| e-texts navigator |
| Wylie |
26b1 ཇི་ལྟར་གདན་དང་ལྗོན་ཤིང་དག་།དུ་མ་མངོན་པར་སྤྲུལ་བྱས་པ། །ཡིད་ཀྱི་སྒྱུ་མ་ལྟ་བུར་སྟོང་། །འདི་ལ་ཁྱད་པར་འགའ་ཡང་མེད། །བྱང་ཆུབ་སེམས་དཔའ་སེང་གེའི་སྒྲས་སྨྲས་པ། སེང་གེའི་སྒྲ་ནི་མ་ཐོས་ན། །
26b2 ཝ་ནི་ནགས་ཚལ་ནང་ན་སྒྲོགས། །དེ་ཡིས་སེང་གེའི་སྒྲ་ཐོས་ནས། །ཕྱོགས་བཅུ་དག་ཏུ་འབྲོས་པར་འགྱུར། །དེ་བཞིན་སྒྱུ་མཁན་བཟང་པོ་ཡང་། །དེ་བཞིན་གཤེགས་པ་མ་མཐོང་ན། །མུ་སྟེགས་ནང་དུ་རྒྱལ་བ
26b3 བས། །བདག་ཉིད་མཆོག་ཅེས་སྒྲོགས་པར་བྱེད། །བཟང་པོ་དེ་བཞིན་གཤེགས་པ་ཡི། །སྒྱུ་མས་སྒྱུ་མར་རྟོགས་བྱེད་པ། །ཚད་མར་གྱུར་བ་གསུངས་ནས་ནི། །དེ་ལ་བདུད་ཀྱི་གཏིང་མི་དཔོགས། །བྱང་ཆུབ་སེམས
26b4 དཔའ་སེང་གེའི་བློ་གྲོས་ཀྱིས་སྨྲས་པ། ཞལ་ཟས་འདི་ནི་སྤྲུལ་པ་སྟེ། །བསྙེན་བཀུར་བྱེད་པའང་སྤྲུལ་པ་ཡིན། །སྤྱོད་པར་བྱེད་པའང་སྤྲུལ་པ་སྟེ། །སྦྱིན་པ་དགེ་བ་བླ་ན་མེད། །བྱང་ཆུབ་སེམས་དཔའ་བྱམས་པས
26b5 སྨྲས་པ། །མེ་ནི་མར་དང་ཏིལ་མར་གྱིས། །ཕྱི་ཕྱིར་ཞིང་ནི་རབ་ཏུ་མཆེད། །དེ་བཞིན་བཟང་པོའི་སྒྱུ་མ་ཡིས། །སངས་རྒྱས་སྒྱུ་མ་ངེས་པར་བསྟན། །འཇམ་དཔལ་གཞོན་ནུར་གྱུར་བས་སྨྲས་པ། །ཇི་ལྟར་འདི་ནི
26b6 སྔོན་གནས་པ། །ཐམས་ཅད་བྱེད་པ་མེད་པ་ལྟར། །དེ་བཞིན་ཆོས་རྣམས་ཐམས་ཅད་ནི། །སྔོན་གྱི་མཐའ་ནས་རྟག་ཏུ་མཉམ། །དེ་ནས་བཅོམ་ལྡན་འདས་ཀྱིས་སྒྱུ་མ་མཁན་བཟང་པོ་ཤིན་དུ་གདུལ་བའི
26b7 དབང་དུ་མཛད་ནས་ཁྱིམ་བདག་ཅིག་སྤྲུལ་ཏེ། འཁོར་གྱི་ཁྱམས་དེའི་ནང་དུ་ཞུགས་ནས་སྒྱུ་མ་མཁན་བཟང་པོ་ལ་འདི་སྐད་ཅེས་སྨྲས་སོ། །བཟང་པོ་ཅི་བྱེད། སྨྲས་པ། དགེ་སྦྱོང་གཽ་ཏ་མ་འདི་གདུགས་ཚོད་གསོལ
26b8 བར་བྱེད་དོ། །དེས་སྨྲས་པ། བཟང་པོ་ཐོང་དེ་སྐད་མ་ཟེར་དེ་བཞིན་གཤེགས་པ་དེ་ནི་དགེ་སློང་གི་དེ་འདུན་དང་ཐབས་གཅིག་ཏུ་རྒྱལ་པོ་མ་སྐྱེས་དགྲའི་ཁབ་ན་གདུགས་ཚོད་གསོལ་ཞིང་བཞུགས་སོ། །སྒྱུ
iiif viewer powered by OpenSeadragon
