| e-texts navigator |
| Wylie |
269b1 བ་རྣམས། །ཐམས་ཅད་ནུབ་པ་ཉིད་ཏུ་འགྱུར། །གང་ཚེ་བྲམ་ཟེ་ཆོས་རྣམས་ཀྱི། །ཕ་རོལ་ཕྱིན་པར་གྱུར་པ་ན། །དེ་ཚེ་དེ་ཡིས་མཐོང་བས་ན། །རྐྱེན་རྣམས་ཐམས་ཅད་ནུབ་པར་གྱུར། །གང་ཚེ་བྲམ་ཟེ་ཆོས་རྣམས་ཀྱི། །ཕ་རོལ་ཕྱིན་པར་གྱུར་པ་ན། །དེ་ཚེ་དེ་ཡིས་མཐོང
269b2 བས་ན། །ཀུན་སྦྱོར་ཐམས་ཅད་ནུབ་པར་གྱུར། །གང་ཚེ་བྲམ་ཟེ་ཆོས་རྣམས་ཀྱིས། །ཕ་རོལ་ཕྱིན་པར་གྱུར་པ་ན། །དེ་ཚེ་སྐྱེ་དང་རྒ་བ་དང་། །འཆི་བ་རྣམས་ལས་ཤིན་དུ་འདས། །ཉིན་མོ་ཉི་མ་གསོལ་བར་བྱེད། །མཚན་མོ་ཟླ་བ་སྣང་བ་ལྟར། །རྒྱལ་རིགས་གོ་ཆས་ཆས་པ་གསལ།
269b3 བྲམ་ཟེ་སེམས་པར་བྱེད་ན་གསལ། །ཉིན་མོ་ཉི་མ་གསལ་བར་བྱེད། །མཚན་མོ་ཟླ་བ་སྣང་བྱེད་ལྟར། །རྟག་ཏུ་སངས་རྒྱས་གཟི་བརྗིད་ཅན། །ཉིན་དང་མཚན་དུ་གསལ་བར་བྱེད། །ཇི་ལྟར་མི་སྡུག་པ་ལས་ཡིད་ལྡོག་པ། །དེ་འདྲ་བྲམ་ཟེ་རྣམས་ལ་ཅུང་ཟད་མེད། །ཇི་ལྟ་ཇི་ལྟར
269b4 དེ་ཡི་ཡིད་ལྡོག་པ། །དེ་ལྟ་དེ་ལྟར་ཀུན་རྫོབ་བདེན་པར་ཟད། །གང་ཚེ་བྲམ་ཟེ་བརྩོན་པས་སེམས་པ་ན། །གང་གིས་ཆོས་རྣམས་རྒྱུར་བཅས་རབ་ཤེས་པ། །ཆོས་འདི་རྣམས་ལས་རབ་ཏུ་འབྱུང་འགྱུར་ཏེ། །དེ་ཚེ་དེ་ཡི་སོམ་ཉི་མ་ལུས་སྤོང་། །གང་ཚེ་བྲམ་ཟེ་བརྩོན་པས་སེམས་པ་ན། །གང
269b5 གིས་སྡུག་བསྔལ་རྒྱུར་བཅས་རབ་ཤེས་པ། །ཆོས་འདི་རྣམས་ལས་རབ་ཏུ་འབྱུང་འགྱུར་ཏེ། །དེ་ཚེ་དེ་ཡི་སོམ་ཉི་མ་ལུས་སྤོང་། །གང་ཚེ་བྲམ་ཟེ་བརྩོན་པས་སེམས་པ་ན། །གང་གིས་ཚོར་བ་ཟད་པ་འཐོབ་འགྱུར་བ། །ཆོས་འདི་རྣམས་ལས་རབ་ཏུ་འབྱུང་འགྱུར་ཏེ། །དེ་ཚེ་དེ་ཡི་སོམ་ཉི
269b6 མ་ལུས་སྤོང་། །གང་ཚེ་བྲམ་ཟེ་བརྩོན་པས་འབད་པ་ན། །གང་གིས་རྐྱེན་རྣམས་ཟད་པ་འཐོབ་འགྱུར་བ། །ཆོས་འདི་རྣམས་ལས་རབ་ཏུ་འབྱུང་འགྱུར་ཏེ། །དེ་ཚེ་དེ་ཡི་སོམ་ཉི་མ་ལུས་སྤོང་། །གང་ཚེ་བྲམ་ཟེ་བརྩོན་པས་སེམས་པ་ན། །གང་གིས་ཟག་པ་ཟད་པ་འཐོབ་འགྱུར་བ། །
269b7 ཆོས་འདི་རྣམས་ལས་རབ་ཏུ་འབྱུང་འགྱུར་ཏེ། །དེ་ཚེ་དེ་ཡི་སོམ་ཉི་མ་ལུས་སྤོང་། །གང་ཚེ་བྲམ་ཟེ་བརྩོན་པས་སེམས་པ་ན། །ཇི་ལྟར་མཁའ་ལ་ཉི་མ་ཤར་བ་ལྟར། །འཇིག་རྟེན་ཐམས་ཅད་སྣང་བྱེད་འདུག་འགྱུར་བ། །ཆོས་འདི་རྣམས་ལས་རབ་ཏུ་འབྱུང་བར་འགྱུར། །གང
269b8 ཚེ་བྲམ་ཟེ་བརྩོན་པས་སེམས་པ་ན། །བློ་ཡིས་ཀུན་སྦྱོར་རྣམས་ལས་རབ་གྲོལ་ཏེ། །བདུད་སྡེ་རྣམ་པར་བསལ་ནས་འདུག་འགྱུར་ལ། །ཆོས་འདི་རྣམས་ལས་རབ་ཏུ་འབྱུང་བར་འགྱུར། །བྲམ་ཟེའི་ཚོམས་ཏེ་སུམ་བཅུ་རྩ་གསུམ་པའོ།། །།སྡོམ་ལ། དེ་བཞིན་གཤེགས་དང་ཐོས
iiif viewer powered by OpenSeadragon
