| e-texts navigator |
| Wylie |
283a1 སམ། བསོད་ནམས་ཀྱི་འབྲས་བུ་འམ། བསོད་ནམས་ཀྱི་འབྲས་བུའི་རྣམ་པར་སྨིན་པའི་ཚད་གཟུང་བར་མི་ནུས་ཏེ། འོན་ཀྱང་བསོད་ནམས་མང་ཞིང་བསོད་ནམས་ཀྱི་ཕུང་པོ་ཆེའོ་ཞེས་བྱ་བའི་གྲངས་སུ་འགྲོའོ། །གནས
283a2 འཇོག་འཕགས་པའི་ཡན་ལག་བརྒྱད་དང་ལྡན་པ་ལ་གནས་པ་ནི་དེ་ལྟར་འབྲས་བུ་ཆེ་བ་ཡིན། དེ་ལྟར་ཕན་ཡོན་ཆེ་བ་ཡིན། དེ་ལྟར་མཐུ་ཆེ་བ་ཡིན། དེ་ལྟར་རྒྱ་ཆེ་བ་ཡིན་ནོ། །གནས་འཇོག་འཕགས་པའི་ཡན་ལག་བརྒྱད་དང་ལྡན་པའི
283a3 བསྙེན་གནས་ལ་ཉེ་བར་གནས་པར་གྱིས་ཤིག་། ཆོ་འཕྲུལ་གྱི་ཕྱོགས་ལ་ཡང་ནན་ཏན་གྱིས་སྒྲུབས་ཤིག་།ལྷ་དང་མི་རྣམས་ཀྱི་འདོད་པ་ལ་ཡང་སྤྱད་པར་གྱིས་ཤིག་།དེ་ནས་བཅོམ་ལྡན་འདས་ལ་བྲམ་ཟེ་གནས་འཇོག་གིས་འདི
283a4 སྐད་གསོལ་ཏོ། །ཀྱེ་གཽ་ཏ་མ་འདི་ལ་སྐྱེས་བུ་གཉིས་ཤིག་ལས་དེ་གཅིག་གིས་ཇི་སྲིད་འཚོའི་བར་དུ་སྦྱིན་པ་སྩལ་བ་དང་། གཉིས་པས་ཀྱང་ཇི་སྲིད་འཚོའི་བར་དུ་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་གནས་པ་དེ
283a5 གཉིས་ལས་བཅོམ་ལྡན་འདས་ཁྱད་པར་གང་ཆེ་ལགས། བཅོམ་ལྡན་འདས་ཀྱིས་བཀའ་སྩལ་པ། གནས་འཇོག་འདི་ལ་འཕགས་པའི་ཡན་ལག་བརྒྱད་དང་ལྡན་པ་ལྟ་གནས་པ་དང་། སྦྱིན་པ་གཉིས་མཉམ་པ་མ་ཡིན་ཏེ། གནས་འཇོག
283a6 དཔེར་ན་གང་འཛམ་བུའི་གླིང་འདིར་དགྲ་བཅོམ་པ། ཟག་པ་ཟད་པ། བྱ་བ་བྱས་པ། བྱེད་པ་བྱས་པ། ཁུར་བོར་བ། བདག་གི་དོན་རྗེས་སུ་ཐོབ་པ། སྲིད་པར་སྦྱོར་བ་ཡོངས་སུ་ཟད་པ། ཡང་དག་པའི་ཤེས་པས་སེམས་ཤིན་དུ་རྣམ་པར
283a7 གྲོལ་བ་རྣམས་ཀྱིས་གང་བར་གྱུར་པ་དེ་དག་ལ་གང་རིགས་ཀྱི་བུ་འམ། རིགས་ཀྱི་བུ་མོ་གཅིག་གིས་ཇི་སྲིད་འཚོའི་བར་དུ་འདི་ལྟ་སྟེ། ཡུལ་ཆེན་པོ་བཅུ་དྲུག་ལ་ཨང་ག་དང་། མ་ག་དྷཱ་དང་། ཀོ་ས་ལ་དང་། ཀ་ཤི་དང་། བྲི་ཛི་དང་། མ་ལ
283a8 དང་། པུན་ཏྲ་དང་། སྲེག་པ་དང་། ཀཱ་མཱ་དང་། ཨ་བན་ཏི་དང་། ཀུ་རུ་དང་། ལྔ་ལེན་དང་། བད་ས་དང་། དཔལ་སྡེ་དང་། ཡ་བ་ན་དང་། ཀམ་པོ་རྣམས་སུ་འདི་ལྟ་སྟེ། རིན་པོ་ཆེ་རྡོ་རྗེ་དང་། མར་གད་དང་། པད་མ་རཱ་ག་དང་། ཨན་ད་རྙིལ་དང་། མཐོན་ཀ
iiif viewer powered by OpenSeadragon
