| e-texts navigator |
| Wylie |
21a1 འབྲང་བ་རྣམས་དང་། དགེ་བསྙེན་དང་། དགེ་བསྙེམ་མ་རྣམས་ནི་མ་གཏོགས་སོ། །དེས་སྒྱུ་མས་རྨོངས་པར་བྱེད་པའི་རིག་པའི་སྟོབས་བསྐྱེད་པས་རྙེད་པ་དང་། བཀུར་སྟི་དང་། ཚིགས་སུ་བཅས་པ་ཡང་ལྷག་པར་རྙེད་དོ། །
21a2 སྒྱུ་མ་མཁན་བཟང་པོས་བཅོམ་ལྡན་འདས་ཀྱི་གྲགས་པ་དང་། སྙན་པ་དང་། ཚིགས་སུ་བཅས་པ་ལྷག་པར་མངོན་པར་འཕགས་ཏེ། འདི་ལྟར་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རིག་པ་དང་ཞབས
21a3 སུ་ལྡན་པ། བདེ་བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་དེ་ནི་ཐམས་ཅད་མཁྱེན་པ། ཐམས་ཅད་གཟིགས་པ་སྟེ།
21a4 ཐམས་ཅད་ནི་མཁྱེན། ཐམས་ཅད་ནི་གཟིགས། དེ་བཞིན་གཤེགས་པའི་སྟོབས་བཅུ་དང་ནི་ལྡན། དེ་བཞིན་གཤེགས་པའི་མི་འཇིགས་པ་བཞི་དང་ནི་ལྡན། སོ་སོ་ཡང་དག་པར་རིག་པ་བཞི་དང་ནི་ལྡན། སངས་རྒྱས་ཀྱི་ཆོས་མ
21a5 འདྲེས་པ་བཅཝ་བརྒྱད་དང་ནི་ལྡན། བྱམས་པ་ཆེན་པོ་དང་། སྙིང་རྗེ་ཆེན་པོ་དང་ནི་ལྡན། སངས་རྒྱས་ཀྱི་སྤྱན་ཉམས་པ་མི་མངའ་བ་དང་ནི་ལྡན། སྤྱན་ལྔ་དང་ནི་ལྡན། ཆོ་འཕྲུལ་ཡང་བརྙེས་ཏེ། ཀུན་བརྗོད་པའི་ཆོ་འཕྲུལ་ནི་བརྙེས།
21a6 རྗེས་སུ་བསྟན་པའི་ཆོ་འཕྲུལ་ནི་བརྙེས། རྫུ་འཕྲུལ་གྱི་ཆོ་འཕྲུལ་ནི་བརྙེས་སོ། །བཞེད་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གྲོང་ཁྱེར་དང་བཅས་པ། གྲོང་རྡལ་དང་བཅས་པ། ས་དང་བཅས་པ། འགྲོ་བ་དང་བཅས
21a7 པ། རི་རབ་དང་བཅས་པ། རྒྱ་མཚོའི་མཐས་གཏུགས་པ། ལྷའི་གནས་དང་བཅས་པ། ཁོར་ཡུག་དང་འོབས་སུ་བཅས་པ། རྩཝ་དང་ཤིང་དང་རིར་བཅས་པ་འདི་ནམ་མཁའ་ལ་བསྐལ་པའམ། བསྐལ་པ་བས་ལྷག་པར
21a8 སྐྲའི་རྩེ་མོའི་ཆ་ཤས་ཙམ་ལ་འཛིན་པར་མཛད་དོ་ཞེས་ཐོས་སོ། །ཐོས་ནས་ཀྱང་ཡང་དེ་འདི་སྙམ་དུ་སེམས་ཏེ། ཡུལ་མ་ག་དྷཱ་རིལ་ཀྱི་སྐྱེ་བོ་ཐམས་ཅད་བདག་གིས་འདུན་པར་བྱས། རྨོངས་པར་བྱས། མགོ་འཁོར་བར་བྱས
iiif viewer powered by OpenSeadragon
