| e-texts navigator |
| Wylie |
245b1 ཉི་ཤུ་གསུམ་པའོ། ། །། གང་དག་དོན་དང་མི་ལྡན་ཚིག་།ཚིགས་བཅད་བརྒྱ་དག་སྨྲ་བ་བས། །གང་དག་ཉེ་བར་ཞི་འགྱུར་བའི། །དོན་ལྡན་ཚིག་གཅིག་ཐོས་པ་རུང་། །གང་དག་ཆོས་དང་མི་ལྡན་ཚིག་།ཚིགས་བཅད
245b2 བརྒྱ་དག་སྨྲ་བ་བས། །གང་དག་ཉེ་བར་ཞི་འགྱུར་བའི། །ཆོས་ལྡན་ཚིག་གཅིག་ཐོས་པ་རུང་། །ཚུལ་འཆལ་མཉམ་པར་མ་བཞག་པ། །ལོ་བརྒྱར་གསོན་པ་གང་ཡིན་པས། །ཚུལ་ཁྲིམས་ལྡན་ཞིང་མཉམ་བཞག
245b3 པ། །ཉིན་ཞག་འགའ་ཞིག་གསོན་པ་རུང་། །བརྩོན་མེད་ལེ་ལོ་ལྡན་པ་དག་།ལོ་བརྒྱར་གསོན་པ་གང་ཡིན་པས། །བརྩོན་འགྲུས་བརྟན་པ་བརྩམས་པ་དག་།ཉིན་ཞག་འགའ་ཞིག་གསོན་པ་རུང་། །ཤེས་འཆལ
245b4 མཉམ་པར་མ་བཞག་པ། །ལོ་བརྒྱར་གསོན་པ་གང་ཡིན་པས། །ཤེས་རབ་ཆེན་པོ་མཉམ་བཞག་པ། །ཉིན་ཞག་འགའ་ཞིག་གསོན་པ་རུང་། །སྐྱེ་དང་འཇིག་པ་མ་མཐོང་བ། །ལོ་བརྒྱར་གསོན་པ་གང་ཡིན་པས། །
245b5 སྐྱེ་དང་འཇིག་པ་མཐོང་བ་དག་།ཉིན་ཞག་འགའ་ཞིག་གསོན་པ་རུང་། །ཚོར་བ་ཟད་པ་མ་མཐོང་བ། །ལོ་བརྒྱར་གསོན་པ་གང་ཡིན་པས། །ཚོར་བ་ཟད་པ་མཐོང་བ་དག་།ཉིན་ཞག་འགའ་ཞིག་གསོན་པ་རུང་། །
245b6 ཟག་པ་ཟད་པ་མ་མཐོང་བ། །ལོ་བརྒྱར་གསོན་པ་གང་ཡིན་པས། །ཟག་པ་ཟད་པ་མཐོང་བ་དག་།ཉིན་ཞག་འགའ་ཞིག་གསོན་པ་རུང་། །གོ་འཕང་མི་གཡོ་མ་མཐོང་བ། །ལོ་བརྒྱར་གསོན་པ་གང་ཡིན་པས། །
245b7 གོ་འཕང་མི་གཡོ་མཐོང་བ་དག་།ཉིན་ཞག་འགའ་ཞིག་གསོན་པ་རུང་། །གོ་འཕང་བལྟ་དཀའ་མ་མཐོང་བ། །ལོ་བརྒྱར་གསོན་པ་གང་ཡིན་པས། །གོ་འཕང་བལྟ་དཀའ་མཐོང་བ་དག་།ཉིན་ཞག་འགའ་ཞིག
245b8 གསོན་པ་རུང་། །གོ་འཕང་མཐོན་པ་མ་མཐོང་བ། །ལོ་བརྒྱར་གསོན་པ་གང་ཡིན་པས། །གོ་འཕང་མཐོན་པོ་མཐོང་བ་དག་།ཉིན་ཞག་འགའ་ཞིག་གསོན་པ་རུང་། །གོ་འཕང་དམ་པ་མ་མཐོང་བ། །
iiif viewer powered by OpenSeadragon
