| e-texts navigator |
| Wylie |
258a1 པ་བདེ། །འཕགས་པ་རྣམས་ནི་མཐོང་བ་བདེ། །དམ་པ་དག་དང་འགྲོགས་པ་བདེ། །བྱིས་པ་རྣམས་ནི་མ་མཐོང་ན། །རྟག་ཏུ་བདེ་བ་ཉིད་དུ་འགྱུར། །རྣམ་པ་ཀུན་དུ་དགྲ་འདྲ་བའི། །བྱིས་དང་འགྲོགས་པ་སྡུག་བསྔལ
258a2 ཞིང་། །བྱིས་པ་དག་དང་འགྲོགས་བྱེད་པ། །ཡུན་རིང་རྗེས་སུ་འགྱོད་པར་འགྱུར། །སྐྱེས་བུ་ཅང་ཤེས་དཀོན་པ་སྟེ། །དེ་དག་ཀུན་དུ་འབྱུང་མ་ཡིན། །བརྟན་པ་རྣམས་དང་འགྲོགས་པ་དག་།གཉེན་དང་ཕྲད་པ་ལྟ་བུར་བདེ། །
258a3 གང་དུ་བརྟན་པ་དེ་སྐྱེས་པ། །དེ་ཡི་རིགས་ཀྱིས་བདེ་བ་འཐོབ། །བྲམ་ཟེ་མྱ་ངན་འདས་པ་དག་།རྣམ་པ་ཀུན་དུ་བདེ་བར་འཇུག་།གང་ཞིག་འདོད་པས་མ་གོས་ཤིང་། །ཟག་མེད་རབ་ཏུ་རྣམ་གྲོལ་བ། །སྲེད་པ་ཐམས་ཅད
258a4 གཏུབས་པ་དག་། སྙིང་ལས་རིམས་ནད་རྣམ་པར་བསལ། །སེམས་ཀྱིས་ཞི་བ་ཐོབ་པ་རྣམས། །ཉེ་བར་ཞི་ཞིང་བདེ་བར་འཇུག་།གང་ཞིག་བདེ་བ་ཡངས་འདོད་ཅིང་། །བདེ་བ་ཆུང་ངུ་གཏོང་འདོད་པའི། །བརྟན་པས་བདེ་ཆུང
258a5 སྤང་བྱས་ན། །བདེ་བ་ཡངས་པ་ལེགས་པར་མཐོང་། །འཇིག་རྟེན་འདོད་བདེ་གང་ཡིན་དང་། །ལྷ་ཡུལ་བདེ་བ་གང་ཡིན་པས། །སྲེད་པ་ཟད་པའི་བདེ་བ་དེའི། །བཅུ་དྲུག་ཆར་ཡང་མི་ཕོད་དོ། །ཁུར་གྱིས་སྡུག་བསྔལ་བླངས་པས
258a6 ན། །ཁུར་བོར་ན་ནི་བདེ་བར་འགྱུར། །ལྕི་བའི་ཁུར་དག་ངེས་བོར་ན། །ཕྱི་ནས་གཞན་དག་ལེན་མི་འགྱུར། །ཀུན་སྦྱོར་ཐམས་ཅད་ཟད་པའི་ཕྱིར། །སྲེད་པ་ཐམས་ཅད་རབ་ཏུ་སྤོངས། །ཕུང་པོ་ཐམས་ཅད་ཡོངས་ཤེས་ན། །
258a7 སྲིད་པ་ཕྱི་མར་འགྲོ་བ་མེད། །དོན་རྣམས་བསྐྲུན་པ་ལ་ནི་གྲོགས་ལྡན་བདེ། །སྲོག་དག་རབ་ཏུ་གཏུགས་ལ་བསོད་ནམས་བདེ། །ངན་ངོན་ཙམ་གྱིས་ལེགས་པར་ཆོག་ཤེས་བདེ། །སྡུག་བསྔལ་ཐམས་ཅད་ངེས་པར་ནུབ
258a8 པ་བདེ། །འདི་ན་མེ་ནི་འབར་བ་ལ། །ལྕགས་ཀྱི་ཐོ་བས་བརྒྱབ་པ་ཡིས། །རིམ་གྱིས་ཉེ་བར་ཞི་འགྱུར་ཏེ། །ཇི་ལྟར་སོང་བ་མི་ཤེས་ལྟར། །འདོད་པའི་འདམ་རྫབ་ཆུ་རྒལ་ཅིང་། །གོ་འཕང་མི་གཡོ་ཐོབ་པ་དང་། །
iiif viewer powered by OpenSeadragon
