| e-texts navigator |
| Wylie |
145a1 @##། །རྒྱ་གར་སྐད་དུ། ཤྲཱི་ཀཱ་ལ་ཙཀྲ་ཏནྟྲོཏྟ་ར་ཏནྟྲ་ཧྲྀ་ད་ཡ་ནཱ་མ། བོད་སྐད་དུ། དཔལ་དུས་ཀྱི་འཁོར་ལོའི་རྒྱུད་ཕྱི་མ་རྒྱུད་ཀྱི་སྙིང་པོ་ཞེས་བྱ་བ། འཇམ་པའི་དབྱངས་ལ་ཕྱག་འཚལ་ལོ། །འདི་ལྟར
145a2 ཆོས་དབྱིངས་དཀྱིལ་འཁོར་དྲི་མེད་འཇམ་དཔལ་གྱིས་ནི་དགེ་དང་མི་དགེ་བས། །སངས་རྒྱས་པ་དང་མུ་སྟེགས་པ་དག་ལྷ་དང་དམྱལ་བ་ཉིད་ཅེས་གང་ཐོས་པ། །རྒྱལ་མཆོག་ཕོ་བྲང་ཤམ་བྷ་ལར་གྲགས་ཀ་ལཱ
145a3 པ་རུ་ངག་གི་དབང་ཕྱུག་སེང་གེ་ཡི། །གདན་བཞུགས་རྒྱལ་པོས་རྒྱུད་ཀྱི་རྒྱལ་པོ་སླར་ཡང་ཐུབ་པ་རྣམས་ལ་གསལ་བར་བསྟན། །བྱུང་གྱུར་ཞེས་སོགས་བདེན་ཏེ་ལྷ་མཆོག་བླ་མ་ཁྱབ་འཇུག་ལྷ་ཡི་དབང་པོ་དང་། །
145a4 ཟླ་བ་ཉི་མ་སྒྲ་གཅན་མེ་ལྷ་ས་སྟེངས་ལྷ་ཡུལ་ནམ་མཁའ་བསོད་ནམས་སྡིག་ལས་བྱུང་། །མི་རྣམས་ཕ་རོལ་སྲིད་པར་ཡི་དགས་དམྱལ་བ་གང་ཞིག་བཀག་པ་ཤ་ཡི་དམ་ཚིག་ཅན། །རིག་བྱེད་པ་དང་ཐོད་པ་ཅན
145a5 གྱི་རྒྱུད་ཀྱི་སྡིག་པའི་བྱ་བ་དེ་ནི་བརྫུན་པ་སྟེ། །གང་དུ་གཅན་ཆེན་བདུན་སོགས་དགེ་དང་མི་དགེའི་དབང་གིས་བྲམ་ཟེ་རྣམས་ཀྱང་དེར་སྐྱེས་ལ། །སྔར་གྱི་ལུས་པོ་སྤངས་ནས་ལུས་གཞན་སར་པ་འཛིན་པར་འགྱུར། །ཐུབ་པ
145a6 ཤེད་བུའི་ཚིག་ལས་སྲོག་ཆགས་རྣམས་ཀྱི་གསོད་བྱེད་ཟ་བའི་མཐར་ཐུག་བརྒྱད་དུ་འགྱུར། །ཤ་ཟོས་པ་ལས་བྲམ་ཟེ་རྣམས་ཀྱང་ལྷ་ལས་ས་སྟེངས་འདིར་ལྷུང་དེ་ནི་བདེན་པ་སྟེ། །བཟང་པོ་ཚངས་པ་དབང་ཕྱུག་ཁྱབ་འཇུག
145a7 རྣམས་ཀྱི་རིག་བྱེད་ཞི་ཆེས་ཁྱབ་འཇུག་ཆེས་བླ་མ། །ཤ་ཡི་ཁ་ཟས་བཀག་ལ་ཤ་ཡི་དམ་ཚིག་ཅན་ལ་རྣལ་འབྱོར་རྒྱུད། །རྫོགས་སངས་རྒྱས་ཀྱིས་བཅཝ་ལྔ་སོགས་པར་བདེ་གཤེགས་དམ་ཚིག་ཅན་ལ་སངས་རྒྱས
145a8 བྱང་ཆུབ་ནི། །སངས་རྒྱས་པ་ཡིས་ཀུན་ནས་ཤ་མི་བཟའ་ཞིང་བདག་གི་བ་ཡི་བསྲུང་མི་བྱ། །སྲོག་ཆགས་རྣམས་ལ་སྲོག་ཆགས་འདུ་ཤེས་བསོད་པའི་ཡིད་ཀྱིས་ཉེ་བར་བརྩམས་པས་འདིར་ཉམས་པ། །
iiif viewer powered by OpenSeadragon
