| e-texts navigator |
| Wylie |
24a1 རོ་བརྒྱ་དང་ལྡན་པ་ཡང་མངོན་པར་སྤྲུལ་ཏོ། །རིམ་གྲོ་བྱེད་པ་གོས་དཀར་པོ་བགོས་པ། རྒྱན་ཐམས་ཅད་ཀྱིས་བརྒྱན་པ་ལྔ་བརྒྱ་ཡང་མངོན་པར་སྤྲུལ་ཏོ། །སྒྱུ་མ་མཁན་བཟང་པོས་བཀོད་པ་དེ་ལྟ་བུ་སྤྲུལ་མ་ཐག་ཏུ་དེ་ནས
24a2 དེའི་མོད་ལ་རྒྱལ་པོ་ཆེན་པོ་བཞི་ལུས་ཆེན་པོར་སྤྲུལ་ནས་སྒྱུ་མ་མཁན་བཟང་པོའི་འཁོར་གྱི་ཁྱམས་གྱི་བཀོད་པ་ག་ལ་བ་དེར་སོང་ནས་སྒྱུ་མ་མཁན་བཟང་པོ་ལ་འདི་སྐད་ཅེས་སྨྲས་སོ། །བཟང་པོ་ཁྱོད་ཀྱིས་དེ་བཞིན་གཤེགས་པ་སང་གདུགས་ཚོད་ལ་སྤྱན་དྲངས་པ་དང་། ཁྱོད་ཀྱིས་དེ་བཞིན་གཤེགས་པས་ཡོངས
24a3 སུ་ལོངས་སྤྱད་པར་བྱ་བའི་འཁོར་གྱི་ཁྱམས་ཀྱི་བཀོད་པ་འདི་ལྟ་བུ་འདི་མངོན་པར་སྤྲུལ་པ་ནི་རྙེད་པ་ལེགས་པར་རྙེད་དོ། །བཟང་པོ་གཞན་ཡང་ཁོ་བོ་ཅག་ཀྱང་དེ་བཞིན་གཤེགས་པ་ལ་མཆོད་པ་བྱ་བའི་ལས་བྱ་བ་ལ་བཅོམ་ལྡན
24a4 འདས་ཀྱིས་ཡོངས་སུ་ལོངས་སྤྱད་པ་དང་། ཁྱོད་ལ་བསྟང་བའི་ཕྱིར་འཁོར་གྱི་ཁྱམས་ཀྱི་བཀོད་པ་འདི་ལྟ་བུ་གཉིས་པ་ཅུང་ཞིག་སྟོན་པར་བྱེད་ན་ཁོ་བོ་ཅག་ལ་གནང་བར་གྱིས་ཤིག་།ད་ནས་སྒྱུ་མ་མཁན་བཟང་པོ་ཤིན་དུ་ངོ་མཚར
24a5 དུ་གྱུར་ནས་རྒྱལ་པོ་ཆེན་པོ་བཞི་ལ་གནང་བ་དང་། དེ་ནས་རྒྱལ་པོ་ཆེན་པོ་བཞིས་བཅོམ་ལྡན་འདས་ཀྱིས་ཡོངས་སུ་ལོངས་སྤྱད་པར་བྱ་བའི་འཁོར་གྱི་ཁྱམས་དེ་ལྟ་བུ་ཞིག་མངོན་པར་སྤྲུལ་ཏོ། །དེ་ནས་ཡང་ལྷ་རྣམས་ཀྱི་དབང་པོ་བརྒྱ
24a6 བྱིན་ལྷའི་བུ་སུམ་ཁྲི་དང་ལྷན་ཅིག་བཟང་པོའི་འཁོར་གྱི་ཁྱམས་ཀྱི་བཀོད་པ་ག་ལ་བ་དེར་སོང་ནས་སྒྱུ་མ་མཁན་བཟང་པོ་ལ་འདི་སྐད་ཅེས་སྨྲས་སོ། །བཟང་པོ་ཁྱོད་ཀྱིས་དེ་བཞིན་གཤེགས་པ་སང་གདུགས་ཚོད་ལ་སྤྱན
24a7 དྲངས་པ་དང་། དེ་བཞིན་གཤེགས་པས་ཡོངས་སུ་ལོངས་སྤྱད་པར་བྱ་བའི་འཁོར་གྱི་ཁྱམས་ཀྱི་བཀོད་པ་འདི་ལྟ་བུ་འདི་མངོན་པར་སྤྲུལ་པ་ནི་རྙེད་པ་ལེགས་པར་རྙེད་དོ། །བཟང་པོ་ཁོ་བོ་ཅག་ཀྱང་། དེ་བཞིན་གཤེགས
24a8 པ་ལ་མཆོད་པའི་ལས་བྱ་ཞིང་བཅོམ་ལྡན་འདས་ཀྱིས་ཡོངས་སུ་ལོངས་སྤྱད་པ་དང་། ཁྱོད་ལ་བསྟང་བའི་ཕྱིར་འཁོར་གྱི་ཁྱམས་ཀྱི་བཀོད་པ་འདི་ལྟ་བུ་གཉིས་པ་ཅུང་ཞིག་སྟོན་པར་བྱེད་ན་ཁོ་བོ་ཅག་ལ་གནང་བར་གྱིས
iiif viewer powered by OpenSeadragon
