| e-texts navigator |
| Wylie |
282b1 ནམས་ཀྱི་འབྲས་བུ་འམ། བསོད་ནམས་ཀྱི་འབྲས་བུ་རྣམ་པར་སྨིན་པའི་ཚད་གཟུང་བར་མི་ནུས་ཏེ། འོན་ཀྱང་བསོད་ནམས་ཀྱི་ཕུང་པོ་མང་ངོ་ཞེས་བྱ་བའི་གྲངས་སུ་འགྲོའོ། །གནས་འཇོག་དཔེར་ན་ཆུ་བོ་ཆེན་པོ་ལྔ་པོ་གཅིག་ཏུ་གཞོལ
282b2 བར་འབབ་པ་ནི་འདི་ལྟ་སྟེ། གང་ག་དང་། ཡ་མུ་ན་དང་། མཚོ་ལྡན་དང་། ཁྱིམ་ལྡན་དང་། ས་སྟེ། ཆུ་དེ་དག་ལ་འདི་ཙམ་མོ་ཞེས་ཆུ་འམ། ཆུ་བུམ་པ་བརྒྱ་འམ། ཆུ་བུམ་པ་སྟོང་ངམ་ཆུ་བུམ་པ་བརྒྱ་སྟོང་ཞེས་ཚད་བཟུང་བར་མི་ནུས་ཏེ་འོན་ཀྱང་ཆུ
282b3 མང་ཞིང་ཆུ་ཀླུང་ཆེའོ་ཞེས་བྱ་བའི་གྲངས་སུ་འགྲོའོ། །གནས་འཇོག་དེ་བཞིན་དུ་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་གནས་པའི་རིགས་ཀྱི་བུ་འམ། རིགས་ཀྱི་བུ་མོ་དེའི་བསོད་ནམས་འདི་ཙམ་མོ་ཞེས
282b4 བསོད་ནམས་སམ། བསོད་ནམས་ཀྱི་འབྲས་བུ་འམ། བསོད་ནམས་ཀྱི་འབྲས་བུ་རྣམ་པར་སྨིན་པའི་ཚད་གཟུང་བར་མི་ནུས་ཏེ། འོན་ཀྱང་བསོད་ནམས་མང་ངོ་ཞེས་བྱ་བའི་གྲངས་སུ་འགྲོའོ། །གནས་འཇོག་དེ་ཇི་སྙམ་དུ་སེམས།
282b5 གང་ཞིག་རྒྱ་མཚོ་ཆེན་པོའི་ཆུ་ནི་འདི་ཙམ་སྟེ། ཆུ་འམ། ཆུ་བུམ་པ་བརྒྱ་འམ། ཆུ་བུམ་པ་སྟོང་ངམ། ཆུ་བུམ་པ་བརྒྱ་སྟོང་ཡོད་ཅེས་ཚད་གཟུང་བར་ནུས་པ་ཡོད་དམ། གནས་འཇོག་གིས་གསོལ་པ། གཽ་ཏ་མ་གང་ལ་ལ་རྒྱ་མཚོ
282b6 ཆེན་པོའི་ཆུ་ནི་འདི་ཙམ་སྟེ་ཆུ་འམ། ཆུ་བུམ་པ་བརྒྱ་འམ། ཆུ་བུམ་པ་སྟོང་ངམ། ཆུ་བུམ་པ་བརྒྱ་སྟོང་ཞེས་ཚད་གཟུང་བ་དེ་ནི་གནས་མ་མཆིས་ཏེ་སྐབས་མ་ལགས་སོ། །གཽ་ཏ་མ་དེ་ཅིའི་སླད་དུ་ཞེ་ན། ཆུ་ཀླུང་དེ་ནི་ཚད་གཟུང་དུ་མ་མཆིས
282b7 པའི་སླད་དུའོ། །བཅོམ་ལྡན་འདས་ཀྱིས་བཀའ་སྩལ་པ། གནས་འཇོག་དེ་བསྟན་པས་གོ་བར་བྱ་སྟེ། གང་ཞིག་གང་གི་ཚེ་ཐབས་ལ་མཁས་པ་གང་གིས་རྒྱ་མཚོ་ཆེན་པོའི་ཆུ་འདི་ཙམ་སྟེ། ཆུ་འམ། ཆུ་བུམ་པ་བརྒྱ་འམ།
282b8 ཆུ་བུམ་པ་སྟོང་ངམ། ཆུ་བུམ་པ་བརྒྱ་སྟོང་ཞེས་ཚད་གཟུང་བར་ནུས་པ་ཡོད་སྲིད་ཀྱི། གང་འཕགས་པའི་ཡན་ལག་བརྒྱད་དང་ལྡན་པའི་བསྙེན་གནས་ལ་ལན་ཅིག་གནས་པའི་བསོད་ནམས་འདི་ཙམ་ཞེས་བསོད་ནམས
iiif viewer powered by OpenSeadragon
