| e-texts navigator |
| Wylie |
248b1 བདག་གིས་ཕར་ནི་མ་བྱས་དང་། །འཁར་བའི་སྣོད་ལ་མ་བརྡུངས་ལྟར། །འདི་ལྟར་འཐབ་མོ་མི་འགྱུང་ཞིང་། །མྱ་ངན་འདས་པ་ཐོབ་པར་འགྱུར། །ནད་མེད་རྙེད་པའི་དམ་པ་སྟེ། །ཆོག་ཤེས་པ་ནི་ནོར་གྱི་དབྱིག་།
248b2 ཡིད་གཅུགས་བཤེས་པའི་མཆོག་ཡིན་ཏེ། །མྱ་ངན་འདས་པ་བདེ་བའི་ཕུལ། །འདུ་བྱེད་སྡུག་བསྔལ་མ་རུངས་པ། །ནད་ཀྱི་ནང་ན་བཀྲེས་མི་བཟད། །དེ་ལྟར་ཇི་བཞིན་ཤེས་ན་ནི། །མྱ་ངན་འདས་པ་མཆོག་ཏུ
248b3 འགྱུར། །བདེ་འགྲོར་འགྲོ་བ་ཉུང་ཟད་དེ། །ངན་འགྲོར་འགྲོ་བ་བསམ་ཡས་ཤིག་།དེ་ལྟའི་ཉེས་དམིགས་རྟོགས་གྱུར་ན། །མྱུར་དུ་ང་མྱ་ངན་འདས་པ་འཐོབ། །བདེ་འགྲོར་འགྲོ་བ་རྒྱུ་དང་བཅས། །ངན
248b4 འགྲོར་འགྲོ་བ་རྒྱུ་དང་ལྡན། །མྱ་ངན་འདས་འགྲོ་རྒྱུ་ཅན་ཏེ། །དེ་དགེ་ཐམས་ཅད་རྒྱུ་དང་བཅས། །ནགས་ཚལ་མཆོག་ཏུ་རི་དགས་འགྲོ། །མཁའ་ལ་བྱ་རྣམས་འགྲོ་བར་བྱེད། །ཆོས་ལ་རྣམ་པར་བསྒོམས
248b5 འགྲོ་སྟེ། །དགྲ་བཅོམ་མྱ་ངན་འདས་པར་འགྲོ། །འདི་ན་བརྩོན་འགྲུས་ཞན་པ་དང་། །བློ་ཆུང་ཤེས་པ་མེད་པ་ཡིས། །མདུད་པ་ཐམས་ཅད་རབ་གཏུབས་པའི། །མྱ་ངན་འདས་པ་ཐོབ་མི་འགྱུར། །
248b6 ཁྱོད་ཀྱིས་གྲུ་འདིའི་ཆུ་ཕྱགས་དང་། །འདི་ནི་ཡང་བར་འགྱུར་བ་ལྟར། །དེ་བཞིན་ཞེ་སྡང་འདོད་ཆགས་སྤོངས། །དེ་ནས་མྱ་ངན་འདས་པ་འཐོབ། །སྔོན་ཆད་བྱུང་བ་མི་འབྱུང་ཞིང་། །མ་བྱུང་བ་དག་འབྱུང་བར
248b7 འགྱུར། །མ་བྱུང་འབྱུང་བར་མི་འགྱུར་ལ། །ད་ལྟར་བྱུང་བའང་ཡོད་མ་ཡིན། །བལྟ་དཀའ་མཐའ་མེད་བདེར་མི་མཐོང་། །བདེན་པ་རབ་རྟོགས་ཤེས་པ་དང་། །སྲེད་དང་དགའ་བ་མེད་མཐོང་བ། །འདི་འདྲ་འདི
248b8 ནི་སྡུག་བསྔལ་མཐའ། །སྲེད་པ་རྣམས་ནི་བཅད་པ་དང་། །འདོད་ཆགས་རབ་ཏུ་སྤངས་པ་དང་། །མཚོ་བསྐམས་ནས་ནི་མི་འབབ་པ། །འདི་འདྲ་འདི་ནི་སྡུག་བསྔལ་མཐའ། །ལུས་ཞིག་ཚོར་བ་བསིལ་བར
iiif viewer powered by OpenSeadragon
