| e-texts navigator |
| Wylie |
226a1 རྟེའུ་སྨྲ་ཤེས་པ་ཞིག་སྐྱེས་ཏེ། རྒྱལ་པོ་དང་། བློན་པོའི་བུ་དང་། རྟེའུ་སྨྲ་ཤེས་པ་སྐྱེས་པའི་ནུབ་མོ་ཡང་ནམ་མཁའ་ལས་ཁྲག་གི་ཆར་པ་བབ་ནས། རྒྱལ་པོ་མ་ཧེན་དྲ་སེ་ནས་དྲང་སྲོང་གི་མཁན
226a2 པོ་ལྔ་མངོན་པར་ཤེས་པ་ཞིག་ལ་བདག་ཅག་འཁོར་གྱི་བུ་དང་། རྟ་ལ་ཡ་མཚན་འདི་ལྟ་བུ་བྱུང་བ་དང་། ཁྲག་གི་ཆར་པ་བབ་པ་འདི་ཅིའི་ལྟས་ཞེས་སྨྲས་པ་དང་། དྲང་སྲོང་ན་རེ་ཁྱོད་ཀྱི་བུས་འཛམ་བུའི་གླིང་གི་ས་གཞི་འདི་མི
226a3 འི་ཁྲག་གིས་གཤེར་བར་བྱེད་པར་འགྱུར་རོ། །དེའི་འོག་ཏུ་ཁྱོད་ཀྱི་བུ་འཛམ་བུའི་གླིང་གི་རྒྱལ་པོ་ཆེན་པོ་བྱེད་པར་འགྱུར་རོ་ཞེས་སྨྲས་སོ། །རྒྱལ་བུ་དེ་ཐོག་མ་བཙས་ནས་ལོ་བཅུ་གཉིས་ལོན་པ་དང་། དེའི་ཚེ་རྒྱལ་པོ
226a4 ཡ་བ་ན་དང་། བལྷི་ག་དང་། ཤ་ཀུ་ན་གསུམ་འདུས་པའི་དམག་སུམ་འབུམ་རྒྱལ་པོ་དང་བཅས་ཏེ། རྒྱལ་པོ་མ་ཧེན་དྲ་སེ་ནའི་ཡུལ་དུ་དྲངས་པ་ལས། ཡུལ་དུ་དམག་ཕལ་མོ་ཆེ་བྱུང་བས་རྒྱལ་པོ་སྙིང་མི་དགའ་སྟེ། མྱ
226a5 ངན་བྱེད་ཅིང་འདུག་པ་ལ་བུ་དུ་སྤྲ་ས་ཧ་སྟས་ཕ་ལ་དྲིས་པ། ཡབ་འདི་ལྟར་ཐུགས་མི་དགྱེས་པ་ཅི་ལས་གྱུར་ཅེས་ཞུས་པ་དང་། ཕ་ན་རེ་རྒྱལ་པོ་གསུམ་གྱི་དམག་བྱིན་ཆེན་པོ་བདག་ཅག་གི་ཡུལ་དུ་བྱུང་བས་མི་དགའ
226a6 ཞེས་སྨྲས་པ་དང་། བུས་སྨྲས་པ། ཡབ་མི་དགྱེས་སུ་མ་མཛད་ཅིག་།དམག་འདི་བདག་གིས་ཐུབ་པར་བགྱིའོ་ཞེས་བགྱིས་པ་དང་། ཕ་ན་རེ་ལེགས་སོ་ཞེས་སྨྲས་ནས། བུ་དང་བློན་པོའི་བུ་ཡ་མཚན་ཅན་ལྔ་བརྒྱ
226a7 ལ་སོགས་ཏེ། དམག་ཉིས་འབུམ་བཅས་ཏེ་བཏང་ནས་ཐབ་མོ་བྱས་པའི་ཚེ། སྨིན་མཚམས་ན་ལྕགས་ཀྱི་སྨེ་བ་ཡོད་པ་བསྐྱེད་ནས་ལུས་རིལ་ལྕགས་སུ་བྱས་ནས་རབ་ཏུ་ཁྲོས་ནས་བརྒལ་བ་དང་། དུ་སྤྲ་ས་ཧ་སྟའི
226a8 དམག་རྒྱལ་ཏེ་ཕྱིར་ལོག་པ་དང་། ཕ་ན་རེ་བུ་ཁྱོད་ཀྱིས་རྒྱལ་པོ་གསུམ་གྱི་དམག་འདི་ལྟ་བུ་དང་ཐབ་མོ་བྱས་པ་ལས་རྒྱལ་བ་ལེགས་སོ། །ད་ཕྱིན་ཅད་ཁྱོད་ཀྱིས་རྒྱལ་སྲིད་ཟུང་ཤིག་།ང་ནི་འབྱུང་ངོ་ཞེས་བསྒོ་ནས
iiif viewer powered by OpenSeadragon
