| e-texts navigator |
| Wylie |
267a1 བརྟུལ་ཞུགས་ལྡན་ཞིང་སེམས་ཁྲལ་མེད། །དུལ་ཞིང་ལུས་མཐར་གནས་པ་དེ། །བྲམ་ཟེ་ཡིན་པར་ངས་གསུངས་སོ། །གང་ཞིག་རབ་བྱུང་ཁྱིམ་པ་དང་། །དེ་བཞིན་གཉིས་གར
267a2 མི་འདྲེ་ཞིང་། །འདོད་ཆུང་ཁྱིམ་ནས་མ་བྱུང་དེ། །བྲམ་ཟེ་ཡིན་པར་ངས་གསུངས་སོ། །མ་འོངས་པ་ལ་མངོན་མི་དགའ། །འདས་པ་རྣམས་ལ་གདུང་མེད་པ། །འཁྲིག་པའི་སྦྱོར་བྲལ་གཡུལ་རྒྱལ་དེ། །བྲམ་ཟེ་ཡིན་པར
267a3 ངས་གསུངས་སོ། །མ་འོངས་པ་ལ་མངོན་མི་དགའ། །འདས་ལ་གདུང་མེད་རྡུལ་བྲལ་ཞིང་། །ཞི་བ་མྱ་ངན་མེད་པ་དེ། །བྲམ་ཟེ་ཡིན་པར་ངས་གསུངས་སོ། །གང་ཞིག་འདོད་ཆུང་གཞན་མི་གསོ། །དུལ་ཞིང་སྙིང་པོར་རབ
267a4 གནས་ལ། །ཟག་ཟད་སྐྱོན་རྣམས་བསལ་བ་དེ། །བྲམ་ཟེ་ཡིན་པར་ངས་གསུངས་སོ། །གང་ཞིག་ཕ་རོལ་ཚུ་རོལ་དང་། །ཕ་རོལ་ཚུ་རོལ་གཉིས་མེད་ཅིང་། །ཆོས་རྣམས་ཀུན་གྱི་མཐར་ཕྱིན་དེ། །བྲམ་ཟེ་ཡིན་པར་ངས
267a5 གསུངས་སོ། །གང་ཞིག་ཕ་རོལ་ཚུ་རོལ་དང་། །ཕ་རོལ་ཚུ་རོལ་གཉིས་མེད་ཅིང་། །གང་ཞིག་གནས་གསུམ་མ་ཆགས་དེ། །བྲམ་ཟེ་ཡིན་པར་ངས་གསུངས་སོ། །གང་ཞིག་ཐུང་དང་རིང་བ་དང་། །ཕྲ་སྦོམ་དགེ་དང་མི་དགེ་དང་། །
267a6 འཇིག་རྟེན་ཅུང་ཟད་མི་ལེན་དེ། །བྲམ་ཟེ་ཡིན་པར་ངས་གསུངས་སོ། །གང་ཞིག་འདི་ཉིད་རབ་ཤེས་ཤིང་། །རང་གི་སྡུག་བསྔལ་ཟད་པ་དང་། །འདོད་ཆགས་བྲལ་ཞིང་མི་ལྡན་དེ། །བྲམ་ཟེ་ཡིན་པར་ངས་གསུངས་སོ། །
267a7 གང་ཞིག་དགེ་དང་སྡིག་པ་དང་། །གཉི་ག་ཡིས་ཀྱང་མི་གོས་པ། །གོས་མེད་རྡུལ་བྲལ་ཞི་བ་དེ། །བྲམ་ཟེ་ཡིན་པར་ངས་གསུངས་སོ། །གང་ཞིག་དགེ་དང་སྡིག་པའི་ལས། །ཆགས་གང་ཡིན་དེ་རབ་འདས་ཤིང་། །
267a8 ཆགས་ལས་རབ་འདས་རྣམ་གྲོལ་དེ། །བྲམ་ཟེ་ཡིན་པར་ངས་གསུངས་སོ། །གང་ཞིག་སྔོན་དང་ཕྱིན་མ་དང་། །དབུས་ཀྱང་ཡོད་པ་མ་ཡིན་པ། །རྡུལ་བྲལ་འཆིང་བ་ལས་གྲོལ་ཏེ། །བྲམ་ཟེ་ཡིན་པར་ངས
iiif viewer powered by OpenSeadragon
