| e-texts navigator |
| Wylie |
225b1 བྱེད་དེ་སྡིག་ལ་མི་འཛེམ། གཟུགས་བརྙན་དང་མཆོད་རྟེན་རྣམས་ཁད་ཀྱིས་བཤིག་།མཆོད་པའི་ཡོ་བྱད་ཕྲི། དེའི་ཚེ་དམ་པའི་ཆོས་མ་ནོར་བར་སྤྱོད་པ་དགེ་སློང་དང་། ཁྱིམ་པ་འགའ་འགའ་ཙམ་གནས
225b2 པ་དེའི་བསོད་ནམས་ཀྱིས་ཡུལ་ཕྱོགས་སུ་ཆར་ཆུ་དུས་སུ་འབབ་ཅིང་ལོ་ལེགས། མི་རྒྱགས་ལ་ནད་ཉུང་ཞིང་ཡུལ་བདེ་བ་དག་ཀྱང་བར་འགའ་འབྱུང་། དེ་ལྟ་བུ་མི་གནས་པ་ཕལ་ཆེར་ནི་སྡུག་བསྔལ་མི་བདེ་བ་སྣ
225b3 ཚོགས་འབྱུང་། དེའི་དུས་སུ་རྒྱ་གར་དང་། རྒྱ་མ་ཡིན་པའི་རྒྱལ་པོ་ཆེན་པོ་གསུམ་འབྱུང་སྟེ། གསུམ་ལ། ཡ་བ་ན་དང་། བལྷི་ཀ་དང་། ཤ་ཀུ་ན་དང་། འདི་གསུམ་དམ་པའི་ཆོས་མི་སྤྱོད། དམག་འདྲེན་ཅིང
225b4 གཡུལ་འགྱེད་དེ། ནུབ་དང་བྱང་གི་ཡུལ་ཁམས་མང་པོ་ཞིག་འབེབས་པར་བྱེད་དེ། དེ་ནས་ཡུལ་ཁམས་དེའི་མཆོད་རྟེན་དང་གཙུག་ལག་ཁང་ལ་སོགས་པ་ཡང་བཤིག་ཅིང་མེས་བསྲེགས་ཏེ། དགེ་འདུན་གྱི་ཡོ་བྱད་དང
225b5 དཀོན་མཆོག་གསུམ་གྱི་དཀོར་ལ་སོགས་པ་ཡང་ཕྲོགས་ཤིང་བཅོམ་སྟེ། རྒྱལ་པོ་འདི་གསུམ་གཅིག་ལ་གཅིག་གནོད་པ་སྣ་ཚོགས་ཀྱིས་ཐབ་མོ་བྱེད་དེ། གསུམ་ཅར་གྱི་རྒྱལ་སྲིད་མི་བདེ་བར་འགྱུར་རོ། དེའི་རྗེས་ལ
225b6 རྒྱལ་པོ་དེ་གསུམ་ནང་སྲིད་གཅིག་ཏུ་བྱས་ནས་དམག་མང་པོ་འདུས་ཏེ་རྒྱ་གར་གྱི་ཡུལ་ཆུ་བོ་གང་གཱའི་ཚུ་རོལ་འགན་ད་ར་དང་། མ་དྷྱ་དེ་ཤ་ལ་སོགས་པའི་ཡུལ་ཕྲོགས་ནས་བཟུང་། དེའི་དུས་ན་ཆུ་བོ་གང་གཱའི་ཕ་རོལ་ལྷོ་ཕྱོགས
225b7 ཀྱི་རྒྱུད་ན། ཡུལ་ཀོའུ་ཤམ་བི་ཞེས་བྱ་བའི་རྒྱལ་པོ་མ་ཧེན་དྲ་སེན་ཞེས་བྱ་བ་དེ་ལ་སྲས་ཞིག་བཙས་ཏེ། དེའི་མིང་ནི་དུ་སྤྲ་ས་ཧ་སྟ་ཞེས་བྱ་སྟེ། སྨིན་མཚམས་ན་ལྕགས་ཀྱི་སྨེ་བ་ཞིག་ཡོད་པ། ལག་པ་གྲུ་མོ་མན
225b8 ཆད་ཁྲག་གིས་བསྐུས་པ་ཞིག་འབྱུང་ངོ་། །དེ་དང་དུས་གཅིག་ཏུ་རྒྱལ་པོ་དེའི་བློན་པོ་ལྔ་བརྒྱ་ལ་ཡང་བུ་ཁྱེའུ་ལྔ་བརྒྱ་བཙའ་སྟེ། དེ་རིལ་ཡང་ལག་པ་ཁྲིག་པ་མན་ཆད་ཁྲག་ཅན་དུ་བྱུང་སྟེ། དེའི་དུས་ན་རྒྱལ་པོའི་རྟ་ལ
iiif viewer powered by OpenSeadragon
