་མཁའ་དང་དུས་དང་དབང་པོ་མིག་གིས་དུས་ཀྱི་དུས་སུ་སོན་པའི་ལོ་ཡི་ཚད། །སླར་ཡང་སྐྱེ་བོ་རྣམས་ནི་ཀླ་ཀློ་འཇུག་སྟེ་ཇི་སྲིད་བཅཝ་བརྒྱད་ལོ་ལ་བསྒྱུར་དང་བཅས་པའི་བར། །ཡང་ནས་ཡང་དུ་ང་ཡིས་རྩོད
159b2 པའི་དུས་དེར་བྱུང་ནས་དེ་རྣམས་གཞིག་པར་བྱ་བ་ཉིད། །ཇི་སྲིད་ས་དང་ཆུ་དང་མེ་རླུང་ནམ་མཁའི་ཡོན་ཏན་ནམ་མཁའ་ཉི་ཟླ་སྐར་མ་རྣམས། །ཕྱོགས་སྐྱོང་ཕྱོགས་ཀྱི་གདོན་དང་ཕྱོགས་ལྷོ་ནམ་མཁའ་ས་གཞིར་ཡི
159b3 དགས་བྲམ་ཟེ་བ་གླང་སོགས། །ས་འོག་ཀླུ་དང་ལྷ་མིན་རྣམས་ནི་ས་ཡི་བདག་པོས་ཞི་བའི་དོན་དུ་འདི་རྣམས་མཆོད། །དོན་ཀུན་གྲུབ་ཕྱིར་རྟག་ཏུ་རྒྱལ་པོ་མི་དང་བཅས་པས་སངས་རྒྱས་པ་དང་རྒྱལ་བ་རྣམས། །
159b4 ས་དང་ཆུ་དང་མེ་དང་རླུང་དང་སྟོང་པ་ཉི་མར་བཅས་པ་མཆོད་རྫས་རྣམས་ཀྱིས་མཆོད། །སློབ་དཔོན་མཆོག་ལ་གཞོལ་བས་བསྲུང་བ་ལྔ་པོ་རབ་ཏུ་དྲི་ཞིམ་མེ་ཏོག་རྣམས་ཀྱིས་མཆོད། །སྔོན་དུ་ཁྲུས་བྱས་གོས་སྔོན་སྔ་དྲོ
159b5 གསོ་སྦྱོང་བླངས་པས་ཉིན་དང་མཚན་དུ་ངེས་པར་གདོན། །ཀློག་མཁན་བཞི་དང་ལྔ་པ་གང་ཞིག་ཞི་བར་བྱེད་པས་ཉིན་དང་མཚན་དུ་བྱ་བར་འགྱུར། །སླར་ཡང་དེ་ལ་བསྲུང་བར་བྱ་ཞིང་ཉི་མ་བཅུ་རུ་ཞི་དང་རྒྱས་པ་དག
159b6 ཀྱང་བྱ། །ཞོ་དང་འབྲས་ཆན་ཉི་མར་རྟ་དང་གླང་པོའི་ལྟོ་དང་འབྲས་ཆན་འོ་མ་ཟླ་བ་ལ། །འབྲས་ཆེན་ལ་སོགས་མིག་དམར་གཟའ་ལྷག་མེ་ཏོག་བཅུད་དང་བཅས་པ་འབྲས་ཆན་གཟའ་ལྷག་ལ། །འབྲས་ཆེན་སེར་པོ་བུ
159b7 རམ་སོགས་ཀྱི་གཏོར་མ་ལྷ་ཡི་བླ་མ་འོ་ཐུག་ཤ་ཀར་གྱིས། །པ་ཝ་སངས་ལ་ཟན་དྲོན་མར་ནག་བཅས་པས་སྤེན་པའི་ཉི་མ་བདུན་པར་དེ་བསྐྱོན་ལ། །ཉི་མ་སླར་ཡང་ཕྱོགས་དང་གླང་པོ་རྣམས་ཀྱི་གཏོར་མ་བྱ་ཞིང་ཁུར་བ་འབྲས་ཆེན་གྱིས། །
159b8 གླང་པོ་རྟ་མཆོག་རྣམས་ཀྱི་ཞི་དང་རྒྱས་པའི་དོན་དུ་སྦྱིན་སྲེག་ཉི་མ་ལ་སོགས་བཟར། །འབྲུ་དང་མར་སར་སོ་མ་དཱུར་བ་མདའ་ཡི་ཡམ་ཤིང་བརྒྱ་དང་འོ་མའི་མཆོད་ཡོན་བཏུང་། །སྦྱིན་སྲེག་རྗེས་ལ་དུང་ཕོར་གང་བའི་ཞི་བའི་ཆུ་ཡིས
iiif viewer powered by OpenSeadragon
