| e-texts navigator |
| Wylie |
227a1 པར་གྱུར་ཏོ། །དགེ་སློང་བསྡུས་པ་དེའི་ཚེ་ན་ལམ་དུ་དགེ་སློང་གྱག་ཅིང་ཆུད་ཟོས་པ་ཡང་མང་སྟེ། རྒྱལ་པོའི་ཕོ་བྲང་དུ་ནི་འབུམ་ཙམ་ཞིག་ཕྱིན་པར་གྱུར་ཏོ། །དགེ་སློང་ལམ་དུ་གྱག་ཅིང་ཆུད་ཟོས་པ
227a2 ཡང་གཅན་ཟན་སྣ་ཚོགས་དང་། མི་རྒོད་དང་། ཆུ་ལ་སོགས་པས་ཕལ་ཁྱེར་ཏེ་ཆུད་ཟོས་སོ། །དགེ་འདུན་མང་པོ་ཕྱིན་པ་དང་། རྒྱལ་པོས་མཆོད་སྟོན་དྲངས། ཡོན་ཕུལ་ཏེ་མཆོད་པ་བྱས་སོ། །དེའི་ཚེ་དགེ་འདུན་རྣམས
227a3 གཅིག་ལ་གཅིག་གཏམ་དུ་སྨྲས་པ། ཁྱེད་ཀྱི་མཁན་པོ་ག་རེ། སློབ་མ་གར་སོང་། གྲོགས་པོ་ཁྲིམས་ཟླ་ག་རེ་ཞེས་སོ་སོར་གཏམ་དུ་གླེངས་པ་དང་། སྟག་དང་། སེང་གེ་དང་། མི་རྒོད་ཀྱིས་བསད་པ་དང་། ཆུས་ཁྱེར་བ་དང་།
227a4 ནད་ཀྱིས་བཏབ་ནས་ཤི་བ་ལ་སོགས་པའི་གཏམ་བྱས་ནས་དགེ་སློང་སོ་སོ་ནས་མྱ་ངན་ལངས་ཏེ་ངུད་མོས་འདེབས་ཏེ་བྲང་རྡུང་ངོ་། །དེ་ནས་དེའི་ཚེ་རྒྱལ་པོས་མྱ་ངན་མ་བགྱིད་མ་ངུ་ཞེས་བསྒོ་བ་དང་། དགེ་འདུན་རྣམས་མ་ཉན་པ
227a5 དང་། རྒྱལ་པོ་ཡང་མི་དགའ་ནས་ཁ་ཕྱོགས་ཏེ་ཉལ་ལོ། །ཉལ་བའི་ཚེ་སྨོན་ལམ་དུ་བཏབ་པ། གང་ཟག་གི་དགེ་འདུན་ལ་ནི་སྐྱབས་སུ་སོང་ནས་མཆོད་པ་བྱས་ན། བདག་གིས་དགྲ་བཅོམ་པའི་ཞལ་མ་མཐོང་སྟེ། བདག
227a6 གིས་དགྲ་བཅོམ་པ་ཞིག་གི་ཞལ་མཐོང་བར་ཤོག་ཤིག་ཅེས་སྨོན་ལམ་དུ་བཏབ་པ་དང་། འཇིག་རྟེན་གྱི་ལྷ་ཞིག་གིས་རྨི་ལྟས་སུ་བསྟན་པ། གན་དྷ་མཱ་ད་ན་སྟེ་སྤོས་ངད་ལྡང་ཞེས་བྱ་བའི་རི་ལ་སུ་དྷ་ན་པུ་ཏྲ་ར་རྣ་ཤ་ཞེས་དང
227a7 ར་ཤན་ཞེས་པའང་སྣང་ངོ་སྟེ་ཚོང་དཔོན་ནོར་བཟངས་ཀྱི་བུ་ཞེས་བྱ་བ་རབ་ཏུ་བྱུང་བ་སུ་ར་ཏ་སྟེ་དེས་པ་ཞེས་བྱ་བར་མིང་བཏགས་པ་དགྲ་བཅོམ་པའི་འབྲས་བུ་ཐོབ་པ་ཞིག་བཞུགས་ཏེ། དེ་སྤྱན་དྲངས་ནས་བསྙེན་བཀུར་བྱས་ཏེ། དེ
227a8 ལ་སྡིག་བཤགས་ན་སྡིག་ཀྱང་འབྱང་། ཐེ་ཙོམ་ཡང་བྲལ་བར་འགྱུར་རོ་ཞེས་ལྷས་བསྟན་པ་རྨིས་པ་དང་། རྒྱལ་པོ་སད་པ་དང་འཕྲལ་དུ་ཕོ་ཉ་བཀྱེ་སྟེ། སྤོས་ངད་ལྡང་གི་རི་ལས་དགྲ་བཅོམ་པ་སུ་ར་ཏ་སྤྱན་དྲངས་ཏེ། རྒྱལ
iiif viewer powered by OpenSeadragon
