| e-texts navigator |
| Wylie |
200b1 གཤེགས་པའི་སྐྱེས་བུ་ཆེན་པོའི་སྐྱེས་བུ་ཆེན་པོའི་མཚན་ཐལ་གོང་རྒྱས་པ་འདི་ནི་སྔོན་དགེ་བའི་ཆོས་ཡང་དག་པར་སྤྱད་པས་མངོན་པར་གྲུབ་པའོ། །དེ་བཞིན་གཤེགས་པའི་དཔུང་མགོ་ཤིན་དུ་ཟླུམ་པ་འདི་ནི་སྔོན་གཞན་དག་ལ
200b2 དབུགས་འབྱིན་པ་བྱིན་པས་མངོན་པར་གྲུབ་པའོ། །དེ་བཞིན་གཤེགས་པའི་ཕྱག་མ་བཏུད་པར་པུས་མོར་སླེབས་པ་འདི་ནི་སྔོན་གཞན་ལ་བྱ་བ་ཅི་ཡོད་ཅེས་བྱ་བས་མངོན་པར་གྲུབ་པའོ། །དེ་བཞིན་གཤེགས་པའི་སྐུ་རྣམ་པར
200b3 དག་པ་འདི་ནི་སྔོན་དགེ་བ་བཅུའི་ལས་ཀྱི་ལམ་ངོམས་མི་མྱོང་བར་ཡང་དག་པར་སྤྱད་པས་མངོན་པར་གྲུབ་པའོ། །དེ་བཞིན་གཤེགས་པའི་མགུར་དུང་ལྟ་བུ་འདི་ནི་སྔོན་ནད་པ་རྣམས་ལ་སྨན་སྣ་ཚོགས་བྱིན་པས་མངོན་པར་གྲུབ་པའོ། །
200b4 དེ་བཞིན་གཤེགས་པའི་འགྲམ་པ་སེང་གེའི་འདྲ་བ་འདི་ནི་སྔོན་དགེ་བའི་རྩ་བ་ཡོངས་སུ་རྫོགས་པར་བྱས་པས་མངོན་པར་གྲུབ་པའོ། །དེ་བཞིན་གཤེགས་པའི་ཚེམས་བཞི་བཅུ་མཉམ་པ་འདི་ནི་སྔོན་སེམས་ཅན་ལ་མཚུངས་པར
200b5 གནས་སྦྱར་བས་མངོན་པར་གྲུབ་པའོ། །དེ་བཞིན་གཤེགས་པའི་ཚེམས་ཐགས་བཟང་བ་འདི་ནི་སྔོན་སེམས་ཅན་བྱེ་བའི་སྡུམས་བྱས་པས་སོ། །དེ་བཞིན་གཤེགས་པའི་ཚེམས་ཤིན་དུ་དཀར་བ་འདི་ནི་སྔོན་ཡིད་དུ་འོང་བ་རབ་ཏུ་བྱིན
200b6 པས་སོ། །ཚེམས་མཉམ་པ་ནི་སྔོན་ལུས་དང་། ངག་དང་། ཡིད་ལས་ཀུན་དུ་བསྲུངས་པས་གྲུབ་པའོ། །དེ་བཞིན་གཤེགས་པའི་ལྗགས་ཤིན་དུ་རིང་བ་འདི་ནི་སྔོན་བདེན་པའི་ཚིག་ཡང་དག་པར་བསྲུངས་པས་གྲུབ་པའོ། །དེ་བཞིན
200b7 གཤེགས་པའི་རོ་བྲོ་བའི་མཆོག་དང་ལྡན་པ་འདི་ནི་སྔོན་བསོད་ནམས་ཚད་མེད་པས་བདག་ཉེ་བར་བསྟན་ཅིང་གཞན་ལ་རབ་ཏུ་བྱིན་པས་གྲུབ་པའོ། །དེ་བཞིན་གཤེགས་པའི་ཚངས་པའི་དབྱངས་དང་། བྱ་ཀ་ལ་པིང་ཀའི
200b8 སྒྲ་དབྱངས་འདི་ནི་སྔོན་སེམས་ཅན་ལ་ཚིག་འཇམ་པོ་སྨྲས་པ་དང་། ཀུན་དུ་དགའ་བའི་ཚིག་ཐོས་པར་བྱེད་པས་གྲུབ་པའོ། །དེ་བཞིན་གཤེགས་པའི་སྤྱན་མཐོན་མཐིང་འདི་ནི་སྔོན་བྱམས་པ་དང་ལྡན་པས་སེམས་ཅན་ཡང་དག
iiif viewer powered by OpenSeadragon
