| e-texts navigator |
| Wylie |
201a1 པར་བསྲུངས་པས་སོ། །སྤྱན་གྱི་རྫི་མ་བའི་འདྲ་བ་འདི་ནི་སྔོན་བསམ་པ་བཅོས་མ་མ་ཡིན་པས་སོ། །ལྤགས་པ་སྲབ་པ་འདི་ནི་སྔོན་ཆོས་ཡང་དག་པར་སྡུད་པ་ལས་སུ་རུང་བས་མངོན་པར་གྲུབ་པའོ། །དེ་བཞིན་གཤེགས
201a2 པའི་ལྤགས་པའི་མདོག་གསེར་འདྲ་བ་འདི་ནི་སྔོན་མལ་ཆ་དང་། གདིང་བ་དང་། གོས་ཡིད་དུ་འོང་བ་བྱིན་པས་མངོན་པར་གྲུབ་པའོ། །དེ་བཞིན་གཤེགས་པའི་སྤུའི་ཁུང་བུ་རེ་རེ་བ་འདི་ནི་སྔོན་འདུ་འཛི་ཡོངས་སུ་སྤངས་པས་མངོན
201a3 པར་གྲུབ་པའོ། །དེ་བཞིན་གཤེགས་པའི་སྤུ་གྱེན་དུ་གཡས་ཕྱོགས་སུ་འཁྱིལ་བ་འདི་ནི་སྔོན་མཁན་པོ་དང་། སློབ་དཔོན་དང་། དགེ་བའི་བཤེས་གཉེན་གྱིས་རྗེས་སུ་བསྟན་པ་ལ་འཐུན་པར་འཛིན་པས་གྲུབ་པའོ། །དེ་བཞིན
201a4 གཤེགས་པའི་དབུ་སྐྲ་རིན་པོ་ཆེ་ཨན་དྷ་རྙིལ་ལྟ་བུ་འདི་ནི་སྔོན་སེམས་ཅན་གྱི་སྲོག་ལ་སྙིང་བརྩེ་བ་དང་བོང་བ་དང་དབྱུག་པ་དང་མཚོན་ཆ་བོར་བས་གྲུབ་པའོ། །དེ་བཞིན་གཤེགས་པའི་སྨིན་མཚམས་ཀྱི་སྒོའི་བར་གྱི་དཔྲལ
201a5 བའི་སྤུ་ཤིན་དུ་དཀར་བ་འདི་ནི་སྔོན་བསྔགས་པར་འོས་པ་རྣམས་ཀྱི་བསྔགས་པ་བརྗོད་པས་མངོན་པར་གྲུབ་པའོ། །དེ་བཞིན་གཤེགས་པའི་དབུ་གཙུག་ཏོར་དང་ལྡན་པ་འདི་ནི་སྔོན་བླ་མ་ལ་གུས་པར་བྱས་པས་མངོན་པར་གྲུབ
201a6 པའོ། །དེ་བཞིན་གཤེགས་པའི་སྐུ་ཤིང་ནྱ་གྲོ་དྷ་ལྟར་ཆུ་ཞེང་གབ་པ་འདི་ནི་སྔོན་བདག་དང་གཞན་ཏིང་འཛིན་ལ་སྦྱོར་བས་མངོན་པར་གྲུབ་པའོ། །དེ་བཞིན་གཤེགས་པའི་སྐུ་སྲེད་མེད་ཀྱི་བུ་ཆེན་པོ་ལྟ་བུར་ཀུན་དུ་མཛེས
201a7 པ་འདི་ནི་སྔོན་དེ་བཞིན་གཤེགས་པའི་སྐུ་གཟུགས་བྱས་པ་དང་། མཆོད་རྟེན་ཞིག་པ་བཅོས་པ་དང་། གཞན་དག་འཇིགས་པ་ལས་དབུགས་དབྱུང་བ་བྱས་པས་གྲུབ་པ་སྟེ། དགེ་བའི་རྩ་བ་ཚད་མེད་པས་ཆོས་འདི་དག
201a8 ལ་དབང་སྒྱུར་བའི་ཕྱིར་དེ་བཞིན་གཤེགས་པའི་སྐྱེས་བུ་ཆེན་པོའི་མཚན་སུམ་བཅུ་རྩ་གཉིས་པོ་དག་སྐུ་ལ་མངོན་པར་གྲུབ་པའོ། །དཔེ་བྱད་བཟང་པོ་བརྒྱད་བཅུ་གང་ཞེ་ན། སངས་རྒྱས་བཅོམ་ལྡན་འདས་ཀྱི་སེན་མོ
iiif viewer powered by OpenSeadragon
