| e-texts navigator |
| Wylie |
291b1 ལག་བརྒྱད་པ་རྗེས་སུ་བསྟན་པར་བྱ་བ་དང་། རྣམ་པར་ཐར་པ་བརྒྱད་ཐོབ་པར་བྱ་བ་དང་། མི་ཁོམ་པ་བརྒྱད་ཡོངས་སུ་བསལ་བའི་ཕྱིར་རྣམ་པ་བརྒྱད་བསྟན་པ་ཡིན་ནོ། །མཁར་སིལ་གྱི་དོན་མདོར་བསྟན་པ་དེ་ལྟ་བུ་ཡིན
291b2 པས་ཁྱེད་ཀྱིས་ལེགས་པར་ཡོངས་སུ་གཟུང་བར་བྱའོ། །བཅོམ་ལྡན་འདས་ལ་འོད་སྲུང་གིས་གསོལ་པ། བཅོམ་ལྡན་འདས་འཕགས་པའི་གསུང་རབ་ལ་ཇི་སྐད་བསྟན་པ་བཞིན་དུ་འཚལ་ལོ་ཞེས་གསོལ་ཏོ། །དེ་ནས
291b3 འོད་སྲུང་ཆེན་པོས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དུས་གསུམ་གྱི་དེ་བཞིན་གཤེགས་པ་རྣམས་ཀྱི་ཆོས་ཀུན་མཚུངས་པ་ཞིག་ལགས་སམ། བཅོམ་ལྡན་འདས་ཀྱིས
291b4 བཀའ་སྩལ་པ། ཁ་ཅིག་མཁར་བ་མཚུངས་ཀྱང་སྤྱོད་པ་མི་མཚུངས་པས་ཁ་ཅིག་གི་ཚེ་ན་ནི་བཞི་སྒྲིལ་དུ་བྱས་པའོ། །ཁ་ཅིག་གི་ཚེ་ན་ནི་གཉིས་སྒྲིལ་དུ་བྱས་པ་སྟེ། སིལ་སྒྲིལ་གྱི་གྲངས་ལ་ནི་བྱེ་བྲག་དུ་གྱུར་པ་མེད་དོ།
291b5 ང་ནི་དེང་འདིར་བཞི་སྒྲིལ་སིལ་སྒྲིལ་བཅུ་གཉིས་སུ་བྱས་པའི་བསྟན་པ་དེ་སྤྱོད་དོ། །གཉིས་སྒྲིལ་དུ་བྱས་པ་ནི་དེ་བཞིན་གཤེགས་པ་འོད་སྲུང་གིས་རྣམ་པར་གཞག་པ་ཡིན་ཏེ། སེམས་ཅན་རྣམས་བདེན་པ་གཉིས་པོ་ཀུན་རྫོབ་གྱི
291b6 བདེན་པ་དང་། དོན་དམ་པའི་བདེན་པ་རྗེས་སུ་དྲན་པར་བྱ་བའི་ཆེད་དུ་དོན་འདི་རྣམ་པར་གཞག་པ་ཡིན་ནོ། །དེའི་ཚེ་བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས་ཚེ་དང་ལྡན་པ་འོད་སྲུང་ཆེན་པོ་འཁོར་སྟོང་ཉིས་བརྒྱ་དང་།
291b7 འཁོར་འདུས་པ་ཆེན་པོ་རྣམས་ཤིན་ཏུ་དགའ་ཞིང་གུས་པས་མངོན་པར་བསྟོད་དོ། །འཕགས་པ་མཁར་སིལ་ཞེས་བྱ་བ་ཐེག་པ་ཆེན་པོའི་མདོ། རྫོགས་སོ།། །། མཁར་སིལ་འཆང་བའི་ཀུན་ཏུ་སྤྱོད་པའི་ཆོ
291b8 ག་། མཁར་སིལ་ཡང་དག་པར་ལེན་པར་འདོད་པས། བཙུན་པ་ཞིག་དྲུང་དུ་པུས་མོ་བཙུགས་ཏེ་འདི་སྐད་དུ་བྱའོ། །བཙུན་པ་དགོངས་སུ་གསོལ། བདག་མིང་འདི་ཞེས་བགྱི་བ་དེང་བཙུན་པ་ལས་མཁར་སིལ་འཆང་བའི་སློབ
iiif viewer powered by OpenSeadragon
