| e-texts navigator |
| Wylie |
202a1 རྫི་མ་སྟུག་པ་དང་། སྤྱན་དཀར་གནག་འབྱེས་ཤིང་ཨུད་པ་ལའི་འདབ་མ་ཡངས་པ་ལྟ་བུར་འདུག་པ་དང་། བྲང་ཆེ་ཞིང་རྒྱས་ལ་མཁྲེགས་པ་དང་། སྨིན་ཚུགས་རིང་བ་དང་། སྨིན་མ་འཇམ་པ་དང་། སྨིན་མའི་སྤུ་མཉམ
202a2 པ་དང་སྨིན་མ་སྣུམ་པ་དང་། སྙན་ཤལ་སྟུག་ཅིང་རིང་བ་དང་། སྙན་མཉམ་པ་དང་། སྙན་གྱི་དབང་པོ་མ་ཉམས་པ་དང་། དཔྲལ་བ་ལེགས་པར་འབྱེས་པ་དང་། དཔྲལ་བའི་དབྱེས་ཆེ་བ་དང་། དབུ་ཤིན་དུ་རྒྱས་པ་དང་། དབུ་སྐྲ་བུང་བ་ལྟར
202a3 གནག་པ་དང་། དབུ་སྐྲ་སྟུག་པ་དང་། དབུ་སྐྲ་འཇམ་པ་དང་། དབུ་སྐྲ་མ་འཛིངས་པ་དང་། དབུ་སྐྲ་མི་གཤོར་བ་དང་། དབུ་སྐྲ་དྲི་ཞིམ་པ་དང་། སངས་རྒྱས་བཅོམ་ལྡན་འདས་རྣམས་ཀྱི་ཕྱག་དང་ཞབས་དཔལ་གྱི་བེའུ་དང་། བཀྲ་ཤིས
202a4 དང་གཡུང་དྲུང་འཁྱིལ་པ་དང་འཁོར་ལོ་དང་རྡོ་རྗེ་དང་པད་མ་དང་ཉ་ལ་སོགས་པའི་མཚན་ཡོད་པ་ཡིན་ཏེ། འདི་དག་ནི་དཔེ་བྱད་བཟང་པོ་བརྒྱད་བཅུའོ། །དགེ་སློང་དག་ཁྱེད་ལ་ཆོས་བཤད་པར་བྱ་སྟེ། ཚངས་པར་སྤྱོད་པ་དང་ཐོག
202a5 མར་དགེ་བ། བར་དུ་དགེ་བ། ཐ་མར་དགེ་བ་དང་དོན་བཟང་པོ་ཚིག་འབྲུ་བཟང་པོ་མ་འདྲེས་པ། ཡོངས་སུ་རྫོགས་པ། ཡོངས་སུ་དག་པ། ཡོངས་སུ་བྱང་བ་འདི་ལྟ་སྟེ། དོན་རྣམ་པར་ངེས་པ་ཞེས་བྱ་བའི་ཆོས་ཀྱི་རྣམ་གྲངས་ཡང་དག
202a6 པར་རབ་ཏུ་བཤད་པར་བྱ་ཞེས་གང་སྨྲས་པ་དེ་ནི་བཤད་པ་འདི་ཡིན་ནོ། །དགེ་སློང་དག་འདི་དག་ནི་དགོན་པའི་གནས་སམ། ཤིང་དྲུང་ངམ། ཁང་སྟོང་ངམ། རི་སུལ་ལམ། རི་ཕུག་གམ། སོག་ཁྲོད་དམ། བླ་གབ་མེད་པ་འམ
202a7 དུར་ཁྲོད་དམ། ནགས་ཚལ་གྱི་མཐོངས་སམ། བས་མཐའི་མལ་སྟན་དག་ཏུ་ངེས་པར་བསམ་གཏན་དུ་གྱིས་ཤིག་།དགེ་སློང་དག་བག་མེད་པར་གྱུར་ནས་ཕྱིས་འགྱོད་པར་གྱུར་ཏ་རེ། འདི་ནི་ངེད་ཀྱིས་རྗེས་སུ་བསྟན་པའོ། །
202a8 ཆོས་ཀྱི་རྣམ་གྲངས་འདི་བཤད་པ་ན་དགེ་སློང་ལྔ་བརྒྱ་ཉེ་བར་ལེན་པ་མེད་པར་ཟག་པ་རྣམས་ལས་སེམས་རྣམ་པར་གྲོལ་ལོ། །བཅོམ་ལྡན་འདས་ཀྱིས་དེ་སྐད་ཅེས་བཀའ་སྩལ་ནས། དགེ་སློང་དེ་དག་དང་ལྷ་དང་མི
iiif viewer powered by OpenSeadragon
