| e-texts navigator |
| Wylie |
27a1 མ་མཁན་བཟང་པོས་ཀྱང་སངས་རྒྱས་ཀྱི་མཐུས་དེ་བཞིན་གཤེགས་པ་དགེ་སློང་གི་དགེ་འདུན་དང་ཐབས་གཅིག་ཏུ་རྒྱལ་པོ་མ་སྐྱེས་དགྲའི་ཁབ་ན་གདུགས་ཚོད་གསོལ་བར་མཐོང་ངོ་། །དེ་ནས
27a2 ཡང་བཅོམ་ལྡན་འདས་ཀྱིས་ཁྱིམ་བདག་གཉིས་པ་ཞིག་མངོན་པར་སྤྲུལ་ནས་དེ་ནང་དུ་ཞུགས་ཏེ། སྒྱུ་མ་མཁན་བཟང་པོ་ལ་འདི་སྐད་ཅེས་སྨྲས་སོ། །བཟང་པོ་ཅི་བྱེད། སྨྲས་པ། དགེ་སྦྱོང་གཽ་ཏ་མ་འདི་གདུགས་ཚོད་གསོལ་བ་བྱེད
27a3 དོ། །དེས་སྨྲས་པ། ཐོད་དེ་སྐད་མ་ཟེར་དེ་བཞིན་གཤེགས་པ་དེ་ནི་དགེ་སློང་གི་དགེ་འདུན་དང་ཐབས་གཅིག་ཏུ་ཀུན་དུ་རྒྱུའི་སྲང་ན་བསོད་སྙོམས་ཀྱི་ཕྱིར་རྒྱུ་ཞིང་བཞུགས་སོ། །སྒྱུ་མ་མཁན་བཟང་པོས་ཀྱང་སངས་རྒྱས་ཀྱི
27a4 མཐུས་དེ་བཞིན་གཤེགས་པ་དགེ་སློང་གི་དགེ་འདུན་དང་ཐབས་གཅིག་ཏུ་ཀུན་དུ་རྒྱུའི་སྲང་ན་བསོད་སྙོམས་ཀྱི་ཕྱིར་རྒྱུ་བར་མཐོང་ངོ་། །དེ་ནས་ཡང་བཅོམ་ལྡན་འདས་ཀྱིས་ཁྱིམ་བདག་གཞན་ཞིག་སྤྲུལ་ཏེ། དེ་ནང་དུ
27a5 ཞུགས་ནས་སྒྱུ་མ་མཁན་བཟང་པོ་ལ་འདི་སྐད་ཅེས་སྨྲས་སོ། །བཟང་པོ་ཅི་བྱེད། སྨྲས་པ། དེ་བཞིན་གཤེགས་པ་ནི་གདུགས་ཚོད་གསོལ་བར་བྱེད་དོ། །དེས་སྨྲས་པ། བཟང་པོ་ཐོད་དེ་སྐད་མ་ཟེར་དེ་བཞིན་གཤེགས
27a6 པ་དེ་ནི་འཚོ་བྱེད་ཀྱི་བསྐྱེད་མོས་ཚལ་ན་འཁོར་བཞི་ལ་ཆོས་སྟོན་ཅིང་བཞུགས་སོ། །སྒྱུ་མ་མཁན་བཟང་པོས་ཀྱང་སངས་རྒྱས་ཀྱི་མཐུས་དེ་བཞིན་གཤེགས་པ་འཚོ་བྱེད་ཀྱི་བསྐྱེད་མོས་ཚལ་ན་འཁོར་བཞི་ལ་ཆོས་སྟོན
27a7 པར་མཐོང་ངོ་། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་སྒྱུ་མ་མཁན་བཟང་པོ་ག་ལ་བ་དེར་སོང་སྟེ་ཕྱིན་ནས་སྒྱུ་མ་མཁན་བཟང་པོ་ལ་འདི་སྐད་ཅེས་སྨྲས་སོ། །བཟང་པོ་ཅི་བྱེད། སྨྲས་པ། དགེ་སྦྱོང་གཽ་ཏ་མ་འདི་གདུགས
27a8 ཚོད་གསོལ་བར་བྱེད་དོ། །དེས་སྨྲས་པ། བཟང་པོ་ཐོད་དེ་སྐད་མ་ཟེར་དེ་བཞིན་གཤེགས་པ་དེ་ནི་སུམ་བཅུ་རྩ་གསུམ་པའི་གནས་ན་ཤིང་ཡོངས་འདུའི་དྲུང་ན་སུམ་བཅུ་རྩ་གསུམ་པའི་ལྷ་རྣམས་ལ་ཆོས་སྟོན་ཅིང
iiif viewer powered by OpenSeadragon
