| e-texts navigator |
| Wylie |
190a1 མངོན་པར་ཤེས་པ་བུལ་ལ་དཀའ་བའི་ལམ་ཡང་ཡོད། མངོན་པར་ཤེས་པ་མྱུར་ལ་དཀའ་བའི་ལམ་ཡང་ཡོད། མངོན་པར་ཤེས་པ་བུལ་ལ་སླ་བའི་ལམ་ཡང་ཡོད། མངོན་པར་ཤེས་པ་མྱུར་ལ་སླ་བའི་ལམ་ཡང་ཡོད་དོ། །
190a2 དེ་ལ་མངོན་པར་ཤེས་པ་བུལ་ལ་དཀའ་བའི་ལམ་གང་ཞེ་ན། འདི་ལ་ཁ་ཅིག་རང་བཞིན་གྱིས་འདོད་ཆགས་ཀྱི་ཤས་ཆེ་བ་ཡིན། ཞེ་སྡང་གི་ཤས་ཆེ་བ་ཡིན། གཏི་མུག་གི་ཤས་ཆེ་བ་ཡིན་ཏེ། དེ་ལ་འདོད་ཆགས་ཀྱི་ཤས་ཆེ་བས་འདོད
190a3 ཆགས་ལས་བྱུང་བའི་སྡུག་བསྔལ་དང་། ཡིད་མི་བདེ་བ་རྒྱུན་མི་འཆད་པར་མྱོང་། ཞེ་སྡང་གི་ཤས་ཆེ་བས་ཞེ་སྡང་ལས་བྱུང་བའི་སྡུག་བསྔལ་དང་། ཡིད་མི་བདེ་བ་རྒྱུན་མི་འཆད་པར་མྱོང་། དེ་གཏི་མུག་གི་ཤས་ཆེ་བས་གཏི་མུག་ལས
190a4 བྱུང་བའི་སྡུག་བསྔལ་དང་། ཡིད་མི་བདེ་བ་རྒྱུན་མི་འཆད་པར་མྱོང་བ་ཟག་པ་རྣམས་ཟད་པར་བྱ་བ་ལ་དེའི་འཇིག་རྟེན་ལས་འདས་པའི་དབང་པོ་ལྔ་པོ་འདི་དག་བུལ་བ་དང་། ཞན་པ་དང་། མི་རྣོ་བ་དང་། མྱུར་བར་འཇུག་པ་མ་ཡིན་ནོ། །ལྔ
190a5 གང་ཞེ་ན། འདི་ལྟ་སྟེ། དད་པའི་དབང་པོ་དང་། བརྩོན་འགྲུས་ཀྱི་དབང་པོ་དང་། དྲན་པའི་དབང་པོ་དང་། ཏིང་ངེ་འཛིན་གྱི་དབང་པོ་དང་། ཤེས་རབ་ཀྱི་དབང་པོའོ། །དེ་འཇིག་རྟེན་ལས་འདས་པའི་དབང་པོ་ལྔ་པོ་འདི་དག་བུལ་བ་དང་། ཞན
190a6 པ་དང་། མི་རྣོ་བ་དང་། མི་མྱུར་བའི་ཕྱིར་འདི་ལྟ་སྟེ། ཟག་པ་རྣམས་ཟད་པར་བྱ་བ་ལ་བར་ཆད་མེད་པའི་ཏིང་ངེ་འཛིན་ལ་རེག་པ་བུལ་བ་ཉིད་དེ། འདི་ནི་མངོན་པར་ཤེས་པ་བུལ་ལ་དཀའ་བའི་ལམ་མོ། །དེ་ལ་མངོན་པར་ཤེས་པ་མྱུར
190a7 ལ་དཀའ་བའི་ལམ་གང་ཞེ་ན། འདི་ལ་ཁ་ཅིག་རང་བཞིན་གྱིས་འདོད་ཆགས་ཀྱི་ཤས་ཆེ་བ་ཡིན། ཞེ་སྡང་གི་ཤས་ཆེ་བ་ཡིན། གཏི་མུག་གི་ཤས་ཆེ་བ་ཡིན་ཏེ། དེ་འདོད་ཆགས་ཀྱི་ཤས་ཆེ་བས་འདོད་ཆགས་ལས་བྱུང་བའི
190a8 སྡུག་བསྔལ་དང་། ཡིད་མི་བདེ་བ་རྒྱུན་མི་འཆད་པར་མྱོང་། ཞེ་སྡང་གི་ཤས་ཆེ་བས་ཞེ་སྡང་ལས་བྱུང་བའི་སྡུག་བསྔལ་དང་། ཡིད་མི་བདེ་བ་རྒྱུན་མི་འཆད་པར་མྱོང་། གཏི་མུག་གི་ཤས་ཆེ་བས་གཏི་མུག་ལས་བྱུང་བའི་སྡུག
iiif viewer powered by OpenSeadragon
