| e-texts navigator |
| Wylie |
261a1 བཏུལ་ནས་གནས་མེད་པར་ནི་བསྲུང་བར་བྱ། །གང་གིས་བྱང་ཆུབ་ཡན་ལག་བདུན། །སེམས་ཀྱིས་ལེགས་པར་བསྒོམས་པ་དང་། །གང་ཞིག་ལེན་ལ་མི་དགའ་ཞིང་། །ལེན་པ་རབ་ཏུ་སྤངས་པ་དང་། །ཟག
261a2 ཟད་སྐྱོན་རྣམས་བསལ་བ་དེ། །འཇིག་རྟེན་དག་ན་མྱ་ངན་འདས། །གང་ཞིག་གཡག་རྔའི་རྩེ་མོ་ལྟར། །རང་གི་སེམས་ནི་རྗེས་སྲུང་ཞིང་། །འབྱུང་པོ་རྣམས་ལ་བརྩེར་ལྡན་པ། །དེ་ཡི་བདེ་བ་ཡོངས་མི་ཉམས། །
261a3 གང་ཕྱིར་གླང་པོའི་གླང་པོ་ཆེ། །མཆེ་བ་བཟང་པོའི་གླང་ཆེན་དང་། །སེམས་དང་སེམས་ནི་མཉམ་པས་ན། །དེ་ཕྱིར་གཅིག་པུ་ནགས་སུ་དགྱེས། །གང་གི་ཡིད་ལ་གནོད་མེད་ཅིང་། །འབྱུང་པོ་ཀུན་ལ་བརྩེ་བ་དང་། །
261a4 འབྱུང་པོ་རྣམས་ལ་བྱམས་བྱེད་པ། །དེ་ལ་ནམས་ཀྱང་འཁོན་མི་འབྱུང་། །གང་ལ་གནོད་པའི་སེམས་མེད་ཅིང་། །འབྱུང་པོ་ཀུན་ལ་བརྩེ་བ་དང་། །སྲོག་ཆགས་ཀུན་ལ་བྱམས་བྱེད་པ། །དེ་ལ་ནམས་ཀྱང་འཁོན་མི
261a5 འབྱུང་། །གང་ལ་གནོད་པའི་སེམས་མེད་ཅིང་། །འབྱུང་པོ་རྣམས་ལ་བརྩེ་བ་དང་། །སེམས་ཅན་ཀུན་ལ་བྱམས་བྱེད་པ། །དེ་ལ་ནམས་ཀྱང་འཁོན་མི་འགྱུར། །མཛའ་བཤེས་ཀུན་དང་གྲོགས་ཀུན་དང་། །འབྱུང་པོ་ཀུན
261a6 ལ་བརྩེ་བ་དང་། །བྱམས་པའི་སེམས་ནི་བསྒོམ་བྱས་ན། །བདེ་བ་ཤིན་དུ་འཕེལ་བར་འགྱུར། །གལ་ཏེ་གང་ཞིག་སྲོག་ཆགས་འགའ་ལའང་སྡང་མེད་སེམས། །བྱམས་པར་བྱེད་ན་དེ་ཡིས་དེ་ནི་དགེ་བ་ཡིན། །སེམས
261a7 ཅན་ཐམས་ཅད་ལ་ནི་ཡིད་ཀྱིས་བརྩེ་བྱས་ན། །བསོད་ནམས་ཕལ་ཆེན་འཕགས་པས་རབ་ཏུ་བསྒྲུབས་པར་འགྱུར། །མི་གང་དགའ་བའི་སེམས་དང་ནི། །ཞུམ་པ་མེད་པའི་ཡིད་ཀྱིས་སུ། །དགེ་བའི་ཆོས་ལ་སྒོམ
261a8 བྱེད་པ། །གྲུབ་པ་དང་ནི་བདེ་བ་འཐོབ། །ཡང་དག་ཤེས་པས་རྣམ་གྲོལ་ཞིང་། །སྐྱོབ་པ་ཉེ་བར་ཞི་གྱུར་པ། །དེ་ཡི་ཡིད་ནི་ཞི་གྱུར་ཅིང་། །ལུས་དང་ངག་གི་ལས་ཀྱང་ཞི། །ཇི་ལྟར་རྩེ་གཅིག་སེམས་ཀྱིས་ནི། །
iiif viewer powered by OpenSeadragon
