| e-texts navigator |
| Wylie |
26a1 པོ་ཆོས་ཐམས་ཅད་ཀྱང་འདི་ལྟ་སྟེ། རྐྱེན་ཚོགས་པའི་སྒྱུ་མས་སྤྲུལ་པ་ཡིན་ནོ། །བཟང་པོ་འོན་ཀྱང་ང་དེའི་དུས་ལ་བབ་པར་ཤེས་ན་ཇི་ལྟར་སྤྲུལ་པའི་བཟའ་བ་དང་། བཅའ་བ་དང་། མྱང་བ་དང་།
26a2 བལྡག་པ་དག་ཁྱོད་ཀྱིས་ཕུལ་ཅིག་།དེ་ནས་སྒྱུ་མ་མཁན་བཟང་པོ་སྤྲུལ་པའི་རིམ་གྲོ་པ་དེ་དག་དང་། རྒྱལ་པོ་ཆེན་པོ་བཞི་དག་དང་། ལྷའི་དབང་པོ་བརྒྱ་བྱིན་འཁོར་དང་བཅས་པ་དང་ལྷན་ཅིག་སྤྲུལ་པའི་བཟའ་བ་དང་།
26a3 བཅའ་བ་དང་། མྱང་བ་དང་། བལྡག་པ་དེས་བཅོམ་ལྡན་འདས་དང་། དགེ་སློང་གི་དགེ་འདུན་ཡང་དག་པར་ཚིམ་པར་བྱེད་དོ། །དེ་ནས་དེའི་ཚེ་གནས་བརྟན་འོད་སྲུང་ཆེན་པོས་ཚིགས་སུ་བཅད་པ་འདི་སྨྲས་སོ། །སྦྱིན
26a4 པ་འདི་ནི་ཅི་འདྲ་དང་། །ལེན་པར་བྱེད་པ་ཅི་འདྲ་བ། །དེ་འདྲའི་ཆོས་ཉིད་ཐོབ་འགྱུར་བར། །ཡོན་ནི་རྣམ་པར་སྦྱོང་གྱུར་ཅིག་།མཽད་གལ་གྱི་བུ་ཆེན་པོས་སྨྲས་པ། །གདན་ནི་ཇི་ལྟར་བཤམས་པ་དང་། །དེ་ལ་གང་དག
26a5 བཞུགས་པ་རྣམས། །མི་མཉམ་མ་མཆིས་མཚུངས་པ་སྟེ། །མཆོད་སྦྱིན་དགེ་བ་བླ་ན་མེད། །ཤཱ་རིའི་བུས་སྨྲས་པ། རིམ་གྲོ་བྱེད་པའི་སེམས་གང་དང་། །ལེན་པར་བྱེད་པའི་སེམས་གང་དང་། །སྦྱིན་པར་བྱེད་པ་ཇི
26a6 ལྟ་བར། །ཡོན་ནི་མྱུར་དུ་སྦྱོང་བར་ཤོག་།རབ་འབྱོར་ཀྱིས་སྨྲས་པ། གཏོང་མེད་སྦྱིན་པ་འདི་བཏང་བ། །ལེན་པ་མེད་པ་རྣམས་ཀྱིས་བླངས། །གང་དག་འདིར་ནི་གཤེགས་པ་རྣམས། །དེ་དག་ཡོན་སྦྱོང་བྱེད་པ
26a7 ཡིན། །ཀུན་དགའ་བོས་སྨྲས་པ། འདི་ནི་ནམ་མཁའི་སྦྱིན་པ་སྟེ། བསམ་གྱིས་མི་ཁྱབ་རྣམས་ཀྱིས་སྤྱད། །གང་དག་སེམས་ལུས་གྲོལ་བ་དེ། །འཇིག་རྟེན་དག་ན་ཡོན་སྦྱོང་མཆོག་།བྱང་ཆུབ་སེམས་དཔའ
26a8 འོད་ཏོག་གིས་སྨྲས་པ། ཇི་ལྟ་བུར་ན་སྒྱུ་མའི་མཁན། །བཟང་པོས་བཀོད་པ་སྤྲུལ་བྱས་པ། །དངོས་ཀུན་དེ་དང་འདྲ་བ་སྟེ། །བྱིས་པས་དེ་ནི་མི་རྟོགས་སོ། །བྱང་ཆུབ་སེམས་དཔའ་འོད་བཀོད་པས་སྨྲས་པ།
iiif viewer powered by OpenSeadragon
