| e-texts navigator |
| Wylie |
264b1 དེ་ནི་ཡང་སྲིད་མེད་པར་འགྱུར། །སྐྱེ་བའི་འཁོར་བ་རྣམ་པར་སྤངས། །དགེ་སློང་དངོས་པོ་བཅད་པ་དང་། །སྲིད་པའི་སྲེད་པ་བཅད་གྱུར་པ། །དེ་ནི་བདུད་ཀྱི་འཆིང་ལས་གྲོལ། །སྐྱེ་བའི་འཁོར་བ་རྣམ་པར
264b2 སྤངས། །གང་ཞིག་འདམ་རྫབ་ལེགས་རྒལ་ཅིང་། །གྲོང་གི་ཚེར་མ་བཀྲུགས་པ་དང་། །འདོད་ཆགས་ཟད་པ་རྗེས་ཐོབ་པ། །དེ་ནི་དགེ་སློང་ཡིན་ཞེས་བརྗོད། །གང་ཞིག་འདམ་རྫབ་ལེགས་རྒལ་ཅིང་། །
264b3 གྲོང་གི་ཚེར་མ་བཀྲུགས་པ་དང་། །ཞེ་སྡང་ཟད་པ་རྗེས་ཐོབ་པ། །དེ་ནི་དགེ་སློང་ཡིན་ཞེས་བརྗོད། །གང་ཞིག་འདམ་རྫབ་ལེགས་རྒལ་ཅིང་། །གྲོང་གི་ཚེར་མ་བཀྲུགས་པ་དང་། །གཏི་མུག་ཟད་པ་རྗེས་ཐོབ
264b4 པ། །དེ་ནི་དགེ་སློང་ཡིན་ཞེས་བརྗོད། །གང་ཞིག་འདམ་རྫབ་ལེགས་རྒལ་ཅིང་། །གྲོང་གི་ཚེར་མ་བཀྲུགས་པ་དང་། །ང་རྒྱལ་ཟད་པ་རྗེས་ཐོབ་པ། །དེ་ནི་དགེ་སློང་ཡིན་ཞེས་བརྗོད། །གང་ཞིག་འདབ
264b5 རྫབ་ལེགས་རྒལ་ཅིང་། །གྲོང་གི་ཚེར་མ་བཀྲུགས་པ་དང་། །ཆགས་པ་ཟད་པ་རྗེས་ཐོབ་པ། །དེ་ནི་དགེ་སློང་ཡིན་ཞེས་བརྗོད། །གང་ཞིག་འདབ་རྫབ་ལེགས་རྒལ་ཅིང་། །གྲོང་གི་ཚེར་མ་བཀྲུགས་པ་དང་། །
264b6 སྲེད་པ་ཟད་པ་རྗེས་ཐོབ་པ། །དེ་ནི་དགེ་སློང་ཡིན་ཞེས་བརྗོད། །གང་ཞིག་གཤེ་བ་དང་ནི་གསོད་པ་དང་། །འཆིང་དང་གྲོང་གི་ཚེར་མ་ཐུལ་བ་དང་། །གང་ཞིག་རི་བོ་བཞིན་གནས་མི་བཀྲི་ཞིང་། །སྡུག་བདེས་མ་གཡོས
264b7 དེ་ནི་དགེ་སློང་ཡིན། །སྐུར་པ་མི་འདེབས་སྒྲོ་འདོགས་མི་བྱེད་ཅིང་། །འཇིག་རྟེན་འདི་ཀུན་བརྫུན་རྟོགས་དགེ་སློང་གང་། །དེ་ནི་ཕ་རོལ་མིན་པའི་ཕ་རོལ་པོ། །སྤོང་སྟེ་སྦྲུལ་རྒས་ལྤགས་རྙིང་རྗེ་བ་བཞིན། །སྦྲུལ་གྱིས་དུག
264b8 བཏང་བ་ལ་སྨན་བཞིན་དུ། །འདོད་ཆགས་ལངས་པ་འདུལ་བའི་དགེ་སློང་གང་། །དེ་ནི་ཕ་རོལ་མིན་པའི་ཕ་རོལ་པོ། །སྤོང་སྟེ་སྦྲུལ་རྒས་ལྤགས་རྙིང་རྗེ་བ་བཞིན། །སྦྲུལ་གྱིས་དུག་བཏང་བ་ལ་སྨན་བཞིན་དུ། །ཞེ་སྡང་ལངས
iiif viewer powered by OpenSeadragon
