| e-texts navigator |
| Wylie |
49a1 ཀྱིས་མྱུར་དུ་ངའི་ལུས་འདི་རིངས་པ་རིངས་པར་བྲམ་ཟེའི་ལུས་ལ་སྦྱོར་ཅིག་། དེ་གཉིས་ཀྱིས་ཀྱང་དེ་བཞིན་དུ་བྱས་སོ། །སྦྱར་བ་ཙམ་གྱིས་ལྷའི་དབང་པོ་བརྒྱ་བྱིན་གྱིས་ཇི་ལྟར་སྐད་ཅིག་མ་དེ་ཉིད་ལ་རྨ་ཀུན་དུ་འབྱོར
49a2 ཅིང་མཉམ་པར་གནས་པ་དང་། མདོག་འདྲ་བར་སྣང་བ་དེ་ལྟར་བྱིན་གྱིས་བརླབས་ཏེ། སྐད་ཅིག་མ་དེ་ལ་སྟོན་ཅིང་ཡང་བྱང་ཆུབ་སེམས་དཔའ་དགའ་བར་བྱ་བའི་ཕྱིར་ལྷའི་དབང་པོ་བརྒྱ་བྱིན་ཁྲི་ལས་ལངས་ཏེ་འཆག་པ་དང་ལངས
49a3 པ་དང་འདུག་པར་གྱུར་ཏོ། །དེ་ནས་བྱང་ཆུབ་སེམས་དཔའ་དེ་ལྟར་སློང་བ་པོའི་ལུས་ཡོངས་སུ་རྫོགས་ཤིང་ཡིད་ལ་རེ་བ་ཡོངས་སུ་རྫོགས་པར་མཐོང་བ་དང་། མཆོག་ཏུ་དགའ་བས་ཀུན་དུ་རྒྱས་པའི་ཡིད་ཀྱིས་ངལ་བ་འབྲས་བུ
49a4 དང་བཅས་པར་གྱུར་ཅིང་ཡིད་ལ་རེ་བ་ཡོངས་སུ་རྫོགས་པར་གྱུར་ཏོ་སྙམ་ནས་རབ་ཏུ་དགའ་བའི་ཡིད་ཀྱིས་བསམས་པ། ཇི་ལྟར་ངས་བྲམ་ཟེ་འདི་ལ་རང་གི་ལུས་བྱིན་ཏེ། སྡུག་པའི་སྲོག་གིས་བསྐྱབས་ཤིང་འཆི་བའི་འཇིགས་པ
49a5 ལས་ཡོངས་སུ་བསྐྱབས་པའི་དགེ་བའི་རྩ་བ་འདིས་འདི་ལྟར་ང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས་བྲམ་ཟེ་འདི་འཁོར་བའི་སྡུག་བསྔལ་ལས་བསླངས་ཏེ། ཤིན་དུ་མཐར་ཐུག་པའི
49a6 བདེ་བ་མྱ་ངན་ལས་འདས་པ་ལ་རབ་ཏུ་འཇོག་པར་གྱུར་ཅིག་ཅེས་སྨྲས་ནས་བྱང་ཆུབ་སེམས་དཔའ་ཚོར་བ་དྲག་པོས་གདུངས་པ་དང་། ཡིད་ཀྱིས་བྱང་ཆུབ་ཏུ་སྨོན་པ་བྱས་ནས་མིག་བཙུམས་ཏེ་བརྒྱལ་བས་གནས་པར་གྱུར་ཏོ། །
49a7 དེ་ནས་ལྷའི་དབང་པོ་བརྒྱ་བྱིན་གྱིས་དེ་མ་ཐག་ཏུ་རིངས་རིངས་པར་བྱང་ཆུབ་སེམས་དཔའི་ལུས་ལ་འཕྲལ་དུ་སྟོབས་བསྐྱེད་པ་ཡང་འཚོ་བའི་སྨན་གྱིས་ཡང་དག་པར་གསོས་སོ། །དགེ་སློང་དག་དེ་ནས་རྒྱལ་པོ་དཔལ་གྱི་སྡེའི་ལུས་ཀྱི
49a8 ཕྱེད་བཅད་པའི་རྗེས་ཐོགས་ཉིད་ལ་ཡང་དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་ལན་རྣམ་པ་གསུམ་དུ་གཡོས་ཏེ། གཡོས་རབ་ཏུ་གཡོས། ཀུན་དུ་རབ་ཏུ་གཡོས། འགུལ་རབ་ཏུ་འགུལ། ཀུན
iiif viewer powered by OpenSeadragon
