| e-texts navigator |
| Wylie |
48b1 ཅིག་། དགེ་སློང་དག་སེམས་བསྐྱེད་མ་ཐག་བྱང་ཆུབ་སེམས་དཔའི་ལུས་བཅད་པའི་ཚོར་བ་འཕྲལ་དུ་རྒྱུན་ཆད་པར་གྱུར་ཏོ། །དེ་ནས་བྱང་ཆུབ་སེམས་དཔས་བསམས་པ། ཅིའི་ཕྱིར་ངའི་ལུས་བཅད་པའི་ཚོར
48b2 བ་འགགས་པར་གྱུར། སོག་ལེ་འགའ་ཞིག་གིས་བཏོན་པར་མ་གྱུར་གྲང་སྙམ་ནས་སོག་ལེ་དེ་ལ་བལྟས་སོ། །བལྟས་ནས་ཀྱང་མཆོག་ཏུ་ཡིད་མི་བདེ་བར་གྱུར་ནས་འདར་བར་གྱུར་ཏོ། །དེ་ནས་ལྷའི་དབང་པོ
48b3 བརྒྱ་བྱིན་གྱིས་དེའི་བསམ་པ་ཤེས་ནས་སྨྲས་པ། ཉམ་ཆུང་ནད་པ་ཇི་བཞིན་དུ། །རྒྱལ་པོ་ཅི་ཕྱིར་འདར་བར་བྱེད། །བདག་གི་ལུས་ཕྱེད་བཅད་ན་ཡང་། །སེམས་ནི་མི་འདར་བ་ལ་ལྟོས། །ཁྱོད་ནི་ཐམས
48b4 ཅད་སྟེར་བ་ཞེས། །ས་སྟེང་ཀུན་དུ་གྲགས་པ་ལ། །འགྱོད་པར་བྱེད་པ་མི་རིགས་ཏེ། །ཁྱོད་ཚིག་བརྫུན་དུ་མ་གྱུར་ཏམ། །དེ་ནས་བྱང་ཆུབ་སེམས་དཔས་སྨྲས་པ། བྲམ་ཟེ་དོན་དེའི་ཕྱིར་ལུས་འདར་བ་མ་ཡིན་ལ།
48b5 འགྱོད་པར་གྱུར་པ་འགའ་ཡང་ཡོད་པ་མ་ཡིན་ནོ། །འོན་ཀྱང་སོག་ལེ་འདིས་ངའི་ལུས་ཀྱི་ཕྱེད་སྨད་ཚབས་ཆེར་ཞུགས་ཀྱང་མ་ཆོད་པ་དང་། དེ་ལ་ང་འདི་སྙམ་དུ་སེམས་ཏེ། ངའི་སྦྱིན་པ་མ་རྫོགས་པར་མི་འགྱུར་གྲང་།
48b6 ང་ལ་སློང་བའི་ཡིད་ལ་རེ་བ་ཡང་ཡོངས་སུ་རྫོགས་པར་མི་འགྱུར་གྲང་ཞེས་དོན་དེ་རྗེས་སུ་སེམས་ཤིང་ལུས་འདར་ཏེ་སོག་ལེས་དྲག་ཏུ་གཅོད་པར་མི་འདོད་པ་མ་ཡིན་ནོ། །དེ་ལ་དེ་སྐད་ཅེས་སྨྲས་པ་དང་ལྷའི་དབང་པོ་བརྒྱ་བྱིན་མཆོག
48b7 ཏུ་ངོ་མཚར་སྐྱེས་ནས་ཅང་མི་སྨྲ་བར་གནས་སོ། །བར་སྐབས་དེར་མི་དེ་གཉིས་བརྒྱ་བྱིན་གྱིས་ཀུན་དུ་རྨོངས་པར་བྱས་པས་དེ་གཉིས་ཀྱིས་སོག་ལེ་རྣོན་པོས་བྱང་ཆུབ་སེམས་དཔའི་ལུས་ཀྱི་ཕྱེད་རོ་སྨད་བཅད་མ་ཐག་ཏུ་སའི་སྟེང
48b8 དུ་བཞག་པ་དང་འགུལ་བར་གྱུར་ཏོ། །དེ་ནས་བྱང་ཆུབ་སེམས་དཔའ་རང་གི་ལུས་བཅད་པའི་སྡུག་བསྔལ་མི་སེམས་པར་རིངས་བག་ཉིད་དུ་སྐྱེས་བུ་དེ་གཉིས་ལ་འདི་སྐད་སྨྲས་སོ། །བཞིན་བཟངས་དག་ཁྱོད་ཅག་གཉིས
iiif viewer powered by OpenSeadragon
