| e-texts navigator |
| Wylie |
224a1 དགེ་སྡིག་རྣམ་པར་དབྱེ་བའི་མདོ། རྫོགས་སོ།། །།འཕགས་པ་ཟླ་བའི་སྙིང་པོས་ཞུས་པའི་མདོ་ལས། སངས་རྒྱས་ཀྱི་བསྟན་པ་གནས་པ་དང་འཇིག་པའི་ཚུལ་ལུང་བསྟན་པ། སྔོན་སངས
224a2 རྒྱས་བཅོམ་ལྡན་འདས་ཤཱཀྱ་ཐུབ་པ་རི་ཁ་རྷི་རྷག་གི་སྟེང་ན་བཞུགས་ཏེ། དེའི་ཚེ་ཕྱོགས་བཅུའི་བྱང་ཆུབ་སེམས་དཔའ་སེམས་དཔའ་ཆེན་པོ་འཁོར་དང་བཅས་པ་དང་། དགྲ་བཅོམ་པ་དང་། ལྷ་དང་། ཀླུ་དང་། གནོད་སྦྱིན་དང་། དྲི
224a3 ཟ་དང་། ལྷ་མ་ཡིན་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། ནམ་མཁའ་ལྡིང་དང་། བདུད་སྡིག་ཅན་ལ་སོགས་པ་མཐུ་བོ་ཆེ་ཐམས་ཅད་ཚོགས་པ་དེའི་དུས་ན་སངས་རྒྱས་བཅོམ་ལྡན་འདས་ཤཱཀྱ་ཐུབ་པའི་ཞལ་གྱི་སྨིན
224a4 མཚམས་ནས་འོད་ཟེར་ཤར་གྱི་ལུས་འཕགས་དང་། ལྷོའི་འཛམ་བུའི་གླིང་དང་། ནུབ་ཀྱི་བན་གླང་སྤྱོད་དང་། བྱང་གི་སྒྲ་མི་སྙན་དང་། གླིང་འདི་བཞིར་འོད་ཟེར་ཀུན་དུ་ཁྱབ་པར་བཀྲམ་སྟེ། འོད་ཟེར་བཏང་བ་དེའི་ཚེ་རི་རབ་ལ་སོགས
224a5 པ་རི་ཆེན་པོ་དང་། རི་དང་། ནགས་ཚལ་དང་། སྨན་ལྗོང་། རི་སུལ། གྲག་གྲོག་ཀུན་ལ་ཡང་སྣང་བར་མཉམ་སྟེ། ལག་མཐིལ་དང་འདྲ་བར་གླིང་བཞི་ཅར་སྣང་བས་གསལ་བར་གྱུར། འོད་ཟེར་དེ་དག་ལས་སངས་རྒྱས
224a6 ཀྱི་སྐུ་གཟུགས་ཁ་དོག་དང་དབྱིབས་སྣ་ཚོགས་འོད་དང་བཅས་པ་ཕལ་པོ་ཆེ་བྱུང་བ། བྱང་ཆུབ་སེམས་དཔའ་དང་། ལྷ་དང་། ཀླུ་ལ་སོགས་པ་སེམས་ཅན་མང་པོ་ཀུན་གྱིས་མཐོང་སྟེ་ངོ་མཚར་དུ་གྱུར་ཏོ། །དེ་ནས་བཅོམ་ལྡན
224a7 འདས་ཤཱཀྱ་ཐུབ་པ་ལ་བཻ་ཤྲ་ཝ་ན་ལ་སོགས་པ་རྒྱལ་པོ་ཆེན་པོ་བཞིས་གསོལ་པ། འོད་ཟེར་འདི་ལྟ་བུ་དེ་ཅིའི་དོན་དུ་མཛད་པ་ལགས་ཞེས་ཞུས་པ་ལས། བཅོམ་ལྡན་འདས་ཀྱིས་བཀའ་སྩལ་པ། ང་མྱ་ངན་ལས་འདས་པའི
224a8 འོག་ཏུ་གླིང་བཞིར་ངས་གསུངས་པའི་དམ་པའི་ཆོས་ཀྱི་གསུང་རབ་དང་། རིང་བསྲེལ་དང་། གཟུགས་བརྙན་འདི་ལྟ་བུ་དག་འབྱུང་སྟེ། འདི་ཁྱེད་ཀྱི་ལག་ཏུ་གཏད་ཀྱིས་བསྲུངས་ཤིག་།དེ་ནས་བཅོམ་ལྡན་འདས་ལ་བྱང་ཆུབ
iiif viewer powered by OpenSeadragon
