| e-texts navigator |
| Wylie |
50a1 གོ། །དེ་ནས་ལྷའི་དབང་པོ་བརྒྱ་བྱིན་བྱང་ཆུབ་སེམས་དཔའ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་རི་རབ་ལྟར་ཤིན་དུ་མི་གཡོ་བར་ཤེས་ཤིང་བྱང་ཆུབ་སེམས་དཔའི་རྨད་དུ་བྱུང་བ་ཡོངས་སུ་གཏོང་ལ།
50a2 དེ་ཡང་བ་སྤུ་ལྡང་བ་ནི་ཤིན་དུ་དགའ་ཞིང་ཕུལ་དུ་དབྱུང་བ་མཐོང་བ་དང་། ངོ་མཚར་གྱིས་མིག་གདངས་ཏེ་ལྷའི་བུ་དེ་བཞི་དང་ལྷན་ཅིག་ཏུ་བྲམ་ཟེའི་ཆ་བྱད་མི་སྣང་བར་བྱས་ནས་རང་གི་གཟུགས་ཀྱིས་གནས་ཏེ་བྱང་ཆུབ་སེམས་དཔའ
50a3 ལ་སྨྲས་པ། རྒྱལ་པོ་ཆེན་པོ་བདག་ནི་ལྷའི་དབང་པོ་བརྒྱ་བྱིན་ལགས་ཀྱི་བྲམ་ཟེ་མ་ལགས་སོ། །རྒྱལ་པོ་ཆེན་པོ་ལེགས་སོ་ལེགས་སོ། །ཀྱེ་མའོ་ཁྱོད་ཀྱི་བརྩོན་འགྲུས། ཀྱེ་མའོ་མ་བཅོས་པར་བརྟན་པ། ཀྱེ་མའོ་རང་གི་ལུས
50a4 ལ་མ་ཆགས་པར་ཡོངས་སུ་གཏོང་བ། ཀྱེ་མའོ་སེམས་ཅན་རྣམས་ལ་སྙིང་བརྩེ་བ། ཀྱེ་མའོ་སྦྱིན་པ་ལ་དགའ་བ་ལེགས་སོ་ལེགས་སོ། །རྒྱལ་པོ་ཆེན་པོ་ཁྱོད་གང་དུ་སྡུག་བསྔལ་དྲག་པོས་བཅོམ་ཡང་སྙིང་རྗེས་རང་གི་ལུས་སྦྱིན་པ་ལ
50a5 སེམས་མི་ལྡོག་པ་དེ་ནི་ལེགས་སོ། །རྒྱལ་པོ་ཆེན་པོ་ཁྱོད་ལ་དྲི་ཡིས་ཁྱོད་ཤིན་དུ་དཀའ་བའི་བརྩོན་པ་འདི་ལྟ་བུས་ཅི་ཞིག་དོན་དུ་གཉེར། བྱང་ཆུབ་སེམས་དཔས་སྨྲས་པ། ཀཽ་ཤི་ཀ་ངའི་ལུས་ཀྱི་སྦྱིན་པ་འདིས་བླ་ན་མེད་པ་ཡང་དག་པར
50a6 རྫོགས་པའི་བྱང་ཆུབ་མངོན་པར་རྫོགས་པར་སངས་རྒྱས་ཏེ། སེམས་ཅན་རྣམས་འཁོར་བ་ལས་བསྒྲལ་བར་བྱའོ། །བརྒྱ་བྱིན་གྱིས་སྨྲས་པ། རྒྱལ་པོ་ཆེན་པོ་ཁྱོད་རང་གི་ལུས་ཡོངས་སུ་ཟད་པ་འམ། གཏོང་བ་འམ། ཡོངས་སུ
50a7 བཏང་བས་ཁྱོད་ཀྱི་སེམས་རྣམ་པ་གཞན་དུ་གྱུར་པ་འམ། འགྱོད་པར་མ་གྱུར་གྲང་། བྱང་ཆུབ་སེམས་དཔས་སྨྲས་པ། ཀཽ་ཤི་ཀ་ང་ལ་ནི་འགྱོད་པ་མེད་དོ། །བརྒྱ་བྱིན་གྱིས་སྨྲས་པ། ཇི་ལྟར་ཤེས་པར་བྱ། བྱང་ཆུབ་སེམས་དཔས
50a8 སྨྲས་པ། ཀཽ་ཤི་ཀ་དེའི་ཕྱིར་ངའི་ལུས་ཀྱི་ཕྱེད་བཅད་པ་འདི་གནས་ཇི་ལྟ་བ་བཞིན་དུ་ཞོག་ཤིག་།དེ་ནས་ལྷའི་དབང་པོ་བརྒྱ་བྱིན་གྱིས་བྱང་ཆུབ་སེམས་དཔའི་ལུས་ཀྱི་ཕྱེད་བཅད་པ་དེ་གནས་ཇི་ལྟ་བ་བཞིན་དུ་བཞག་གོ། །དེ་ནས་བྱང་ཆུབ
iiif viewer powered by OpenSeadragon
