| e-texts navigator |
| Wylie |
20b1 བར་གཤེགས་པ། འཇིག་རྟེན་མཁྱེན་པ། སྐྱེས་བུ་འདུལ་བའི་ཁ་ལོ་སྒྱུར་བ་བླ་ན་མེད་པ། ལྷ་དང་མི་རྣམས་ཀྱི་སྟོན་པ། སངས་རྒྱས་བཅོམ་ལྡན་འདས་དེ་ནི་ཐམས་ཅད་མཁྱེན་པ། ཐམས་ཅད་གཟིགས་པ་དང་ལྡན་པ་སྟེ། ཐམས་ཅད
20b2 ནི་མཁྱེན། ཐམས་ཅད་ནི་གཟིགས། དེ་བཞིན་གཤེགས་པའི་སྟོབས་བཅུ་དང་ནི་ལྡན། དེ་བཞིན་གཤེགས་པའི་མི་འཇིགས་པ་བཞི་དང་ནི་ལྡན། སོ་སོ་ཡང་དག་པར་རིག་པ་བཞི་དང་ནི་ལྡན། སངས་རྒྱས་ཀྱི་ཆོས་མ་འདྲེས་པ
20b3 བཅཝ་བརྒྱད་དང་ནི་ལྡན། བྱམས་པ་ཆེན་པོ་དང་། སྙིང་རྗེ་ཆེན་པོ་དང་ནི་ལྡན། སངས་རྒྱས་ཀྱི་སྤྱན་ཉམས་པ་མི་མངའ་བ་དང་ནི་ལྡན། སྤྱན་ལྔ་དང་ནི་ལྡན། ཆོ་འཕྲུལ་ཡང་བརྙེས་ཏེ། ཀུན་རྫོང་པའི་ཆོ་འཕྲུལ་ནི་བརྙེས། རྗེས་སུ
20b4 བསྟན་པའི་ཆོ་འཕྲུལ་ནི་བརྙེས། རྫུ་འཕྲུལ་གྱི་ཆོ་འཕྲུལ་ནི་བརྙེས་སོ། །བཞེད་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་གྲོང་ཁྱེར་དང་བཅས་པ། གྲོང་རྡལ་དང་བཅས་པ། ས་དང་བཅས་པ། འགྲོ་བ་དང
20b5 བཅས་པ། རི་རབ་དང་བཅས་པ། རྒྱ་མཚོའི་མཐས་གཏུགས་པ། ལྷའི་གནས་དང་བཅས་པ། ཁོར་ཡུག་དང་འོབས་སུ་བཅས་པ། རྩཝ་དང་། ཤིང་དང་རིར་བཅས་པ་འདི་ནམ་མཁའ་ལ་བསྐལ་པ་འམ། བསྐལ་པ་བས་ཀྱང
20b6 ལྷག་པར་སྐྲའི་རྩེ་མོའི་ཆ་ཤས་ཀྱིས་འཛིན་པར་མཛད་དོ། །ཡང་དེའི་ཚེ་རྒྱལ་པོའི་ཁབ་ཀྱི་གྲོང་ཁྱེར་ཆེན་པོ་ན་སྒྱུ་མ་མཁན་བཟང་པོ་ཞེས་བྱ་བ་བསྟན་བཅོས་ལ་ཤིན་དུ་མཁས་པ། གསང་སྔགས་ལ་ཤིན་དུ་མཁས་པ། བཟོ
20b7 དང་རིག་པ་ལ་འབྱམ་པ། ལས་ཀྱི་མཐའ་བྱས་ཟིན་པ། རབ་ཏུ་བྱེད་པ་བྱས་པ། སྒྲ་གྲགས་པ། ཡུལ་མ་ག་དྷཱ་ན་སྒྱུ་མ་མཁན་ནམ། སྒྱུ་མ་མཁན་གྱི་སློབ་མ་ཇི་སྙེད་པ་དེ་དག་གི་མཆོག་ཏུ་གྲགས་པ། ཕུལ་དུ་གྲགས་པ་ཞིག
20b8 གནས་ཏེ། དེས་ཡུལ་མ་ག་དྷཱ་རིལ་གྱི་སྐྱེ་བོའི་ཚོགས་ཐམས་ཅད་འདུན་པར་བྱས། རྨོངས་པར་བྱས། མགོ་འཁོར་བར་བྱས་ནས་ཡ་མཚན་གྱི་ཆོས་ལ་བཀོད་དེ། བདེན་པ་ཐོབ་པ་རྣམས་དང་། དང་བ་དང་། ཆོས་ཀྱི་རྗེས་སུ
iiif viewer powered by OpenSeadragon
