| e-texts navigator |
| Wylie |
181b1 བཏབ་པོ། །དེ་བཞིན་དུ་གཞན་ཡང་ཀླུ་ཆེན་པོ་བརྒྱད་པོ་འདི་དག་སྟེ། སེར་སྐྱ་ཞེས་བྱ་བ་དང་། དྲི་མ་ཞེས་བྱ་བ་དང་། ཆུ་ལྡན་ཞེས་བྱ་བ་དང་། དྲག་ཤུལ་ཞེས་བྱ་བ་དང་། ལྷའི་བང་རིམ་ཞེས་བྱ་བ་དང་། བུམ་པའི་བང་རིམ་ཞེས
181b2 བྱ་བ་དང་། ཉེ་བའི་ཀླུ་ཞེས་བྱ་བ་དང་། ཨོ་ཌ་སུ་ཏ་ཞེས་བྱ་བས་ཀྱང་གནས་བརྟན་ཆེན་པོའི་རྐང་པ་ལ་ཕྱག་འཚལ་ཏེ། ཐལ་མོ་སྦྱར་བ་བྱས་ནས་རབ་ཏུ་གུས་པས་འདི་སྐད་ཅེས་སྨྲས་སོ། །ཐུགས་བརྩེ་བ་ཅན་ནགས
181b3 དེ་ནི་གཤེགས་ཤིང་བཞུགས་པའི་གནས་ཡིན་ཏེ། བདག་ཅག་ཀྱང་ཉེ་གནས་བགྱིད་ལ་གཞན་དག་ཀྱང་གཟུང་དུ་གསོལ། དེ་ནི་སྙན་པར་གྲགས་ཤིང་ལེགས་ཏེ། ཆུ་ནི་གཟིགས་པར་དབྱུང་བར་འཚལ་ལོ་ཞེས་གསོལ
181b4 བ་བཏབ་པོ། །གཞན་ཡང་ཀླུ་མོ་བརྒྱད་པོ་འདི་དག་སྟེ། མུན་ཞེས་བྱ་བ་དང་། འགྲོ་འདོད་ཅེས་བྱ་བ་དང་། མཐོང་མོ་ཞེས་བྱ་བ་དང་། གྲང་མོ་ཞེས་བྱ་བ་དང་། ཁུར་དྲང་མོ་ཞེས་བྱ་བ་དང་། ལབ་འཐོར་མ་ཞེས་བྱ་བ་དང་།
181b5 སྣ་ཚོགས་སྡེ་ཞེས་བྱ་བ་དང་། དྲི་ཟ་མོ་ཞེས་བྱ་བ་དག་གིས་ཀྱང་གནས་བརྟན་ཆེན་པོའི་རྐང་པ་ལ་ཕྱག་འཚལ་ཏེ། ཐལ་མོ་སྦྱར་བ་བྱས་ནས་རབ་ཏུ་གུས་པས་འདི་སྐད་ཅེས་སྨྲས་སོ། །ཐུགས་བརྩེ་བ་ཅན་ནགས་དེ
181b6 ནི་གཤེགས་ཤིང་བཞུགས་པའི་གནས་ཡིན་ཏེ། བདག་ཅག་ཉེ་གནས་བགྱིད་ལ་གཞན་དག་ཀྱང་གཟུང་དུ་གསོལ། དེ་ནི་སྙན་པར་གྲགས་ཤིང་ལེགས་ཏེ་ཆུ་ནི་གཟིགས་པར་དབྱུང་བར་འཚལ་ལོ་ཞེས་གསོལ་བ
181b7 བཏབ་པ་དང་། ཚེ་དང་ལྡན་པ་རབ་མཐོང་ཆེན་པོས་ཅང་མི་སྨྲ་བར་དང་དུ་བླངས་སོ། །ལྷ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། དྲི་ཟ་དང་། ལྟོ་འཕྱེ་ཆེན་པོ་ལ་སོགས་པ་དེ་དག་གིས་ཚེ་དང་ལྡན
181b8 པ་རབ་མཐོང་ཆེན་པོས་ཅང་མི་སྨྲ་བས་དང་དུ་བླངས་པར་རིག་ནས་དགའ་མགུ་ཡི་རངས་པར་གྱུར་ཏོ། །དེ་ནས་ཚེ་དང་ལྡན་པ་རབ་མཐོང་ཆེན་པོས་སྟོན་པའི་ཞལ་དུ་ལྟ་བ་མཐོང་ནས་ཏ་མ་སའི་ནགས་སུ་སོང་སྟེ།
iiif viewer powered by OpenSeadragon
