| e-texts navigator |
| Wylie |
287a1 ལས་བྱས་ཤིང་བསགས་པས་ལུས་ཞིག་སྟེ་ཤི་ནས་ངན་སོང་ངན་འགྲོ་ལོག་པར་ལྟུང་བ་སེམས་ཅན་དམྱལ་བ་དག་ཏུ་སྐྱེ་ཞིང་། གལ་ཏེ་དེ་ནས་ཤི་འཕོས་ཏེ་འདིར་མི་རྣམས་དང་སྐལ་བ་མཉམ་པར་སྐྱེས་ནས་གལ་ཏེ
287a2 བུད་མེད་དུ་གྱུར་ན་ཡང་འགྲན་ཟླ་དང་བཅས་པའི་ཁྱོ་རྙེད་པར་འགྱུར་རོ། །ཅི་སྟེ་སྐྱེས་པར་གྱུར་ན་དེའི་བུ་དང་ཆུང་མ་མ་སྲུངས་པར་འགྱུར་ཏེ། དགའ་བ་ཅན་འདོད་པས་ལོག་པར་གཡེམ་པའི་ཉེས་དམིགས་བཅུ་ནི་དེ་དག་ཡིན་པར་རིག
287a3 པར་བྱའོ། །དགའ་བ་ཅན་བརྫུན་དུ་སྨྲ་བའི་ཉེས་དམིགས་བཅུ་ནི་འདི་དག་ཡིན་པར་རིག་པར་བྱ་སྟེ། བཅུ་པོ་དག་གང་ཞེ་ན། དེའི་ཁ་ནས་རྣག་མནམ་པར་འགྱུར་བ་དང་། དེའི་ལུས་སྲུང་བའི་ལྷས་འཕང་བ་དང་། མི་མ་ཡིན་པས་གླགས
287a4 རྙེད་པར་འགྱུར་བ་དང་། བདེན་པར་སྨྲས་ཀྱང་དེའི་ཚིག་ལ་མ་དད་པར་འགྱུར་བ་དང་། དགོས་པ་བྱུང་ཡང་འདི་ལ་མཁས་པ་རྣམས་ཡོངས་སུ་འདྲི་བར་མི་སེམས་པ་དང་། ཡང་དག་པ་མ་ཡིན་པའི་མི་སྙན་པ་རྒྱ་ཆེར་སྒྲོགས་པར
287a5 འགྱུར་བ་དང་། ཕྱིར་ལྡང་བའི་འོས་མ་ཡིན་པར་འགྱུར་བ་དང་། སྡུག་བསྔལ་ཞིང་ཡིད་མི་བདེ་བར་འགྱུར་བ་དང་། མི་སྙན་པ་བརྗོད་པ་མང་བར་འགྱུར་བའི་ལས་བྱས་ཤིང་བསགས་པས་ལུས་ཞིག་སྟེ་ཤི་ནས་ངན་སོང་ངན་འགྲོ་ལོག
287a6 པར་ལྟུང་བ་སེམས་ཅན་དམྱལ་བ་དག་ཏུ་སྐྱེ་ཞིང་། གལ་ཏེ་དེ་ནས་ཤི་འཕོས་ཏེ་འདིར་མི་རྣམས་དང་། སྐལ་བ་མཉམ་པར་སྐྱེས་ན་ཡང་དེ་གང་དང་གང་དུ་སྐྱེས་པ་དེ་དང་དེར་མི་སྙན་པ་བརྗོད་པ་མང་པོར་འགྱུར་ཏེ། དགའ་བ་ཅན
287a7 བརྫུན་དུ་སྨྲ་བའི་ཉེས་དམིགས་བཅུ་ནི་དེ་དག་ཡིན་པར་རིག་པར་བྱའོ། །དགའ་བ་ཅན་འབྲུའི་ཆང་དང་བཅོས་པའི་ཆང་བག་མེད་པའི་གནས་ཀྱི་ཉེས་དམིགས་སུམ་བཅུ་རྩ་ལྔ་ནི་འདི་དག་ཡིན་པར་རིག་པར་བྱ་སྟེ། སུམ་བཅུ
287a8 རྩ་ལྔ་པོ་དག་གང་ཞེ་ན། ཚེ་འདི་ལ་ནོར་ཟད་པ་དང་། ནད་རྣམས་རྒྱས་པར་བྱེད་པ་དང་། འཐབ་པ་དང་རྩོད་པ་སྐྱེད་པ་དང་། དོན་མེད་པ་ལ་ལྟ་བ་དང་། གྲགས་པ་མ་ཡིན་པ་ཀུན་དུ་འབྱུང་བར་བྱེད་པ་དང་། ཤས་རབ་ཉམ་ཆུང
iiif viewer powered by OpenSeadragon
