| e-texts navigator |
| Wylie |
46b1 ཡིད་ཀྱིས་སློང་བའི་ཡིད་ལ་རེ་བ་ཡོངས་སུ་རྫོགས་པར་བྱ་བའི་ཕྱིར་རང་ཉིད་ཀྱི་ཨུད་པ་ལ་སྔོན་པོའི་ལོ་མ་ལྟ་བུ་དྲི་མ་མེད་པ། ཤིན་དུ་མཛེས་པ། སེམས་ཅན་སྐྱེ་བོའི་མིག་དང་ཡིད་འཕྲོག་པ་མ་ཉམས་པའི་མིག་གཉིས་འཕྲལ་དུ་ཁྲག
46b2 དང་བཅས་པར་ཕྱུང་ནས་བྱིན་ནོ། །གཞན་ཡང་བློ་གྲོས་ཆེན་པོ་ཡང་ང་རྒྱལ་པོ་ཟླ་འོད་དུ་གྱུར་པ་ན་ཡང་བྲམ་ཟེ་དྲག་པོའི་མིག་མགོ་སློང་བ་ལ་མཆོག་ཏུ་སྙིང་རྗེས་བསྒོས་པའི་ཡིད་ཀྱིས་ལྷ་དང་ཀླུ་དང་། གནོད་སྦྱིན་དང་དྲི་ཟ་དང་ལྷ
46b3 མ་ཡིན་དང་ནམ་མཁའ་ལྡིང་དང་མི་འམ་ཅི་དང་ལྟོ་འཕྱེ་ཆེན་པོ་དང་གྲུབ་པ་དང་། རིག་པ་འཛིན་པའི་ཚོགས་རྣམས་དང་། ལྷ་བརྒྱ་སྟོང་དུ་མ་རྣམས་ཀྱིས་བཀག་ཀྱང་ངས་འགྲོ་བ་འདི་དག་མགོན་མེད་པར་མཐོང་ནས་བླ་ན་མེད་པ་ཡང་དག
46b4 པར་རྫོགས་པའི་བྱང་ཆུབ་མངོན་པར་རྫོགས་པར་བྱང་ཆུབ་སྟེ། སེམས་ཅན་རྣམས་འཁོར་བའི་འབྲོག་དགོན་པ་ལས་ཐར་བར་བྱ་སྙམ་ནས་བྱམས་པས་ཁྱབ་པར་བྱས་ཏེ། རང་གི་ནོར་བུ་དང་གསེར་དང་དངུལ་དང་བཻ་དཱུརྱ་དང་རྡོ་རྗེ་དང་ཨིན་དྲ་ནཱི་ལ་དང་།
46b5 མར་གད་ཀྱིས་ཀུན་དུ་བརྒྱན་པ། ཨུད་པ་ལ་སྔོན་པོའི་ལོ་མ་ལྟ་བུའི་རལ་གྲིས་རང་གི་མགོ་རྩཝ་བཞིན་དུ་བཅད་ཅིང་བཅད་ཅིང་བྱིན་ནོ། །གཞན་ཡང་བློ་གྲོས་ཆེན་པོ་ཡང་ང་ཤི་བི་པའི་རྒྱལ་པོར་གྱུར་པ་ན་ཕུག་རོན་སྐྱབས་མེད་པ
46b6 ཞིག་ཁྲས་འཇིགས་ཤིང་སྐྲག་ལ་སྡུག་བསྔལ་ཞིང་བཞིན་རྨོགས་པ། སྐྱབས་མེད་པ་སྐྱབས་སུ་འོངས་པ་མཐོང་སྟེ། མཆོག་ཏུ་སྙིང་རྗེས་འདར་བའི་ཡིད་ཀྱིས་བྱ་ཕུག་རོན་ཁྲ་ལས་ཡོངས་སུ་བསྲུང་ཞིང་བླུ་བའི་ཕྱིར
46b7 རང་གི་ཤ་བཅད་ཅིང་བཅད་ཅིང་བྱིན་ནོ། །གཞན་ཡང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འདོད་པར་བྱ་བའི་ཕྱིར་ས་ཕྱོགས་འདི་ཉིད་དུ་རྐང་པ་དང་ལག་པ་དང་བུ་དང་ཆུང་མ་སྟོང་ཕྲག
46b8 ཡོངས་སུ་བཏང་བ་བྱས་ན་ཡང་སུས་ཀྱང་བར་ཆད་མ་བྱས་སོ། །དེའི་ཕྱིར་འདི་ལྟར་རིག་པར་བྱ་སྟེ། ངའི་ལུས་སློང་བ་ལ་ཁྱོད་བར་ཆད་མ་བྱེད་ཅིག་།དེ་ནས་བློན་པོ་ཆེན་པོ་བློ་གྲོས་ཆེན་པོས་བྱང
iiif viewer powered by OpenSeadragon
