| e-texts navigator |
| Wylie |
225a1 མིའི་རྒྱལ་པོ་རྣམས་ཀྱང་ཕན་ཚུན་གཅིག་ལ་གཅིག་དམག་འདྲེན་ཅིང་འཁྲུག་པར་འགྱུར་རོ། །བདུད་ཀྱི་རིས་ཀྱང་འཕེལ་བར་འགྱུར་རོ། །དེ་ནས་ཡང་ལོ་ལྔ་བརྒྱའི་ཚེ་ལོ་སུམ་བརྒྱར་ནི་དམ་པའི་ཆོས
225a2 ལ་གནས་པའི་ལྷ་ཀླུ་ལ་སོགས་པ་སེམས་ཅན་སྲུངས་མ་རྣམས་མི་གནས་ཤིང་དམ་པའི་ཆོས་གང་དུ་དར་བར་འགྲོ་བར་འགྱུར། སེམས་ཅན་ཆོས་ལ་མ་དད་པར་འགྱུར། སེམས་ཅན་ཆོས་སྤྱོད་པ་རྣམས་ཀྱང་ཆོས་ཀྱི་གཞུང་བཞིན
225a3 མི་སྤྱོད། བརྩོན་འགྲུས་ཆུངས་པས་གྲུབ་པ་ཉུང་བར་འགྱུར། ཁ་དོག་བཞི་དང་བཞི་ལས་གྱུར་པ་ཡང་འབྲི། དྲི་དང་། རོ་ལ་སོགས་པ་ཡང་ཆུང་བར་འགྱུར་རོ། །མི་ནད་དང་། ཕྱུགས་ནད་དང་། མུ་གེ་ཡང་འབྱུང་བར་འགྱུར་རོ། །ལོ་ཉིས
225a4 བརྒྱར་ནི་དགེ་སློང་ཡང་ཆོས་བཞིན་མི་སྤྱོད། འཇིག་རྟེན་གྱི་ཁེ་དང་གྲགས་པ་ཚོལ། སྙིང་རྗེ་ཆུང་ཞིང་ཁྲིམས་ལ་མི་གནས། དམ་པའི་ཆོས་ཚུལ་བཞིན་སྤྱོད་པ་རྣམས་ལ་ནི་གླན་ཀ་ཚོལ་ཞིང་སྐུར་པ་འདེབས།
225a5 ལོངས་སྤྱོད་དང་ཡོ་བྱད་འཕྲོག་།འཇིག་རྟེན་གྱི་རྒྱལ་པོའི་གསང་ལ་རྟེན་ཅིང་རྒྱལ་སྲིད་འཛིན། རྒྱལ་པོའི་ཕྲིན་པའི་ཕོ་ཉར་ངོ་འཕྲལ་ཚོལ་ཞིང་འགྲོ། རྒྱལ་པོ་དང་། འབངས་སྲིད་འཁྲུག་པའི་དབྱེན་བྱེད། ཉོ
225a6 ཚོང་དང་ཁེ་སྤོགས་བྱེད་ཐབས་ཚོལ། དམ་པའི་ཆོས་སྤྱོད་པ་ཡང་སྙིང་ནས་ཉམས་སུ་བླངས་ཏེ་མི་སྤྱོད་ཀྱི། ཕལ་ཆེར་ཁ་གསག་དང་། འཕྲལ་གྱི་ཚུལ་འཆོས་པའི་ཡ་མ་རླ་བྱེད་དེ། དེའི་དུས་ན་ཆོས་ལ་དགའ
225a7 བའི་ལྷ་ཀླུ་ཐམས་ཅད་ཀྱིས་རྒྱལ་ཁམས་ཀྱི་དགེ་སློང་འདི་ལྟར་སྤྱོད་པའི་ས་གཞི་བོར་ཏེ་མི་གནས་ཤིང་། བདུད་ཀྱི་རིས་ལ་སོགས་པ་ཆོས་ཀྱི་བགེགས་ཀྱི་རིས་རྣམས་དེར་འབྱུང་སྟེ། མཐུ་དང་སྟོབས་སྐྱེ་བར
225a8 འགྱུར། རྒྱལ་པོ་དང་། བློན་པོ་ལ་སོགས་པ་དད་པ་འབྲི། དགེ་སྡིག་གི་དམིགས་མི་ཕྱེད། དམ་པའི་ཆོས་ལ་རྨ་འབྱིན། དཀོན་མཆོག་གསུམ་གྱི་དཀོར་དང་། དགེ་འདུན་གྱི་རྫས་ལ་སྤྱོད་ཅིང་རྐུ་འཕྲོག
iiif viewer powered by OpenSeadragon
