| e-texts navigator |
| Wylie |
51a1 བྱིན་གྱིས་དེའི་ཚེ་ཚིགས་སུ་བཅད་དེ་སྨྲས་པ། ཀྱེ་མ་ཁྱོད་ཀྱི་བརྩོན་རབ་དྲག་།བརྟན་པ་ཉིད་ཀྱང་བླ་ན་མེད། །ཀྱེ་མའོ་སེམས་ཅན་ལ་སྙིང་བརྩེ། །ཀྱེ་མའོ་བྱང་ཆུབ་ཡིད་ལ་བརྟན། །ཀྱེ་མའོ
51a2 མི་རིང་འཇིག་རྟེན་འདི། །མགོན་པོ་ཁྱོད་ཀྱིས་སྐྱོང་གྱུར་ཏེ། །སྡུག་བསྔལ་རྒྱ་མཚོ་དྲག་འཇིགས་ལས། །ཡང་དག་མྱ་ངན་འདའ་བར་མཛད། །དེ་སྐད་ཅེས་སྨྲས་པ་དང་། ལྷའི་དབང་པོ་བརྒྱ་བྱིན་མཆི་མ་ཆར་བཞིན་འང
51a3 འབབ་ཅིང་སྐད་འཛེར་བཞིན་དུ་བྱང་ཆུབ་སེམས་དཔའ་ལ་བཟོད་པ་གསོལ་བར་བརྩམས་ཏེ། རྒྱལ་པོ་ཆེན་པོ་གང་བདག་ཉམ་བསྐྱེད་པའི་བསམ་པས་ཚོར་བ་དྲག་པོ་ལས་ཀུན་དུ་སྦྱོར་བར་མཛོད་ཅིག་།གཞན་ཡང་གང་གི་ཚེ་ཁྱོད་ཀྱིས་བླ
51a4 ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་པ་དེའི་ཚེ་ན་ཡང་བདག་ལ་དགོངས་ཤིག་། བྱང་ཆུབ་སེམས་དཔས་སྨྲས་པ། ཀཽ་ཤི་ཀ་བཟོད་ཀྱིས་དེ་བཞིན་དུ་བྱས་ཏེ་ངས་ཀྱང་དྲན་པར་བྱའོ། །བར་སྐབས
51a5 ད་ཨེར་བྱང་ཆུབ་སེམས་དཔའི་མཐུས་དེ་མ་ཐག་ཏུ་ནམ་མཁའ་ལས་ལྷའི་རིན་པོ་ཆེའི་ཆར་རྣམ་པ་སྣ་ཚོགས་པ་ཡིད་དུ་འོང་བ་འཛམ་བུའི་གླིང་ཐམས་ཅད་དུ་བབ་པར་གྱུར་ཅིང་འཛམ་བུའི་གླིང་ཐམས་ཅད་དུ་རྒྱན་རྣམ་པ་སྣ་ཚོགས་ཀྱིས་གང
51a6 བར་གྱུར་པ། ལྷའི་སྣང་བ་བས་ཀྱང་གསལ་བར་གྱུར་ཏོ། །དེ་ནས་རི་ལ་གནས་པའི་དྲང་སྲོང་དེ་ངོ་མཚར་འདི་ལྟ་བུ་རྨད་དུ་བྱུང་བ་མཐོང་བ་དང་། ངོ་མཚར་གྱིས་བསྡུས་པའི་ཡིད་ཀྱིས་བསམས་པ། སྔོན་མ་བྱུང་བའི་ངོ
51a7 མཚར་བྱུང་བ་འདི་ཅི་ཞིག་ཡིན། འདི་ལྟ་བུའི་མཐུ་སུའི་ཡིན་སྙམ་མོ། །དེ་ནས་དྲང་སྲོང་དེ་ལ་བསྟི་གནས་ན་གནས་པའི་ལྷ་གཞན་གྱིས་གཏམ་འདི་རྒྱས་པར་སྨྲས་སོ། །དེ་ནས་དྲང་སྲོང་དེ་བྱང་ཆུབ་སེམས་དཔའི་ཤིན
51a8 ད་ཨུ་དཀའ་ཞིང་བ་སྤུ་ལྡང་བའི་སྐད་ཐོས་པ་དང་ཡང་དག་པར་དགའ་བས་བ་སྤུ་ལྡང་ཞིང་སེམས་ཅན་ཆེན་པོ་བཀུར་བར་འོས་ཞེས་བསམས་ནས་འཁོར་ལྔ་བརྒྱ་དང་བཙུན་མོ་རྒྱལ་བའི་འོད་ཁྲིད་དེ་རིངས་པ་རིངས་པར་བྱང་ཆུབ
iiif viewer powered by OpenSeadragon
