| e-texts navigator |
| Wylie |
256b1 དག་སྟོད་བྱེད་དེ། །དེ་དག་སུས་ཀྱང་སྨད་འོས་མིན། །འཛམ་བུའི་གླིང་གི་གསེར་རྒྱན་བཞིན། །ཇི་ལྟར་རི་དང་བྲག་དག་ནི། །རླུང་གིས་གཡོས་པར་མི་འགྱུར་ལྟར། །དེ་བཞིན་བསྟོད་དང་སྨད་པ་ཡིས། །མཁས་པ་རབ་ཏུ་གཡོ་བ་མེད། །
256b2 ས་ལ་གང་གི་རྩཝ་མེད་པ། །ལོ་མེད་ལྕུག་ཕྲན་ག་ལ་ཡོད། །འཆིང་བ་ལས་གྲོལ་བརྟན་པ་དེའི། །ཇི་ག་སུས་ཀྱང་སྨད་འོས་མིན། །གང་ཞིག་རྒྱལ་ལས་མི་ཉམས་ཤིང་། །འཇིག་རྟེན་མ་རྒྱལ་ཆུང་ཟད་མེད། །སངས་རྒྱས་སྤྱོད་ཡུལ་མཐའ་ཡས
256b3 དེ། །འགྲོ་མེད་གོམ་པ་གང་གིས་བཀྲི། །གང་ཞིག་རྒྱལ་ལས་མི་ཉམས་ཤིང་། །འཇིག་རྟེན་མ་རྒྱལ་ཆུང་ཟད་མེད། །སངས་རྒྱས་མཐུ་རྩལ་མཐའ་ཡས་དེ། །འགྲོ་མེད་གོམ་པ་གང་གིས་བཀྲི། །གང་ལ་འཁྲིད་བྱེད་སྲིད་པ་ནི། །
256b4 ཡུལ་སྲེད་འདྲ་བ་དགའ་མེད་པ། །སངས་རྒྱས་སྤྱོད་ཡུལ་མཐའ་ཡས་དེ། །འགྲོ་མེད་གོམ་པ་གང་གིས་བཀྲི། །གང་ལ་འཁྲིད་བྱེད་སྲིད་པ་ནི། །ཡུལ་སྲིད་དྲ་བ་དགའ་མེད་པ། །སངས་རྒྱས་མཐུ་རྩལ་མཐའ་ཡས་དེ། །འགྲོ་མེད་གོམ
256b5 པ་གང་གིས་བཀྲི། །གང་ཞིག་རྣམ་པར་རྟོག་པ་རྣམ་བསལ་ཅིང་། །ནང་གི་ཀུན་ལ་རྣམ་པར་རྟོག་མེད་པ། །ཀུན་དུ་སྦྱོར་དང་གཟུགས་དང་འདུ་ཤེས་འདས། །རྣལ་འབྱོར་བཞི་དང་བྲལ་བ་སྐྱེ་བ་མེད། །སྔོན་བྲལ་ཕྱི་མ་དང་བྲལ
256b6 ཞིང་། །དབུས་བྲལ་སྲིད་པའི་ཕ་རོལ་ཕྱིན། །རྣམ་པ་ཀུན་ལས་སེམས་གྲོལ་བ། །སྐྱེ་རྒ་ཕྱི་མ་འདྲེན་མི་འགྱུར། །ཕྲུགས་ཀྱི་ཚོམས་ཏེ་ཉི་ཤུ་དགུ་པའོ།། །། རྒྱལ་བ་ལས་ནི་འཁོན་བྱུང་ཞིང་། །ཕ་རོལ་ཕམ་པ་སྡུག
256b7 བསྔལ་འཐོབ། །རྒྱལ་དང་ཕ་རོལ་ཕམ་སྤངས་ན། །ཉེ་བར་ཞི་བའི་བདེ་བ་འཐོབ། །གཞན་ལ་སྡུག་བསྔལ་བསྐྱེད་པ་ཡིས། །གང་ཞིག་བདག་ནི་བདེ་འདོད་པ། །དགྲ་དང་མི་འབྲལ་འགྲོགས་པ་དང་། །དེ་ནི་སྡུག་བསྔལ་ལས་མི
256b8 འགྲོལ། །བདེ་བ་འདོད་ཕྱིར་འབྱུང་པོ་ལ། །གང་ཞིག་འཚེ་ཞིང་ཆད་པས་གཅོད། །བདག་གི་བདེ་བ་འདོད་པ་དེ། །ཕ་རོལ་དུ་ནི་བདེ་མི་འགྱུར། །གང་ཞིག་བདེ་བ་འདོད་པ་དག་།འབྱུང་པོ་ལ་ནི་མི་འཚེ་ཞིང་། །ཆད་པས་མི་གཅོད
iiif viewer powered by OpenSeadragon
